សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងទៅតាមប្រភពពី AP News បានរាយការណ៍ថា រតនាគាររបស់សហរដ្ឋអាមេរិកបានដាក់ទណ្ឌកម្មហិរញ្ញវត្ថុប្រឆាំងនឹងជនជាតិរុស្ស៊ីចំនួន ៤នាក់ដែលពាក់ព័ន្ធនឹងក្រុមហ៊ុន Alfa Group ដែលជាក្រុមហ៊ុនធំបំផុតមួយរបស់រុស្ស៊ីដែលមានបុត្រសម្ព័ន្ធជាច្រើនលើពាណិជ្ជកម្មប្រេង ហ្គាសធម្មជាតិ និងធនាគារកាលពីថ្ងៃសុក្រកន្លងទៅនេះ។
ទន្ទឹមនឹងនេះ ជនជាតិរុស្ស៊ី ៤នាក់ ដែលត្រូវបានដាក់ទណ្ឌកម្មរួមមាន Petr Olegovich Aven, Mikhail Maratovich Fridman, German Borisovich Khan និង Alexey Viktorovich Kuzmichev ។ ការដាក់ទណ្ឌកម្មនេះ គឺជាផ្នែកមួយនៃការរឹតតបន្តឹងលើសេដ្ឋកិច្ចរបស់រុស្ស៊ី និងក្រុមអ្នកមានអំណាចបំផុតរបស់រុស្ស៊ី ដើម្បីជាការឆ្លើយតបទៅនឹងការលុកលុយរបស់រុស្ស៊ីមកលើអ៊ុយក្រែន។
អនុរដ្ឋលេខាធិការក្រសួងរតនាគារសហរដ្ឋអាមេរិក លោក Wally Adeyemo បាននិយាយថា ឥស្សរជនរុស្ស៊ីដែលមានទ្រព្យសម្បត្តិគួរតែឈប់គិតថាពួកគេអាចបន្តធ្វើអាជីវកម្មដូចធម្មតា ខណៈពេលដែលវិមានក្រឹមឡាំងកំពុងធ្វើសង្រ្គាមប្រឆាំងនឹងអ៊ុយក្រែន។ លើសពីនេះ ការដាក់ទណ្ឌកម្មនេះក៏បានរឹតបន្តឹងសហភាពឧស្សាហកម្ម និងសហគ្រិនរុស្ស៊ីផងដែរ ដោយសារសម្ព័ន្ននេះមានជាប់ពាក់ព័ន្ធក្នុងវិស័យបច្ចេកវិទ្យា និងជួយរុស្ស៊ីទប់ទល់នឹងទណ្ឌកម្មផ្សេងទៀត។ មិនត្រឹមតែប៉ុណ្ណោះ បុគ្គលទាំងបួននាក់នេះត្រូវបានដាក់ទណ្ឌកម្មរួចហើយដោយអូស្ត្រាលី កាណាដា សហភាពអឺរ៉ុប នូវែលសេឡង់ និងចក្រភពអង់គ្លេស។
ក្រោមការដាក់ទណ្ឌកម្មនេះ អ្នកជំនួញរុស្ស៊ីទាំង ៤នាក់នេះនឹងមិនអាចធ្វើដំណើរទៅសហរដ្ឋអាមេរិកធ្វើជំនួញជាមួយធនាគារអាមេរិក និងទាញផលប្រយោជន៍ហិរញ្ញវត្ថុរបស់សហរដ្ឋអាមេរិកបាននោះទេ។ ការរឹតបន្តឹងនេះបានក្លាយជាបញ្ហាប្រឈមរួចទៅហើយដោយសារតែអឺរ៉ុប និងអង់គ្លេសបានដាក់ទណ្ឌកម្មលើធនាគារ Alfa-Bank ម្តងរួចទៅហើយកាលពីឆ្នាំមុនកន្លងទៅនេះ។ គួរបញ្ជាក់ផងដែរថា Maratovich Fridman គឺជាស្ថាបនិកក្រុមហ៊ុន Alfa Group និងជាប់ចំណាត់ថ្នាក់ជាមហាសេដ្ឋីដ៏មានបំផុតម្នាក់របស់រុស្ស៊ី។ កាលពីឆ្នាំ ២០២២ កន្លងទៅនេះ ធនាគារ Alfa-Bank ដែលជាធនាគារមិនមែនរដ្ឋដ៏ធំបំផុតរបស់រុស្ស៊ី ត្រូវបានដាក់ទណ្ឌកម្មដោយសហភាពអឺរ៉ុប EU ប៉ុន្តែ Fridman បានចាកចេញពីក្រុមប្រឹក្សាភិបាល ហើយ Petr Olegovich Aven បានដឹកនាំធនាគារ Alfa-Bank រហូតដល់ខែមីនា៕
Account
Security
Favourite Content