សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ស្ទឹងត្រែង ៖ ស្ទឹងត្រែង ជាខេត្តជាប់ព្រំដែនមួយនៃប្រទេសកម្ពុជា ប៉ុន្តែនៅមិនទាន់មានភាពទាក់ទាញទៅលើការអភិវឌ្ឍអចលនទ្រព្យច្រើននៅឡើយ ដូច្នេះ ស្ទឹងត្រែងអាចចាត់ទុកថាជាខេត្តជាប់ព្រំដែនមួយដែលមានការអភិវឌ្ឍអចលនទ្រព្យតិចតួចក្នុងចំណោមខេត្តព្រំដែនកម្ពុជាទាំងអស់ ។
លោក ជុំ វិចត្រ ប្រធានសាខានៃក្រុមហ៊ុនអចលនទ្រព្យ Century 21 Zillion Holding ប្រចាំខេត្តស្ទឹងត្រែងបានឱ្យដឹងថា បច្ចុប្បន្ននេះខេត្តស្ទឹងត្រែងមិនទាន់មានការអភិវឌ្ឍលើដីធ្លី ឬអចលនទ្រព្យជាដុំកំភួននៅឡើយទេ ។ ការអភិវឌ្ឍភាគច្រើនត្រូវបានមើលឃើញថា នៅតែជុំវិញក្រុងស្ទឹងត្រែងទីរួមខេត្តស្ទឹងត្រែងប៉ុណ្ណោះ ហើយការអភិវឌ្ឍនោះក៏មានត្រឹមតែ ជាការពុះដីឡូត៍ប្រភេទលំនៅឋាន និងមិនមានការអភិវឌ្ឍជាសំណង់ធំៗនៅឡើយ ។
លោកបន្តថាការពុះដីឡូត៏នៅក្នុងក្រុងស្ទឹងត្រែងនេះដែរ ក៏មានលក់បានត្រឹមតែដីនៅជាប់ផ្លូវធំប៉ុណ្ណោះ ដោយឡែកសម្រាប់ដីឡូត៏ដែលនៅឆ្ងាយពីផ្លូវធំ ឬនៅក្រោយៗមិនសូវមានអ្នកចាប់អារម្មណ៍និងទិញនោះឡើយ ។ យ៉ាងណាមិញដីធ្លីនៅក្នុងខេត្តស្ទឹងត្រែងបច្ចុប្បន្ននេះ ក៏នៅមានកម្រិតទាបនៅឡើយ ។
លោកបន្ថែមថា ក្រៅពីការពុះដីឡូត៍លក់នៅខេត្តស្ទឹងមានសក្ដានុពលត្រឹមតែជាដីកសិកម្ម ហើយអ្នកវិនិយោគដីធ្លីអាចត្រឹមតែទិញសម្រាប់អភិវឌ្ឍន៍កសិកម្មសម្រាប់ផ្គត់ផ្គង់ទីផ្សារកក្នុងស្រុក និងនាំចេញ ។
លោក វិចិត្រ បានបន្ថែមផងដែរថា នៅពេលអនាគតខាងមុខនេះរំពឹងថានៅក្នុងខេត្តស្ទឹងត្រែងនឹងមានការអភិវឌ្ឍលើវិស័យអចលនទ្រព្យបន្ថែម។ ដោយឡែល សកម្មភាពទិញលក់អចលនទ្រព្យនៅតាមព្រំដែនកម្ពុជាឡាវនៃខេត្តស្ទឹងត្រែង ក៏ឃើញថាមិនទាន់មានភាពផុសផុលដែរ គឺនៅមានសកម្មភាពតិចតួចប៉ុណ្ណោះ ។
បើតាមអ្នកជំនាញនៃវិស័យអចលនទ្រព្យជាច្រើនរូបបានបង្ហាញពីទស្សនថា នៅតាមបណ្ដាខេត្តនានានៃព្រះរាជាណាចក្រកម្ពុជា វិស័យអចលនទ្រព្យមានការអភិវឌ្ឍ និងរីកចម្រើនគួរឱ្យកត់សម្គាល់ តែក៏មានបណ្ដាខេត្តមួយចំនួនមិនទាន់មានការចាប់អារម្មណ៍ខ្លាំងដែរ ជាក់ស្ដែងដូចជាខេត្តស្ទឹងត្រែងតែម្ដង ។ លោក ព្រាប កុល ប្រធានក្រុមប្រឹក្សាភិបាលនៃក្រុមហ៊ុនអចលនទ្រព្យ Century 21 Zillion Holding បានឱ្យដឹងថា ដើម្បីទាក់ទាញការវិនិយោគទៅកាន់បណ្ដាខេត្ត និងដើម្បីជំរុញឱ្យធនធានមនុស្សទៅកាន់បណ្ដាខេត្ត ជាពិសេសនៅក្នុងមូលដ្ឋានជនបទ វិស័យរដ្ឋ និងឯកជន គួរតែងាកទៅអភិវឌ្ឍនៅក្នុងមូលដ្ឋាននោះឱ្យបានច្រើន ដូចជាហេដ្ឋារចនាសម្ព័ន្ធនានាជាដើម ។ នៅពេលមានការអភិវឌ្ឍទៅលើហេដ្ឋារចនាសម្ព័ន្ធ ដូចជា ផ្លូវ បណ្ដាញអគ្គិសនី បណ្តាញទឹកស្អាត នឹងមានអ្នកវិនិយោគទៅអភិវឌ្ឍតំបន់នោះឱ្យមានសកម្មភាពផុសផុលឡើងជាក់ជាមិនខាន៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
Kukula Solar ធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍ក្រីក្រ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 25/04/2024
គំរូអាជីវកម្មបរិយាបន្នរបស់ Kukula Solar គឺការធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍មូលដ្ឋាន ដើម្បីជំរុញការធ្វើទីផ្សារផលិតផលពន្លឺព្រះអាទិត្យ និងផ្តល់ការគាំទ្របន្ថែមដូចជាការជួសជុល និងសេវាកម្មអតិថិជនក្នុងសហគមន៍របស់ពួកគេ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content