សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ បច្ចុប្បន្ននេះ កម្ពុជាមានសមត្ថភាពផ្គត់ផ្គង់ត្រីសាច់បានកើនឡើងដល់ ៩២ ភាគរយគិតត្រឹមខែមិថុនា ឆ្នាំ២០២២ ខណៈការផ្គត់ផ្គង់សាច់ជ្រូកអាចដំណើរការបាន១០០ភាគរយបានជាង៩ ខែមកហើយ។ នេះបើតាមការបញ្ជាក់របស់ឯកឧត្ដម វេង សាខុន រដ្ឋមន្ត្រីក្រសួងកសិកម្ម។
អគ្គនាយកដា្ឋនសុខភាពសត្វ និងផលិតកម្មសត្វ ក៏បានជូនដំណឹងថា វិស័យចិញ្ចឹមសត្វនៅកម្ពុជាមានការរីកចម្រើនគួរឱ្យកត់សម្គាល់ ហើយការចិញ្ចឹមសត្វជាលក្ខណៈពាណិជ្ជកម្មបានកើនឡើង៣៩% នៅឆ្នាំ២០២១ ដោយមានការវិនិយោគក្នុងទ្រង់ទ្រាយពីមធ្យមទៅធំ ជាពិសេសការចិញ្ចឹមជ្រូក ដែលអាចផ្គត់ផ្គង់តម្រូវការក្នុងស្រុក និងអាចនាំចេញទៅក្រៅប្រទេសបាន។
ឯកឧត្តម តាន់ ផាន់ណារ៉ា អគ្គនាយកនៃអគ្គនាយកដ្ឋានសុខភាពសត្វ និងផលិតកម្មសត្វ បានប្រាប់ AMS ថា ការចិញ្ចឹមមានការរីកចម្រើនក្រោយមានការទប់ស្កាត់ការនាំចូលពូជជ្រូក និងទប់ស្កាត់បទល្មើសចរាចរសត្វ ផលិតផលសត្វពីប្រទេសជិតខាង។
ឯកឧត្តម តាន់ ផាន់ណារ៉ា បានបញ្ជាក់ថា ៖
“អ្វីដែលយើងអនុវត្តឥឡូវនេះគឺយើងជំនួសដោយការទប់ស្កាត់មិននាំចូល ដោយបានអនុវត្ត២-៣ខែកន្លងមកក្នុងការរិតបន្តឹងការនាំចូលនូវអ្វីដែលជំនួសឱ្យការចិញ្ចឹមបង្កើនត្រឹមតែ ២0 ទៅ ៣0% ប៉ុណ្ណោះ។ បច្ចុប្បន្ននេះ ក្រសួងកំពុងតែរកដៃគូ ដើម្បីនាំចេញ ដែលយើងកំពុងចរចាជាមួយប្រទេសចិន និងប្រទេសកូរ៉េក្នុងការនាំចេញ ប្រសិនយើងអាចមានលទ្ធភាពនាំចេញ យើងលែងកំណត់ លែងកម្រិតអ្វីទៀតហើយ ទាំងការផលិតពូជកូន និងការនាំពូជកូនចូល”
យោងតាមលិខិតរបស់អគ្គនាយកដ្ឋានសុខភាពសត្វ និងផលិតកម្មសត្វនៃក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី២៣ កញ្ញាកន្លងទៅនេះបាន អំពាវនាវ ដល់អ្នកវិនិយោគក្នុងវិស័យចិញ្ចឹមសត្វ និងផលិតផលសត្វ ដែលមានបំណងនាំចេញសត្វ និងផលិតផលសត្វដូចជា ជ្រូករស់ គោរស់ សាច់ជ្រូក សាច់គោ សាច់មាន់ ស្បែកគោ ស្បែកជ្រូក និងផលិតផលផ្សេងទៀតអាចដាក់ពាក្យស្នើសុំមកអគ្គនាយកដ្ឋានសុខភាពសត្វ និងផលិតកម្មសត្វ ដោយបញ្ជាក់ពីប្រភេទសត្វ និងផលិតផលសត្វឱ្យបានច្បាស់លាស់ទៅតាមប្រភេទនីមួយៗចាប់ពីថ្ងៃជូនដំណឹងនេះតទៅ។
សម្រាប់ការដាក់ពាក្យស្នើសុំនេះ ដើម្បីឱ្យអគ្គនាយកដ្ឋានមានលទ្ធភាពរៀបចំបែបបទពាក់ព័ន្ធផ្សេងៗសុំការអនុញ្ញាតពីភាគីចិន ដើម្បីចុះមកត្រួតពិនិត្យ និងវាយតម្លៃហានិភ័យ និងឈានទៅរកការរៀបចំពិធីសារអនាម័យ និងកិច្ចព្រមព្រៀងក្នុងការនាំចេញ។
សេចក្តីជូនដំណឹងនេះ បានបង្ហាញថា វិស័យចិញ្ចឹមសត្វនៅកម្ពុជាមានការរីកចម្រើនគួរឱ្យកត់សម្គាល់ ដោយមានការវិនិយោគក្នុងទ្រង់ទ្រាយពីមធ្យមទៅធំ ជាពិសេសការចិញ្ចឹមជ្រូកដែលអាចផ្គត់ផ្គង់តម្រូវការក្នុងស្រុក និងអាចនាំចេញទៅក្រៅប្រទេសបាន។
ប្រធានសមាគមអ្នកចិញ្ចឹមសត្វកម្ពុជា លោក ស្រ៊ុន ពៅ បានបង្ហាញការសាទរដែលក្រសួងកសិកម្ម រុក្ខាប្រមាញ់ និងនេសាទ មានផែនការនាំចេញសត្វចិញ្ចឹមដូចជា គោ មាន់ ជ្រូក និងផលិតផលសត្វមួយចំនួនទៀតទៅក្រៅប្រទេស ដើម្បីកុំឱ្យមានការកកស្ទះនៅក្នុងសុ្រក។
លោក ស្រ៊ុន ពៅ បានបញ្ជាក់ថា សមាគមមានសេចក្តីរីករាយត្រេកអរដែលក្រសួងកសិកម្មបានខិតខំជួយរកទីផ្សារសម្រាប់នាំចេញទៅក្រៅប្រទេស ស្របពេលការផ្គត់ផ្គង់សាច់នៅកម្ពុជាមានលក្ខណៈគ្រប់គ្រាន់ ទាំងអំឡុងពេលបុណ្យភ្ជុំការផ្គត់ផ្គង់សត្វ មិនមានការខ្វះខាត។
លោក ស្រ៊ុន ពៅ បានមានប្រសាន៍ថា ៖
“សត្វចិញ្ចឹមនៅកម្ពុជា មានសន្ទុះកើនឡើងដោយទីផ្សារក្នុងស្រុកយើងអាចផ្គត់ផ្គង់បាន ដូច្នេះក្រសួងកសិកម្មបានយកចិត្តទុកដាក់ខ្ពស់ ដើម្បីរកទីផ្សារជូនកសិករ។ បើក្រសួងរកទីផ្សារនាំចេញទៅក្រៅ នោះនឹងជួយផ្តល់ការងារដល់កសិករយើង”
ទោះជាយ៉ាងណាក៏ដោយ លោកនៅតែបង្ហាញក្តីបារម្ភថា ការនាំចេញផលិតផលកសិកម្មទៅក្រៅប្រទេស មិនមានភាពងាយស្រួលនោះទេ ព្រោះអ្នកចិញ្ចឹមត្រូវអនុវត្តការចិញ្ចឹមសត្វតាមស្តង់ដារនាំចេញ ហើយការអនុវត្តតាមស្តង់ដារនាំចេញនេះ មានតែកសិដ្ឋានចិញ្ចឹមខ្នាតធំៗ និងក្រុមហ៊ុនប៉ុណ្ណោះ ដែលអាចធ្វើការនាំចេញបាន។
លោកថ្លែងដូច្នេះថា ៖
“បើក្រុមហ៊ុន និងកសិដ្ឋានខ្នាតធំៗ គាត់អាចនាំចេញបាន កសិករខ្នាតតូច ក៏អាចរកទីផ្សារនៅក្នុងស្រុកងាយស្រួល ដោយរំពឹងថា វានឹងមានទីផ្សារល្អ ហើយពេលនាំចេញបានមួយចំនួនទៅ វាក៏ល្អសម្រាប់កសិករចិញ្ចឹមតាមគ្រួសារដែរ”
លោក ពូ ផាត អ្នកចិញ្ចឹមជ្រូកនៅខេត្តតាកែវ បានលើកឡើងដែរថា និតីវិធីការនាំចេញសត្វទៅក្រៅប្រទេសមានបែបបទត្រូវអនុវត្តច្រើន ដែលកសិករខ្នាតតូច មិនអាចនាំចេញបាននោះទេ ព្រោះពួកគាត់គ្មានចំណេះដឹងទាក់ទង នឹងស្តង់ដារអនាម័យ និងច្បាប់នាំចេញផ្សេងៗ។ លោកបានប្រាប់ថា ៖
“បច្ចុប្បន្នជ្រូករស់ចិញ្ចឹមក្នុងស្រុកមានតម្លៃ ៩៥០០-៩៧០០រៀលក្នុងមួយគីឡូក្រាម ដែលតម្លៃនេះមិនអាចធ្វើឱ្យកសិករចិញ្ចឹមតាមគ្រួសារចំណេញនោះទេ ប៉ុន្តែបើសម្រាប់កសិដ្ឋានធំៗគេទទួលបានចំណេញ ដោយសារកសិដ្ឋានអាចផលិតចំណី និងបង្កាត់ពូជដោយខ្លួនឯងបាន ដោយសារមុននាំចេញត្រូវពិនិត្យសុខភាពសត្វជាមុន ហើយក្រុមហ៊ុនគេងាយស្រួលអាចធ្វើបាន ដោយសារគេមានផ្នែកពាក់ព័ន្ធគ្រប់គ្រាន់៕”
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ឯកឧត្តម សាយ សំអាល់ អញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុដល់អតិថិជនបុរី ឡេង ណាវ៉ាត់ត្រា ផ្លូវជាតិ ៦A
Top News, ព្រឹត្តិការណ៍, អចលនទ្រព្យ
• 04/09/2026
ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ នាព្រឹកថ្ងៃទី៤ ខែកញ្ញា ឆ្នាំ២០២៦ បានអញ្ជើញចុះជួបសំណេះសំណាលជាមួយប្រជាពលរដ្ឋដែលជាអតិថិជនទិញលំនៅឋានក្នុងគម្រោងបុរី ឡេង ណាវ៉ាត់ត្រា ផ្លូវជាតិ ៦A
ការជួញដូរអាវុធរវាង អាល្លឺម៉ង់ ទៅឲ្យអ៊ីស្រាអែល កើនឡើងជិតដល់ ១០០០លានដុល្លារ
ព្រឹត្តិការណ៍, អាជីវកម្មថ្មី និងនវានុវត្ត
• 04/09/2026
រដ្ឋាភិបាលអាល្លឺម៉ង់បានអនុម័តលើការនាំចេញបរិក្ខារយោធាដែលមានតម្លៃជិត ៨០០ លានអឺរ៉ូ ឬប្រមាណជា ៩៣០ លានដុល្លារ ទៅឲ្យប្រទេសអ៊ីស្រាអែល ក្នុងអំឡុងឆមាសទីមួយនៃឆ្នាំ២០២៦
បន្ថែមមួយប្រទេសទៀតហើយ! LOLC KHQR ពង្រីកសមត្ថភាពទទួលការទូទាត់ពីភ្ញៀវទេសចរអន្តរជាតិ ពីប្រទេសសិង្ហបុរី
ព្រឹត្តិការណ៍, អត្ថបទពាណិជ្ជកម្ម
• 04/09/2026
អិលអូអិលស៊ី (ខេមបូឌា) ភីអិលស៊ី បានពង្រីកសមត្ថភាពទទួលការទូទាត់របស់ LOLC KHQR ដោយបន្ថែមប្រទេសសិង្ហបុរីជាប្រទេសថ្មីមួយទៀត ដើម្បីឱ្យអាជីវកររបស់ អិលអូអិលស៊ី អាចទទួលការទូទាត់ពីភ្ញៀវទេសចរមកពីប្រទេសសិង្ហបុរី
ប្រព័ន្ធលុយដុល្លារដែលមានអាយុកាលជិត ១ សតវត្សរ៍ ប្រឈមហានិភ័យ ខណៈបណ្តាធនាគារកណ្តាលងាកទៅរកទុនបម្រុងថ្មី
Top News, ព្រឹត្តិការណ៍, ហិរញ្ញវត្ថុ
• 04/09/2026
នាគារកណ្តាលនៅជុំវិញពិភពលោកកំពុងកែប្រែយុទ្ធសាស្ត្របម្រុងរូបិយប័ណ្ណបរទេសរបស់ខ្លួនជាបណ្តើរៗ ដោយកាត់បន្ថយការចាក់គ្រឹះលើប័ណ្ណបំណុលរដ្ឋាភិបាលអាមេរិក (U.S. Treasury bonds)ហើយងាកមកទិញមាសសុទ្ធជំនួសវិញ
ទីផ្សារការងារកម្ពុជា ឆ្នាំ២០២៥ រក្សាភាពរឹងមាំ ខណៈប្រជាជនក្នុងវ័យធ្វើការមានចំនួនប្រមាណ ១៣,១លាននាក់
Top News, ព្រឹត្តិការណ៍, សេដ្ឋកិច្ច
• 04/09/2026
ឆ្នាំ២០២៥ ប្រជាជនក្នុងវ័យធ្វើការមានចំនួនប្រមាណ ១៣,១លាននាក់ (ស្រី ៦,៨លាននាក់ និងប្រុស ៦,៣លាននាក់) ក្នុងនោះរស់នៅតំបន់ជនបទ ៧,៨លាននាក់ និងតំបន់ទីប្រជុំជន ៥,៣លាននាក់
BBC ចុះផ្សាយពីការបើកទ្វារស្វាគមន៍ភ្ញៀរទេសចររបស់កម្ពុជាមានភាពប្រសើរ និងងាយស្រួលជាងមុន
Top News, ព្រឹត្តិការណ៍, សេដ្ឋកិច្ច
• 04/09/2026
ប្រទេសកម្ពុជាកំពុងស្ថិតក្នុងរបត់ឆ្ពោះទៅរកភាពរីកចម្រើន និងផ្លាស់ប្តូរយ៉ាងលឿន ដោយសារការសម្រួលដល់ដំណើរការទទួលភ្ញៀវទេសចរមានភាពរលូនជាងមុន
ប៊ែលហ្សិក រារាំងបំណងអឺរ៉ុបដែលចង់រឹបអូសទ្រព្យបង្កកទាំងអស់របស់រុស្ស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 03/09/2026
ប្រទេសប៊ែលហ្សិក បានបដិសេធយ៉ាងដាច់អហង្ការចំពោះការប៉ុនប៉ងសាជាថ្មីរបស់បណ្តារដ្ឋជាសមាជិកសហភាពអឺរ៉ុបមួយចំនួនដែលចង់រឹបអូសយកទ្រព្យសម្បត្តិបម្រុងរបស់រុស្ស៊ីដែលបានបង្ខាំងទុកក្រោយមានសង្គ្រាមជាមួយអ៊ុយក្រែន
កាក់ថ្មី ១ ដុល្លារអាម៉េរិក មានរូបលោក ដូណាល់ ត្រាំ អាចនឹងត្រូវដាក់ឱ្យប្រើប្រាស់ បើទោះមានការហាមឃាត់ពីសហព័ន្ធ
Top News, ព្រឹត្តិការណ៍, ហិរញ្ញវត្ថុ
• 03/09/2026
កាក់ថ្មី ១ ដុល្លារអាម៉េរិក ដែលមានរូបលោក ដូណាល់ ត្រាំ នឹងត្រូវដាក់ឱ្យប្រើប្រាស់នាពេលឆាប់ៗបើទោះបីជាមានការហាមឃាត់ពីសហព័ន្ធមិនឱ្យដាក់រូបប្រធានាធិបតីដែលកំពុងកាន់តំណែងនៅលើរូបិយប័ណ្ណនេះក៏ដោយ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content