ការប្រទានព្រះអគ្គីជ័យកីឡាត្រូវបានធ្វើឡើងចំពេលវេលានៃព្រឹត្តិការណ៍សមរាត្រី

សៀមរាប ៖ ព្រះបាទសម្ដេច ព្រះបរមនាថ នរោត្តមសីហមុនី ព្រះមហាក្សត្រនៃព្រះ​រាជាណាចក្រកម្ពុជា នាព្រឹកថ្ងៃទី ២១មីនា ឆ្នាំ២០២៣ នេះ បានអញ្ជើញចូលរួមជាព្រះរាជាធិបតីភាពដ៏ខ្ពង់ខ្ពស់ក្នុងការប្រទានព្រះអគ្គីជ័យកីឡាសម្រាប់ព្រឹត្តិការណ៍ស៊ីហ្គេមដែលនឹងខិតចូលមកដល់ក្នុងរយៈពេលជាង ៤០ថ្ងៃទៀត។ ការប្រទានព្រះអគ្គីជ័យនេះផងដែរ បានបិទបញ្ចប់ដោយជោគជ័យនាថ្ងៃដដែលក្រោយកីឡាករ កីឡាការិនីចំនួន ១០០នាក់ រត់ដង្ហែរជុំវិញវង់តូចនៃប្រសាទអង្គរវត្ត ដែលមានចំងាយ ១៨គីឡូ និង៣០០ម៉ែត្រ និងនាំយកនូវព្រះអគ្គីជ័យកីឡាទៅតម្កល់នៅព្រះវិហារវត្តរាជបូណ៍។

ការរត់ដង្ហែរព្រះអគ្គីជ័យកីឡានេះផងដែរ បានចាប់ផ្ដើមចេញពីកន្លែងប្រារព្ធពិធីនៅមុខប្រាសាទ​អង្ករវត្ត ដោយចេញទៅតាមមុខប្រាសាទអង្គរវត្ត ទៅទិសខាងត្បូង (ទិសទក្សិណ) តាមទិសដៅ​ទៅផ្លូវ​ខាង​ក្រោយនៃ​ប្រាសា​​ទអង្គរវត្ត ឆ្ពោះទៅប្រាសាទក្រវ៉ាន់ និងប្រាសាទបន្ទាយក្ដី។ ពេលដល់ប្រាសាទ​បន្ទាយក្ដី ការរត់ដង្ហែរត្រូវបត់ឆ្វេងឆ្ពោះទៅប្រាសាទតាកែវ កាត់តាមប្រាសាទ​តាព្រហ្ម បន្ទាប់មកបន្ត​ទៅកាន់​ព្រះលានជល់ដំរី ហើយបន្តឆ្ពោះទៅប្រាសាទបាយ័ន្ដ បត់ស្ដាំ​វង់ប្រាសាទបាយ័ន្ដតម្រង់​ទៅក្លោង​ទ្វារទន្លេអុំ កាត់តាមប្រសាទបក្សីចាំក្រុង ឆ្ពោះមកកាន់ប្រាសាទ​អង្គរវត្ត និងបញ្ចប់នៅ​កន្លែងប្រារព្ធ​ពិធីដែលជាទីចាប់ផ្ដើមនៃការដង្ហែរ។

យ៉ាងណាមិញ អ្វីដែលជារឿងដ៏អស្ចារ្យមួយទៀត គឺការប្រទានព្រះអគ្គីជ័យកីឡានេះ ធ្វើឡើងចំពេល​នៃព្រឹត្តិការសមរាត្រីដ៏កម្រ ដែលកើតឡើងត្រឹមតែ ២ដងក្នុងមួយឆ្នាំប៉ុណ្ណោះ។ ព្រះអាទិត្យ​ក្រហមឆ្អៅ មូលក្រឡង់ រះបណ្តែតខ្លួនឡើងចំពីលើកំពូលប្រាសាទអង្គរវត្តរបស់កម្ពុជា ដែលជាសម្បត្តិបេតិកភណ្ឌដ៏ចំណាស់របស់កម្ពុជាត្រូវបានគេចាត់​ទុកថាជាបាតុភូតដ៏កម្រ និងអស្ចារ្យមួយ។

ព្រឹត្តិការណ៍សមរាត្រី ឬ Equinox នឹងកើតជារៀងរាល់ឆ្នាំចំនួន ២លើក នៅចន្លោះថ្ងៃទី២០ ដល់ថ្ងៃទី២៣ ខែមីនា ចាប់ពីម៉ោង ៥:៣០នាទីព្រឹក រហូតដល់ម៉ោង ៧:០០នាទីព្រឹក និងម្ដងទៀតនៅក្នុងខែកញ្ញា។ ដោយឡែក បន្ទាប់ពីព្រះរាជពិធីដង្ហែរព្រះអគ្គីជ័យកីឡាក្នុងប្រទេសកម្ពុជាបានប្រព្រឹត្តិទៅរួចរាល់អស់ នាថ្ងៃទី២២ ខែមីនា ឆ្នាំ២០២៣ ព្រះអគ្គីជ័យនេះនឹងត្រូវដង្ហែរទៅតាមប្រទេសនានានៅក្នុងតំបន់អាស៊ាន ហើយនឹងវិលចូលមកកម្ពុជាវិញនៅថ្ងៃទី២៨ ខែមេសា ឆ្នាំ២០២៣ខាងមុខ។

បន្ទាប់ពីមកដល់ប្រទេសកម្ពុជាវិញហើយ ព្រះអគ្គីជ័យកីឡាដដែលនេះ នឹងត្រូវដង្ហែរតាមបណ្ដា​ខេត្តជាប់បឹងទន្លេសាបវិញម្ដង។ ការដង្ហែរនេះ នឹងចេញដំណើរពីរាជធានីភ្នំពេញ ឆ្ពោះទៅខេត្ត​កំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប កំពង់ធំ កំពង់ចាម ចាប់ពីថ្ងៃទី២៩ ខែមេសា រហូតដល់ល្ងាចថ្ងៃទី០៥ ខែឧសភា ខ្ទង់វេលាម៉ោង ៨ ៖ ៣០នាទីយប់ ពោលគឺចំពេល​ប្រារព្ធពិធីបើកការប្រកួតកីឡាស៊ីហ្គេម លើកទី៣២ ឆ្នាំ២០២៣ នៅកម្ពុជាជាផ្លូវការតែម្ដង។

គួរឱ្យដឹងថា នៅក្នុងសម័យក្រិចបុរាណ ការសុំព្រះអគ្គីជ័យកីឡាពីព្រះអាទិទេពនេះត្រូវ​បាន​ប្រារព្ធ​ឡើងតាមរយៈ ការដាក់ចំណាំងផ្លាតពន្លឺព្រះអាទិត្យ បាញ់មកលើស្លឹកអូលីវស្ងួត រហូត​បង្កាត់បាន​ជាអណ្ដាតភ្លើងឡើង។ ព្រះអគ្គីជ័យកីឡា ត្រូវបានចម្លងចេញពីអគ្គីអាទិទេពនេះ នាំចម្លងចេញ​ទៅបំភ្លឺនៅកន្លែងប្រកួត ដោយរក្សាមិនឱ្យរលត់ឡើយ រហូតដល់ការប្រកួតកីឡានៅសម័យ​នោះ​ត្រូវបានបញ្ចប់។ ដូចគ្នានឹងសម័យបច្ចុប្បន្ន គឺអគ្គីជ័យកីឡាមិនត្រូវឱ្យរលត់ឡើយ ត្រូវតែឆេះ​យ៉ាងល្អរហូតដល់ថ្ងៃប្រារព្ធ​ប្រកួត។ យ៉ាងណាមិញ បន្ទាប់ពីកប់អស់ជាច្រើនឆ្នាំ ទស្សនៈទានអគ្គីជ័យកីឡាអូឡាំពិកថ្មីត្រូវបានបង្កើតឡើង ដោយយកលំនាំតាមសម័យក្រិចបុរាណ។ ពិធីសុំព្រះអាទិទេពកីឡានៅភ្នំអូឡាំព្យា ត្រូវបានប្រារព្ធឡើងរួចដង្ហែរមកកាន់កន្លែងប្រារព្ធពិធីបើកកីឡាអូឡាំពិក។ ព្រះអគ្គីកីឡាអូឡាំពិកបានក្លាយទៅជានិមិត្តសញ្ញារបស់គណកម្មាធិការអូឡាំពិកអន្តរជាតិ ដែលដំណាងឱ្យនិរន្តរភាពរវាងកីឡាសម័យទំនើប និងកីឡាសម័យបុរាណ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល

តម្លៃជួញដូរហ៊ុននៅកម្ពុជាប្រចាំថ្ងៃ ជាមធ្យមជាង២១ម៉ឺនដុល្លារ តែថ្ងៃខ្លះហក់ឡើងដល់ជាងកន្លះលាន

ព្រឹត្តិការណ៍, សេដ្ឋកិច្ច

• 12/07/2024

តម្លៃជួញដូរហ៊ុនប្រចាំថ្ងៃជាមធ្យមជាង២១ម៉ឺនដុល្លារអាម៉េរិក តែមានថ្ងៃខ្លះបានហក់ឡើងដល់ជាងកន្លះលានដុល្លារ និងប្រមូលបានសាច់ប្រាក់សរុប៣៨៩លានដុល្លារ

ចំណេះដឹងសំខាន់ៗស្ដីពីការដាំដុះខ្ញីឱ្យទទួលបានផលច្រើនដែលកសិករគួរយល់ដឹង

ជំនួញ, ព្រឹត្តិការណ៍

• 12/07/2024

ខ្ញីជារុក្ខជាតិមើមដែលប្រជាជនខ្មែរនិយមដាំ និងយកទៅច្នៃជាគ្រឿងទេស បន្ថែមរសជាតិម្ហូបអាហារបានច្រើនមុខ អាចធ្វើជាឱសថបុរាណផងដែរ

គន្លឹះសំខាន់ៗចំនួន ៦ អាចជួយដោះស្រាយបញ្ហាបំណុលលើសលប់

ព្រឹត្តិការណ៍, ហិរញ្ញវត្ថុ

• 12/07/2024

ពាក្យថាបំណុលគឺមិនមែនសំដៅលើភាពអវិជ្ជមានទាំងស្រុងនោះទេ ពោលគឺបំណុលមានគុណសម្បត្តិ និងគុណវិបត្តរៀងៗខ្លួន

គម្រោង​សាងសង់​​ហេដ្ឋារចនាសម្ព័ន្ធធំៗចំនួន​៣ ​កំពុង​ដំណើរការ​មានទឹកប្រាក់ជាង ៥,៣ពាន់​លាន​​ដុល្លារ​

ព្រឹត្តិការណ៍, អចលនទ្រព្យ

• 12/07/2024

រាជរដ្ឋាភិបាល គ្រោង​ចំណាយថវិកា​រាប់រយពាន់​លានដុល្លារអាមេរិក​ លើការ​សាងសង់ហេដ្ឋារចនាសម្ព័ន្ធនានា​ក្នុង​ប្រទេស​ ដើម្បីទាក់ទាញការវិនិយោគពីក្រៅស្រុកបន្ថែមទៀត

គិតត្រឹម ឆមាសទី១ ឆ្នាំ២០២៤ យានយន្តអគ្គិសនីសរុបចំនួន ២ ៩៦៨គ្រឿង បានចុះបញ្ជីជាផ្លូវការ

ព្រឹត្តិការណ៍, សេដ្ឋកិច្ច

• 12/07/2024

ការចុះបញ្ជីយានយន្តអគ្គិសនីដែលជានិន្នាការថ្មី មានការកើនឡើងជារៀងរាល់ថ្ងៃ ដោយប្រជាពលរដ្ឋមានសុទិដ្ឋិនិយមច្រើន និងបង្ហាញការចាប់អារម្មណ៍ខ្ពស់

រយៈពេល ៥ខែ ដើមឆ្នាំ២០២៤ មានទេសចរជាតិ និងអន្តរជាតិសរុបជាង ១២លាន ៦សែននាក់ បានចេញដើរកម្សាន្តនៅទូទាំងប្រទេស

ព្រឹត្តិការណ៍, សេដ្ឋកិច្ច

• 12/07/2024

ទេសចរអន្តរជាតិជាង២លាន៦សែននាក់ បានមកទស្សនាកម្ពុជាក្នុងរយៈពេល៥ខែនៃដើមឆ្នាំ២០២៤ ខណៈទេសចរក្នុងស្រុកមានចំនួន ១០,៦៨៨,០៧៣ នាក់

ស្ថាប័នរបស់រដ្ឋាភិបាលចំនួន២ រួមគ្នាជំរុញទំនើបកម្មសហគមន៍កសិកម្ម

ព្រឹត្តិការណ៍, អាជីវកម្មថ្មី និងនវានុវត្ត

• 12/07/2024

ស្ថាប័នរបស់រដ្ឋាភិបាលចំនួន២ រួមគ្នាជំរុញទំនើបកម្មសហគមន៍កសិកម្ម និងប្រែក្លាយពីកសិកម្មលក្ខណៈគ្រួសារទៅជាសហគ្រាសសេដ្ឋកិច្ចកសិកម្ម

ក្រសួងកសិកម្ម និងសហគ្រិនខ្មែរ គាំទ្រគោលនយោបាយអាទិភាព«សហគមន៍កសិកម្មទំនើប»

ព្រឹត្តិការណ៍, សេដ្ឋកិច្ច

• 12/07/2024

ក្រសួងកសិកម្ម និង សហគ្រិនខ្មែរ បានចុះ MoU ជាមួយគ្នា ក្នុងគោលបំណងជំរុញការអភិវឌ្ឍប្រព័ន្ធអេកូឡូស៊ី សហគ្រិនភាពឱ្យរស់រវើក