សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងរយៈពេល៦ខែចុងក្រោយ ពោលគឺចាប់តាំងពីកកើតរាជរដ្ឋាភិបាលថ្មីអាណត្តិទី៧ កម្ពុជាទទួលបានគម្រោងវិនិយោគសរុបចំនួន១៧៣គម្រោង ដែលបានចុះបញ្ជីក្នុងក្រុមប្រឹក្សាអភិវឌ្ឍន៍កម្ពុជា CDC មានទុនវិនិយោគសរុបចំនួន ៤ ១៥០លានដុល្លារអាមេរិក។ នេះបើតាមប្រសាសន៍សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងកិច្ចប្រជុំពេញអង្គគណៈរដ្ឋមន្ត្រីនៅព្រឹកថ្ងៃទី១៥ ខែមីនា ឆ្នាំ២០២៤ ។
សម្ដេចធិបតី ហ៊ុន ម៉ាណែត បានមានប្រសាសន៍ថា គិតចាប់ពីខែកញ្ញា ឆ្នាំ២០២៣ ដល់ដំណាច់ខែកុម្ភៈ ឆ្នាំ ២០២៤ ពោលគឺគិតចាប់តាំងពេលវេលាដែលរាជរដ្ឋាភិបាលកកើត កម្ពុជាទទួលបានគម្រោងសរុបទាំងគម្រោងថ្មី និងគម្រោងពង្រីកផលិតកម្មសរុបចំនួន ១៧៣គម្រោងបានចុះបញ្ជីវិនិយោគនៅក្នុងក្រុមប្រឹក្សាអភិវឌ្ឍន៍កម្ពុជា ។ ក្នុងន័យនេះគម្រោងទាំង១៧៣នេះ គឺមានភាពច្បាស់លាស់ថានឹងមកវិនិយោគនៅក្នុងប្រទេសកម្ពុជា ដោយគេមានទីតាំង មានដីច្បាស់លាស់ តែគេត្រូវរៀបចំដំណើរការតាមដំណាក់កាល ។
សម្ដេចបន្តថា គម្រោងវិនិយោគទាំង ១៧៣គម្រោងនេះ មានមកពីប្រទេសចិន ប្រទេសសិង្ហបុរី អាមេរិក កូរ៉េខាងត្បូង វៀតណាម ថៃ ជប៉ុន កាណាដា ស៊ុយអែត និងកម្ពុជាខ្លួនឯងផង ។ ក្នុងចំណោមគម្រោង១៧៣គម្រោងនេះដែរ ក៏បានផ្ដល់ឱកាសការងារប្រមាណជាង១៧ម៉ឺនកន្លែងបន្ថែមទៀតផង ។
សម្ដេចធិបតីបានមានប្រសាសន៍បន្ថែមថា នេះគឺជាលទ្ធផលនៃការដំណើរទស្សនកិច្ចរបស់សម្ដេច និងប្រតិភូកម្ពុជានៅក្រៅប្រទេស ដើម្បីទាក់ម៉ូយវិនិយោគិនបរទេសនានាចូលមកកម្ពុជា ហើយនៅអំឡុងខែឧសភា ២០២៤ខាងមុខនេះដែរ សម្ដេចក៏នឹងអញ្ជើញទៅទស្សនកិច្ចនៅប្រទេសកូរ៉េខាងត្បូងតាមការអញ្ជើញរបស់ប្រធានាធិបតីកូរ៉េខាងត្បូង ។ ក្នុងដំណើរទស្សនកិច្ចនេះ សម្ដេចនឹងជួបពិភាក្សាជាមួយវិនិយោគិនកូរ៉េខាងត្បូង ផ្សព្វផ្សាយពីសក្ដានុពលកម្ពុជាទៅដល់បណ្ដាវិនិយោគិនកូរ៉េខាងត្បូងឱ្យគេចូលមកវិនិយោគនៅកម្ពុជាបន្ថែមទៀត ។
Account
Security
Favourite Content