សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ព្រះសីហនុ ៖ អ្នកជំនាញផ្នែកទេសចរណ៍ដែលតំណាងឱ្យខេត្តត្រាតប្រទេសថៃ បានបង្ហាញពីគោលបំណងរបស់ខ្លួនក្នុងការវិនិយោគនៅក្នុងខេត្តជាប់មាត់សមុទ្រ ដែលមានលក្ខណៈពិសេសជាងគេក្នុងការទាក់ទាញទេសចរជាតិ និងអន្តរជាតិ ។
«គោលដៅទេសចរណ៍បី ទីផ្សារតែមួយ ឬ Three Destination One Marketing» គឺជាផែនការរួម គ្នាមួយរវាងប្រទេសបីគឺ កម្ពុជា វៀតណាម និងថៃ បង្កើតឡើងក្នុងគោលបំណងផ្សព្វផ្សាយបន្ថែម និងជំរុញ ខេត្តចំនួន១០នៃប្រទេសទាំងបី ដែលស្ថិតនៅជាប់សមុទ្រ ឱ្យក្លាយជាគោលដៅទេសចរណ៍ធម្មជាតិដ៏ទាក់ទាញបំផុត។
អ្នកស្រី វីយ៉ាដា សួង ជាអ្នកជំនាញផ្នែកទេសចរណ៍តំណាងខេត្តត្រាត ប្រទេសថៃ បានមកចូលរួមពិព័រណ៍ទេសចរណ៍កាលពីពេលកន្លងទៅនៅក្រុងព្រះសីហនុ ក្រោមការរៀបចំដោយសមាគមទេសចរណ៍អាស៊ី ប៉ាស៊ីហ្វិក-កម្ពុជា ។
អ្នកជំនាញទេសចរណ៍រូបនេះបានមានប្រសាសន៍ថា ៖
“ខេត្តជាប់សមុទ្រមានភាពអំណោយផលមួយពីធម្មជាតិដែលមានភាពទាក់ទាញទៅកាន់ ភ្ញៀវទេសចរ ដូច្នេះផែនការអភិវឌ្ឍន៍តំបន់ជាប់ឆ្នេរយើង គឺដើម្បីពង្រឹងសេវាកម្មដើម្បីទាញភ្ញៀវចូលទស្សនាឱ្យកាន់តែច្រើន។ ម៉្យាងទៀត តាមការសិក្សារបស់ខ្ញុំ ខេត្តដែលនៅជាប់មាត់សមុទ្រតែងតែមានទំហំផលិតផលក្នុងស្រុកសរុប (GDP) ខ្ពស់ជាងខេត្តផ្សេងទៀត ដោយរាប់បញ្ចូលទាំងសកម្មភាពពាណិជ្ជកម្ម និងវិស័យទេសចរណ៍”
អ្នកស្រីក៏បានលើកជាឧទាហរណ៍ផងដែរថា ស្រដៀងគ្នានៅខេត្តត្រាត ប្រទេសថៃ ៧០ភាគរយនៃផលិតផលក្នុងស្រុកសរុប (GDP) គឺបានមកពីវិស័យទេសចរណ៍ ហើយសម្រាប់កម្ពុជាវិញក៏ដូចគ្នា ថ្វីត្បិតតែ មិនទាន់ឈានដល់ដំណាក់កាលនោះ តែតាមរយៈកិច្ចខិតខំប្រឹងប្រែងរបស់ភាគីពាក់ព័ន្ធនៃប្រទេសទាំង៣ អ្នកស្រីជឿថាកម្ពុជានឹងអាចលើកស្ទួយសេដ្ឋកិច្ចក្នុងស្រុកបានដល់កម្រិតនោះមិនខាន។
រាប់ចាប់តាំងពីឆ្នាំ២០១៤ ដែលអ្នកស្រីចាប់ផ្ដើមប្រឡូកក្នុងវិស័យទេសចរណ៍ និងបានចេញជាសកម្មភាពជាច្រើនក្នុងការជំរុញទេសចរណ៍នៅតំបន់ជាប់សមុទ្រនេះ ដោយអ្នកស្រីបានសម្គាល់ឃើញថាកម្ពុជា មានការផ្លាស់ប្ដូរច្រើន។ មិនថាហេដ្ឋារចនាសម្ព័ន្ធ មិនថាកញ្ចប់សេវាកម្មហូរហែររបស់សេវាករ និងសេដ្ឋកិច្ចរបស់ប្រជាជនក្នុងតំបន់ដែលទទួលបានផលដោយប្រយោលពីទេសចរ ។
អ្នកជំនាញរូបនេះក៏បានបន្ថែមទៀតថា ៖
“គោលដៅទេសចរណ៍ទៅកាន់សមុទ្រគឺពេញនិយមជាងគោលដៅផ្សេងៗ ដោយភ្ញៀវតែងតែអាចមកលេងកម្សាន្ដដោយមិនធុញទ្រាន់។ ដូច្នេះហើយ ការវិនិយោគលើខេត្តជាប់សមុទ្រ នឹងមានសក្ដានុពលឆាប់រហ័សជាងគេ បើធៀបទៅនឹងតំបន់ផ្សេងទៀត”
គួររំលឹកថា ផែនការ «គោលដៅទេសចរណ៍បី ទីផ្សារតែមួយ ឬ Three Destination One Marketing»ធ្វើឡើងក្នុងរវាងខេត្តក្រុងទាំង១០នោះ រួមមាន ខេត្តជលបុរី ខេត្តរយ៉ង់ ខេត្តចន្ទបុរី ខេត្តត្រាត ខេត្តកោះកុង ខេត្តព្រះសីហនុ ខេត្តកំពត ខេត្តកែប ខេត្តគៀនយ៉ាង និងទីក្រុងកាន់ថឺ (ឬអាចមានទីក្រុងហាទៀង) ខណៈខេត្តក្រុងទាំងនេះសុទ្ធតែនៅជាប់មាត់សមុទ្រ និងទន្លេមេគង្គក្រោម។ ការជំរុញការអភិវឌ្ឍនៅតាមខេត្តទាំងនេះក៏មានកំណត់នៅក្នុងផែនការអភិវឌ្ឍច្រករបៀងសេដ្ឋកិច្ចត្រីភាគី កម្ពុជា-វៀតណាម-ថៃ (CVTEC) ផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
លោក Trump ទំនងពិចារណាបណ្ដេញរដ្ឋមន្ត្រីសង្គ្រាម ដើម្បីគេចពីការទទួលខុសត្រូវលើសង្គ្រាមអ៊ីរ៉ង់
ព្រឹត្តិការណ៍, អាជីវកម្មថ្មី និងនវានុវត្ត
• 16/10/2026
ប្រធានាធិបតីអាម៉េរិក លោក Donald Trump ទំនងជាកំពុងពិចារណាលើលទ្ធភាពបណ្តេញរដ្ឋមន្ត្រីក្រសួងសង្គ្រាម លោក Pete Hegseth ចេញពីតំណែង បន្ទាប់ពីការបោះឆ្នោតសភាពាក់កណ្តាលអាណត្តិខាងមុខនេះ ដើម្បីជួយដកខ្លួនចេញពីការទទួលខុសត្រូវចំពោះសង្គ្រាមជាមួយប្រទេសអ៊ីរ៉ង់
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
រុស្ស៊ី ដំណើរការសេវាទូទាត់លុយគ្រីបតូជាសាច់ប្រាក់លើកដំបូងបំផុតរបស់ពិភពលោកក្នុងតម្លៃសេវាត្រឹមតែ ០,៣ភាគរយ
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
បរទេស ៖ ក្រុមហ៊ុនបច្ចេកវិទ្យាហិរញ្ញវត្ថុរុស្ស៊ី A7 បានប្រកាសដាក់ឱ្យប្រើប្រាស់សេវាកម្មទូទាត់ប្រាក់លើកដំបូងបំផុតរបស់ពិភពលោក ដែលអនុញ្ញាតឱ្យអតិថិជនផ្ទេរប្រាក់ឆ្លងប្រទេសដោយប្រើប្រាស់រូបិយប័ណ្ណគ្រីបតូ(Cryptocurrency)ជាមួយតម្លៃសេវាត្រឹមតែ ០,៣ភាគរយ។ យោងតាមការចេញផ្សាយរបស់កាសែត RT បានឲ្យដឹងថា ការបើកដំណើរការសេវាកម្មថ្មីដែលមានឈ្មោះថា A7 International នេះ បានជួយឱ្យក្រុមហ៊ុនអាចពង្រីកវិសាលភាពរបស់ខ្លួនទៅកាន់អន្តរជាតិបើទោះបីជាកំពុងរងទណ្ឌកម្មសេដ្ឋកិច្ចពីបណ្តាប្រទេសលោកខាងលិចក៏ដោយ។ តាមរយៈប្រព័ន្ធថ្មីនេះ អតិថិជនអាចទូទាត់ការផ្ទេរប្រាក់ជាប្រភេទរូបិយប័ណ្ណឌីជីថល USDT(ដែលជាប្រាក់គ្រីបតូមានតម្លៃថេរស្មើប្រាក់ដុល្លារអាមេរិក) ហើយអ្នកទទួលប្រាក់នឹងទទួលបានជាសាច់ប្រាក់តាមប្រព័ន្ធ SWIFT
ខ្សែភាពយន្តឯកសារ «LOOT: ការវិលត្រឡប់មកវិញនូវរតនសម្បត្តិវត្ថុកម្ពុជា» ត្រៀមចាក់បញ្ចាំងនៅតាមរោងភាពយន្តទូទាំងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦
ព្រឹត្តិការណ៍, អត្ថបទពាណិជ្ជកម្ម
• 13/10/2026
ភ្នំពេញ ៖ ខ្សែភាពយន្តឯកសារកម្រិតអន្តរជាតិ “LOOT” ដែលលាតត្រដាងពីបណ្តាញឧក្រិដ្ឋកម្មជួញដូរវត្ថុបុរាណខ្មែរជាសកល ដោយខុសច្បាប់ពីសំណាក់ជនបរទេស ត្រូវបានក្រុមហ៊ុន AMS (Apsara Media Services) សហការជាមួយក្រុមហ៊ុន New Theory Picture ចាក់បញ្ចាំងនៅតាមរោងភាពយន្តក្នុងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦ តទៅ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content