សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពី Aljazeera បានរាយការណ៍ថា លោកខាងលិចកំពុងមានភាពមិនប្រាកដប្រជាជុំវិញការគាំទ្រសម្រាប់អ៊ុយក្រែន ខណៈដែលរុស្ស៊ីកំពុងមានយុទ្ធនាការកាន់តែខ្លាំងក្នុងការរឹតបន្តឹងថាមពលរបស់ខ្លួន។
កាលពីថ្ងៃចន្ទកន្លងទៅនេះ សេតវិមានបានព្រមានសភាសហរដ្ឋអាមេរិកថា មូលនិធិដែលបានកំណត់សម្រាប់ផ្តល់ជំនួយដល់អ៊ុយក្រែននឹងអស់នៅចុងឆ្នាំនេះ។ លើសពីនេះ សហភាពអឺរ៉ុបក៏កំពុងលំបាកក្នុងការយល់ព្រមលើការផ្តល់ជំនួយថ្មីទំហំ ៥០ ពាន់លានអឺរ៉ូ (៥៤ ពាន់លានដុល្លារ) សម្រាប់ទីក្រុង Kyiv ។ លោកស្រី Shalanda Young នាយកស្តីទីនៃការិយាល័យគ្រប់គ្រង និងថវិការបស់សហរដ្ឋអាម៉េរិកបានបញ្ជាក់ថា ប្រសិនបើគ្មានចំណាត់ការពីសភាទេ អាម៉េរិកនឹងអស់ធនធានក្នុងការទិញអាវុធ និងឧបករណ៍បន្ថែមទៀតសម្រាប់អ៊ុយក្រែននៅចុងឆ្នាំនេះហើយ។ ប្រសិនបើរុស្ស៊ីវាយលុកលើហេដ្ឋារចនាសម្ព័ន្ធស៊ីវិលនៅរដូវរងាដ៏អាក្រក់នាពេលខាងមុខ ការខ្វះខាតជំនួយ ឬថវិកាអាចមានន័យថា វាជាការបរាជ័យសម្រាប់អ៊ុយក្រែន។ ប្រសិនបើសេដ្ឋកិច្ចអ៊ុយក្រែនដួលរលំ នោះពួកគេនឹងមិនអាចបន្តការប្រយុទ្ធគ្នាបានទេ។
ទន្ទឹមនឹងនេះ អាម៉េរិកគឺជាម្ចាស់ជំនួយដ៏ធំបំផុតរបស់អ៊ុយក្រែន ដោយបានបញ្ជូនជំនួយជាង ៤០ ពាន់លានដុល្លារ ចាប់តាំងពីការឈ្លានពានរបស់រុស្ស៊ីក្នុងខែកុម្ភៈ ឆ្នាំ២០២២។ ក្នុងខែតុលា ប្រធានាធិបតីអាមេរិក Joe Biden បានស្នើសុំសភាឱ្យអនុម័តលើមូលនិធិសន្តិសុខជាតិចំនួន ១០៥ ពាន់លានដុល្លារ ដែលនឹងរួមបញ្ចូលការគាំទ្រសម្រាប់អ៊ុយក្រែន។ យ៉ាងណាមិញ សមាជិកសភាស្តាំនិយមបានសម្តែងការសង្ស័យកាន់តែខ្លាំងចំពោះការអនុម័តមូលនិធិបន្ថែមទៀតសម្រាប់អ៊ុយក្រែន ខណៈដែលសភាអាម៉េរិកបានបិទថវិកាជំនួយបន្ថែមចំនួន ៦១ ពាន់លានដុល្លារសម្រាប់អ៊ុយក្រែន។
ស្របពេលនេះដែរ សហភាពអឺរ៉ុបកំពុងពិបាកក្នុងការអនុម័តកញ្ចប់ថវិកាផ្ទាល់ខ្លួន ដែលនឹងក្លាយជាផ្នែកនៃថវិការួមនាពេលអនាគតរបស់ប្លុកនេះ។ ផ្ទុយទៅវិញ ហុងគ្រីបានដឹកនាំការប្រឆាំងទៅនឹងការអនុម័តកញ្ចប់ថវិការនេះ ខណៈដែលគេសង្ស័យថានាយករដ្ឋមន្ត្រីប្រទេសនេះបានគាំទ្ររុស្ស៊ី។ នាពេលថ្មីៗនេះផងដែរ ជ័យជម្នះរបស់ពួកស្តាំនិយមក្នុងការបោះឆ្នោតហូឡង់ និងបញ្ហាប្រឈមផ្នែកសារពើពន្ធនៅអាល្លឺម៉ង់ក៏កំពុងធ្វើឱ្យមានភាពស្មុគស្មាញដល់ការចរចាលើថវិកាផងដែរ។
មិនត្រឹមតែប៉ុណ្ណោះ ការពន្យាពេលនេះគឺមានគ្រោះថ្នាក់ដល់ការសន្យាដ៏សំខាន់ចំពោះទីក្រុង Kyiv ដែលបានធ្វើឡើងកាលពីខែមុន ដោយជំនួយចំនួន ៥០ ពាន់លានអឺរ៉ូ (៥៤ ពាន់លានដុល្លារ) ដែលត្រូវបានស្នើឡើងដើម្បីដោះស្រាយទីក្រុង Kyiv រហូតដល់ឆ្នាំ ២០២៧ ។ ទោះជាយ៉ាងណាក្តី ការខកខានក្នុងការអនុម័តការផ្តល់មូលនិធិរយៈពេលវែង ក៏ដូចជាជំនួយដាច់ដោយឡែកចំនួន ២០ ពាន់លានអឺរ៉ូ (២២ ពាន់លានដុល្លារ) សម្រាប់ការទិញអាវុធនឹងប៉ះពាល់ដល់ទីក្រុង Kyiv យ៉ាងខ្លាំង។ វាមានភាពលំបាកក្នុងការធានាមូលនិធិរបស់ទីក្រុងវ៉ាស៊ីនតោន និងទីក្រុងប្រ៊ុចសែលចំពោះទីក្រុង Kyiv ខណៈដែលលោកខាងលិចហាក់កំពុងភាពអស់កម្លាំងជាមួយនឹងជម្លោះសកល។
ទន្ទឹមនឹងនេះដែរ រុស្ស៊ីបន្តយុទ្ធនាការរបស់ខ្លួនផ្តោតលើជនស៊ីវិល និងហេដ្ឋារចនាសម្ព័ន្ធក្នុងការទម្លាក់គ្រាប់បែកមិនរើសមុខ និងការវាយប្រហារដោយយន្តហោះគ្មានមនុស្សបើក ខណៈដែលអ៊ុយក្រែនបានប្រកាសការពង្រីកកសិដ្ឋានខ្យល់នៅតំបន់ Mykolaiv របស់ខ្លួនក្នុងទំហំ ៤៥០ លានអឺរ៉ូ (៤៨៩ លានដុល្លារ)។
លោក Geoffrey R Pyatt អតីតឯកអគ្គរដ្ឋទូតអាមេរិកប្រចាំអ៊ុយក្រែនបាននិយាយថា យន្តហោះគ្មានមនុស្សបើករបស់រុស្ស៊ី និងការវាយប្រហារដោយមីស៊ីលលើហេដ្ឋារចនាសម្ព័ន្ធថាមពលស៊ីវិលតាមរយៈការបិទបំពង់បង្ហូរហ្គាស ដើម្បីព្យាយាមធ្វើឲ្យអឺរ៉ុបចុះខ្សោយក្នុងការគាំទ្រអ៊ុយក្រែន។
ក្នុងរយៈពេលប៉ុន្មានសប្តាហ៍ថ្មីៗនេះ រុស្ស៊ីបានបាញ់បង្ហោះយន្តហោះគ្មានមនុស្សបើក និងកាំជ្រួចវាយប្រហាររាប់សិបគ្រឿង ដើម្បីវាយឆ្មក់លើទីតាំងថាមពល និងទីតាំងយោធារបស់អ៊ុយក្រែន ។ មិនត្រឹមតែប៉ុណ្ណោះ គេរាយការណ៍ថា រុស្ស៊ីបានបង្កើនការវាយប្រហារទិសដៅថ្មីលើទីក្រុងឧស្សាហកម្ម Avdiivka កាលពីថ្ងៃចន្ទកន្លងទៅនេះ៕
Account
Security
Favourite Content