សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ៖ ការរៀបចំការងារកែទម្រង់ជាប្រព័ន្ធ និងក្នុងលក្ខណៈជាកម្មវិធីរយៈពេលវែង ដែលមានការកំណត់ចក្ខុវិស័យវែងឆ្ងាយ មានការបែងចែក ជាដំណាក់កាលប្រកបដោយភាពជាក់ស្ដែងនិយម ជាមួយនឹង គោលដៅជាក់លាក់ ព្រមទាំងមានរចនាសម្ព័ន្ធដឹកនាំ និង មានយន្តការអនុវត្តច្បាស់លាស់ជាយុទ្ធសាស្ត្រដ៏ចាំបាច់ដែលអនុញ្ញាតឲ្យកម្ពុជាអាចធ្វើការកែលម្អ និងស្ថាបនាបន្ថែមទៀតលើប្រព័ន្ធអភិបាលកិច្ចនៅកម្ពុជា។
ថ្លែងនៅក្នុងពិធីប្រកាសដាក់ឲ្យប្រើប្រាស់ឲ្យអនុវត្តដំណាក់កាលទី៤ស្តីអំពី៖គណនេយ្យភាពសមិទ្ធកម្មនៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈនាថ្ងៃទី២០ ខែមីនា ឆ្នាំ២០២៣ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបានថ្លែងថា យុទ្ធសាស្ត្រសំខាន់ៗទាំងនេះបានបង្ហាញ អំពីសេចក្ដីក្លាហាន មហិច្ឆតា និងឆន្ទៈមោះមុតរបស់រាជរដ្ឋាភិបាលកម្ពុជាលើការកែទម្រង់ដោយតម្រូវទៅតាមបរិបទកម្ពុជា និងឆ្លើយតបបានតាមសេចក្ដីត្រូវការរបស់កម្ពុជា ប្រកបដោយ មោទនភាព ប្រសិទ្ធភាព និងស័ក្ដិសិទ្ធភាព ។
សម្តេចបានបន្ថែមទៀតដែរថា ៖ ផ្អែកលើសាវតារ និងទស្សនៈវិស័យនេះ រាជរដ្ឋាភិបាល កម្ពុជាបានដាក់ចេញជាបន្តបន្ទាប់ នូវកម្មវិធីកែទម្រង់ក្នុងលក្ខណៈជាប្រព័ន្ធ ឬ ការកែទម្រង់រចនាសម្ព័ន្ធរយៈពេលវែង លើវិស័យសំខាន់ៗ សំដៅលើកកម្ពស់គុណភាពនៃប្រព័ន្ធអភិបាលកិច្ចដែលរួមមានចំនួន ៤ គឺ ៖
កម្មវិធីកែទម្រង់ការ គ្រប់គ្រងហិរញ្ញវត្ថុសាធារណៈ
កម្មវិធីជាតិសម្រាប់ការអភិវឌ្ឍ តាមបែបប្រជាធិបតេយ្យនៅថ្នាក់ក្រោមជាតិ
កម្មវិធីជាតិកែទម្រង់រដ្ឋបាលសាធារណៈ
កម្មវិធីកែទម្រង់ច្បាប់ និងប្រព័ន្ធយុត្តិធម៌ ៕
Account
Security
Favourite Content