សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពី Mining បានឲ្យដឹងថា តម្លៃមាសឡើងថ្លៃដល់កម្រិតខ្ពស់ជិត ២ ៨០០ ដុល្លារក្នុងមួយអោន ចំពេលដែលមានភាពមិនច្បាស់លាស់ជុំវិញការបោះឆ្នោតប្រធានាធិបតីអាមេរិក និងភាពតានតឹងនៃជម្លោះមជ្ឈិមបូព៌ា។
ថ្មីៗនេះ តម្លៃមាសបានឡើងថ្លៃដល់កម្រិតខ្ពស់ ២ ៧៨៧ ដុល្លារក្នុងមួយអោន ហើយមានការព្យការណ៍ថា វាអាចនឹងឡើងថ្លៃដល់កម្រិតខ្ពស់បំផុត ២ ៨០០ ដុល្លារក្នុងមួយអោននៅខែធ្នូខាងមុខនេះ។ ទោះបីជាទិន្នផលសញ្ញាប័ណ្ណកើនឡើង និងប្រាក់ដុល្លារអាម៉េរិកកាន់តែរឹងមាំក៏ដោយ ប៉ុន្តែតម្លៃមាសនៅឡើងថ្លៃ ដែលជាធម្មតតម្លៃមាសនឹងថយចុះពេលប្រាក់ដុល្លារអាម៉េរិកឡើងថ្លៃ ។ តម្លៃមាសបានបន្តឡើងថ្លៃ ដែលធ្វើឲ្យវាក្លាយជាទ្រព្យសម្បត្តិដែលមានតម្លៃ និងសុវត្ថិភាពល្អបំផុតនៅឆ្នាំ ២០២៤។
Suki Cooper អ្នកវិភាគនៅStandard Chartered Plc លើកឡើងថា ការរកទីផ្សារនឹងកើនឡើងនៅមុនការបោះឆ្នោត ខណៈដែលគេកំពុងតាមដានមើលការកាត់បន្ថយអត្រាការប្រាក់បន្ថែមទៀតរបស់ធនាគារកណ្តាលអាម៉េរិក Fed និងភាពមិនច្បាស់លាស់នៃភូមិសាស្ត្រនយោបាយ។ លើសពីនេះ គេព្យករណ៍ថា ប្រសិនបើ Donald Trump ឈ្នះឆ្នោត នោះទីផ្សារនឹងត្រូវបានផ្តោតលើផលប៉ះពាល់ពីពន្ធ និងសម្ពាធអតិផរណា។ Saxo Bank ក៏បានលើកឡើងដែរថា ទោះបីជាមានការធ្លាក់ចុះនៃទ្រព្យសម្បត្តិវិនិយោគនៅកន្លែងផ្សេងទៀតក៏ដោយ ប៉ុន្តែការជួញដូរមាសបានកើនឡើងក្នុងសហរដ្ឋអាម៉េរិកនៅសប្តាហ៍នេះ ខណៈដែលពួកគេកំពុងផ្តោតសំខាន់លើការបោះឆ្នោត ជាពិសេសការរំពឹងទុកនៃការឡើងតំណែងរបស់ Donald Trump ជាលើកទៅពីរ។ ឥឡូវនេះ វិនិយោគិនកំពុងរង់ចាំទិន្នន័យបន្ថែមទៀតនៅចុងសប្តាហ៍នេះ ដើម្បីព្យាករណ៍អំពីជំហររបស់ Federal Reserve លើអត្រាការប្រាក់។
យោងតាមក្រុមប្រឹក្សាមាសពិភពលោក (WGC) បានឱ្យដឹងថា តម្រូវការមាសសកលបានកើនឡើងប្រហែល ៥ ភាគរយនៅក្នុងត្រីមាសទីបីនេះ និងជំរុញតម្លៃនៃការប្រើប្រាស់មាសលើសពី ១០០ ពាន់លានដុល្លារជាលើកដំបូង។ ការកើនឡើងនេះត្រូវបានជំរុញដោយលំហូរវិនិយោគពីលោកខាងលិច ជាមួយនឹងការកើនឡើងនៃការទិញពីបុគ្គលដែលមានទ្រព្យសម្បត្តិស្តុកស្តម្ភ។ ឥឡូវនេះ តម្លៃមាសកំពុងឡើងថ្លៃជាលំដាប់ ដោយអាចឈានដល់កម្រិតខ្ពស់ ២ ៨០០ ដុល្លារក្នុងមួយអោន។ តម្លៃមាសឡើងថ្លៃអាចបណ្តាលមកពីការកើនឡើងនៃតម្រូវការ ដោយសារវាត្រូវបានចាត់ទុកជាទ្រព្យសម្បត្តិមានសុវត្ថិភាពជាពិសេសក្នុងអំឡុងពេលមានភាពមិនប្រាកដប្រជានៃសេដ្ឋកិច្ច៕
Account
Security
Favourite Content