សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ញូវយ៉ក ៖ អំឡុងពេលវិបត្តិកូវីដ ខណៈដែលមនុស្សរាប់លាននាក់នៅលើពិភពលោកបានធ្លាក់ចូលទៅក្នុងបន្ទាត់ក្រីក្រនោះ សម្រាប់តែក្រុមមហាសេដ្ឋីអាមេរិកបែរជាសម្ងំកើបលុយបានរាប់ពាន់លានដុល្លារត្រឹមរយៈពេល២ឆ្នាំចុងក្រោយ។
Oxfam America ដែលជាអង្គការមិនរកប្រាក់ចំណេញមានមូលដ្ឋាននៅអាមេរិក និងមានជំនាញខាងប្រយុទ្ធប្រឆាំងនឹងវិសមភាពនៃការរស់នៅ ដើម្បីបញ្ចប់ភាពក្រីក្រ និងអយុត្តិធម៌ បានធ្វើការសិក្សាស្រាវជ្រាវមួយទៅលើប្រាក់ចំណូលរបស់ក្រុមមហាសេដ្ឋីអាមេរិកនៅអំឡុងពេលកូវីដ និងត្រូវបានយកមកចេញផ្សាយជាសាធារណៈកាលពីពាក់កណ្តាលខែមេសាកន្លងទៅបានបង្ហាញថា ក្រុមសេដ្ឋីទាំងនោះបានកើនប្រាក់ចំណូលរហូតទៅដល់៦២ភាគរយ។ ប៉ុន្តែ អ្វីដែលជាចំណុចសំខាន់ដែល Oxfam America ចង់បញ្ជាក់ប្រាប់សាធារណៈជននោះគឺថាចំណូលដែលមានទំហំសរុបប្រមាណជា ៤,៧ទ្រីលានដុល្លាររបស់មហាសេដ្ឋីអាមេរិក ៧៣៥នាក់ក្នុងរយៈពេល ២ឆ្នាំចុងក្រោយនេះគឺសុទ្ធតែមិនទាន់បានបង់ពន្ធនៅឡើយ។
ក្នុងពេលដែលមានការកើនឡើងនៃទ្រព្យសម្បត្តិរបស់មហាសេដ្ឋីពាន់លានដុល្លារហាក់ដូចជាមិនទាន់មានសញ្ញាថយចុះនៅឡើយនោះ ក្រុមបុគ្គលិកធម្មតាក៏អាចរកប្រាក់ចំណូលកើនឡើង១០ភាគរយដែរ ប៉ុន្តែធៀបទៅនឹងការចំណាយប្រចាំថ្ងៃបច្ចុប្បន្នគឺមើលទៅមិនសូវមានស្ថិរភាពទៅលើបញ្ហាចំពោះមុខ ដូចជាការកើនឡើងនៃតម្លៃលំនៅដ្ឋាន ការកើនឡើងនៃថាមពលប្រើប្រាស់រួមមានដូចជាហ្គាស បញ្ហាអតិផរណា ការកើនឡើងនៃតម្លៃទំនិញ ជាពិសេស ម្ហូបអាហារ និងសំភារៈប្រើប្រាស់ចាំបាច់ផ្សេងទៀត លើសពីនេះមនុស្សរាប់លាននាក់ទៀតកំពុងតែជួបបញ្ហាសេដ្ឋកិច្ចគ្រួសារមិនទាន់អាចជួសជុលវិញបាននៅឡើយនៅក្រោយវិបត្តិកូវីដ និងការបិទប្រទេសនាពេលកន្លងមក។
យោងតាមការរបាយការណ៍ស្រាវជ្រាវមួយផ្សេងទៀតដែលចេញដោយ ProPublica ក៏បានធ្វើការរកឃើញស្រដៀងគ្នា និងបានបញ្ជាក់ថាក្នុងពេលដែលពលរដ្ឋអាមេរិកទាំងអស់ត្រូវចាំបាច់បង់ពន្ធយ៉ាងហោចណាស់១៤ភាគរយនៃចំណូល របស់ពួកគេនោះមកទល់ពេលនេះក្រុមកំពូលមហាសេដ្ឋីមានទ្រព្យច្រើនបំផុតនៅក្នុងប្រទេសចំនួន២៥នាក់បានធ្វើការទូទាត់ពន្ធប្រាក់ចំណូលត្រឹមតែ៣,៤ភាគរយប៉ុណ្ណោះ ហើយជឿជាក់ថាកត្តាសំខាន់ៗមួយចំនួនដែលបណ្តាលឲ្យពួកក្រុមសេដ្ឋីទាំងនោះបង់ពន្ធតិចជាងកាតព្វកិច្ចក្នុងនោះ គឺការមិនធ្វើរបាយការណ៍ពិតជូនរដ្ឋាភិបាល។
ProPublica ដែលជាអង្គការមិនរកប្រាក់ចំណេញមានមូលដ្ឋាននៅក្នុងទីក្រុងញូវយ៉ក និងមានជំនាញខាងស្រាវជ្រាវបែបស៊ើបអង្កេត និងរាយការណ៍ក្នុងគោលបំណងផ្តល់អត្ថប្រយោជន៍ដល់សង្គមនោះក៏បានលើកឡើងដែរថា មកដល់ពេលនេះពន្ធប្រាក់ចំណូលរបស់រដ្ឋាភិបាលសហព័ន្ធប្រមាណជា៣៦ភាគរយនៅមិនទាន់បានទូទាត់ឡើយពីសំណាក់ក្រុមពលរដ្ឋដែលមានទ្រព្យសម្បត្តិច្រើនបំផុត ហើយប្រសិនបើការទូទាត់លុយនេះអាចដំណើរការឡើងនោះ អាមេរិកនឹងអាចប្រមូលលុយពន្ធជាប្រចាំឆ្នាំយ៉ាងហោចណាស់១៧៥ពាន់លានដុល្លារ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
លោក Putin ធ្វើទស្សនកិច្ចលើកដំបូងបង្អស់ទៅកាន់ប្រជុំកោះ Kuril តំបន់ជម្លោះដ៏រ៉៉ាំរ៉ៃជាមួយជប៉ុន
ព្រឹត្តិការណ៍, អាជីវកម្មថ្មី និងនវានុវត្ត
• 13/08/2026
ប្រធានាធិបតីរុស្ស៊ី លោក Vladimir Putin បានធ្វើទស្សនកិច្ចជាលើកដំបូងបង្អស់របស់លោកទៅកាន់ប្រជុំកោះ Kuril ក្នុងអំឡុងពេលធ្វើដំណើរទស្សនកិច្ចការងារនៅតំបន់ស៊ីបេរី និងចុងបូព៌ា
អាម៉េរិកបង្ខំក្រុមហ៊ុនអាវុធធំៗ ដាក់ផែនការបង្កើនផលិតកម្មក្នុងរយៈពេល ២១ ថ្ងៃ
ព្រឹត្តិការណ៍, អាជីវកម្មថ្មី និងនវានុវត្ត
• 13/08/2026
ក្រសួងការពារជាតិអាម៉េរិក បានទុកពេលត្រឹម ២១ ថ្ងៃ ឱ្យក្រុមហ៊ុនផលិតអាវុធធំៗ ដាក់ជូនផែនការលម្អិតសម្រាប់ពន្លឿនការផលិតសព្វាវុធសំខាន់ៗ ខណៈស្តុកមីស៊ីលរបស់អាម៉េរិកបានធ្លាក់ចុះយ៉ាងខ្លាំង បន្ទាប់ពីការប្រើប្រាស់សព្វាវុធក្នុងប្រតិបត្តិការយោធានៅមជ្ឈិមបូព៌ានាពេលថ្មីៗនេះ
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
អាម៉េរិកបង្ខំក្រុមហ៊ុនអាវុធធំៗ ដាក់ផែនការបង្កើនផលិតកម្មក្នុងរយៈពេល ២១ ថ្ងៃ
លោក ដូណាល់ ត្រាំ ប្រើយុទ្ធសាស្ត្រដាក់សម្ពាធសេដ្ឋកិច្ចលើអ៊ីរ៉ង់ ខណៈទីក្រុងតេអេរ៉ង់នៅតែប្រកាន់ជំហររឹងមាំលើច្រកសមុទ្រ Hormuz
Account
Security
Favourite Content