Agribuddy ធុរកិច្ចបរិយាបន្ន ធានាផ្តល់ប្រយោជន៍ដល់កសិករខ្មែរទាំងបច្ចេកទេស និងហិរញ្ញវត្ថុ

ភ្នំពេញ ៖ អស់រយៈពេលជាច្រើនឆ្នាំមកហើយដែលកសិករកម្ពុជាជាច្រើនពាន់នាក់បានទទួលអត្ថប្រយោជន៍ជាច្រើនពីសំណាក់ក្រុមហ៊ុនធុរកិច្ចបរិយាបន្នមួយដែលមានឈ្មោះ Agribuddy ជំនាញក្នុងការបង្កើនចំណេះដឹងអំពីកសិកម្ម រួមជាមួយនឹងចំណេះដឹងអំពីហិរញ្ញវត្ថផងដែរ។ ក្រុមហ៊ុន Agribuddy ត្រូវបានបង្កើតឡើងនៅឆ្នាំ២០១៥ ដើម្បីតភ្ជាប់ប្រព័ន្ធកសិកម្មជនបទតាមរយៈការផ្តល់ឱកាសដល់កសិករខ្នាតតូចនូវលទ្ធភាពទទួលបានហិរញ្ញប្បទានសម្រាប់ដាំដំណាំ ព្រមជាមួយនឹងការជួយជ្រោមជ្រែងដល់ការធ្វើកសិកម្មបែបទំនើប។

ក្រុមហ៊ុន Agribuddy ប្រើប្រាស់មូលដ្ឋានបច្ចេកវិទ្យារបស់ខ្លួនដើម្បីដំណើរការទិន្នន័យ ប្រមូលព័ត៌មានទីផ្សារ និងគ្រប់គ្រងហានិភ័យនៃចង្វាក់ផ្គត់ផ្គង់។ អាជីវកម្មរបស់ Agribuddy គឺជាការប្រមូលអ្នកពាក់ព័ន្ធសំខាន់ៗដើម្បីធានាបានថា កសិករកម្ពុជាអាចទទួលបាននូវចំណេះដឹងច្បាស់លាស់ទាំងរបៀបធ្វើកសិកម្មតាមបច្ចេកទេស, ការទទួលបានហិរញ្ញវត្ថុតាមបច្ចេកទេស ហើយក៏ជាអ្នកជួយភ្ជាប់ទំនាក់ទំនងរវាងកសិករជាមួយនឹងអ្នកទិញ និងក្រុមហ៊ុនអ្នកផលិត រួមទាំងអ្នកកែច្នៃផលិតផលកសិផលរបស់ខ្លួនផងដែរ។

ក្រុមហ៊ុនត្រូវបានដាក់ចូលបញ្ជីអាជីវកម្មបរិយាបន្នក្នុងចំណោមទាំង១៨ នៅកម្ពុជា ហើយគិតសរុបចំនួនកសិករដែល Agribuddy បានធ្វើការជាមួយទាំងនៅក្នុងទីផ្សារប្រទេសឥណ្ឌា, បង់ក្លាដេស និងកម្ពុជា ដោយគិតត្រឹមឆ្នាំ២០២២ មានចំនួនដល់ទៅ ២៥ ០០០នាក់ ហើយភាគច្រើនសុទ្ធតែជាកសិករមានប្រាក់ចំណូលទាប។

យ៉ាងណាក៏ដោយ ទោះបីជាលក្ខខណ្ឌមួយចំនួនត្រូវបានអនុវត្ត Agribuddy នឹងធ្វើការតែជាមួយនឹងកសិករដែលមានដីធ្វើកសិកម្មពី ១ ទៅ ៣ ហិកតា និង ៥ ហិកតាឡើងសម្រាប់ប្រភេទដំណាំដំឡូងមីក្តី ប៉ុន្តែគេជឿជាក់ថាពាក់កណ្តាលនៃកសិករដែលជាដៃគូរបស់ខ្លួនគឺសុទ្ធតែជាអ្នកមានចំណូលទាប ហើយពាក់កណ្តាលទៀតជាកសិករដែលមានជីវភាពក្រីក្រ និងខ្សត់ខ្សោយខ្លាំង។

សម្រាប់ការចូលរួមចំណែកក្នុងសង្គមនាពេលកន្លមកគេដឹងថា ក្រុមហ៊ុនបានសហការជាមួយនឹងក្រុមហ៊ុនធានារ៉ាប់រង Forte Insurance ដើម្បីអាចផ្តល់ជាសេវាកម្មប្រាក់ធានាលើដំណាំកសិកម្ម ឬ crop insurance ផងដែរទៅកាន់កសិករជាដៃគូដោយសង្ឃឹមថានឹងអាចជួយដល់ពួកគេមិនឲ្យខាតបង់ប្រាក់កាសខ្លាំងឡើយទោះបីជាក្នុងរដូវកាលដែលមានអាកាសធាតុអាក្រក់ខ្លាំងដែលអាចធ្វើឲ្យប៉ះពាល់ដល់ទិន្នផលក្តី ហើយកាលពីឆ្នាំ២០២០កន្លងទៅនេះ ក្រុមហ៊ុនក៏ធ្លាប់ធ្វើការរ៉ៃអង្គាសរកប្រាក់វិនិយោគបន្ថែមដើម្បីជួយកសិករកម្ពុជាផងដែរបន្ទាប់ពីគ្រោះធម្មជាតិទឹកជំនន់ដ៏អាក្រក់មួយកាលពីគ្រានោះ។

លោក ផាត់ ផាន់ ធ្លាប់ជាកសិករម្នាក់ដែលរកចំណូលបានទាបកាលពីមុន និងចូលរួមជាមួយ Agribuddy នោះបាននិយាយថា ៖

«ខ្ញុំចាប់ផ្តើមចូលរួមជាសមាជិក Agribuddy ក្នុងនាមជា “មិត្ត ឬ buddy ” ដោយសារតែគ្រួសាររបស់ខ្ញុំរស់នៅតំបន់ដាច់ស្រយាលដែលធ្វើឲ្យពួកយើងត្រូវចំណាយលុយច្រើនក្នុងការទិញជី ប៉ុន្តែក្រោយចូលជាសមាជិករួចមកខ្ញុំអាចទិញជីក្នុងតម្លៃដ៏ទាប ហើយវាបានធ្វើឲ្យចំណូលរបស់ខ្ញុំកើនឡើងលើសពីឆ្នាំមុនៗដល់ទៅ៩០០ដុល្លារ ហើយខ្ញុំជឿជាក់ថានឹងអាចរកចំណូលបានច្រើនជាងនេះប្រសិនបើខ្ញុំអាចចូលរួមសកម្មភាពកាន់តែញឹកញាប់ជាងនេះជាមួយនឹង agribuddy»។

គួរឲ្យដឹងដែរថា តាមតួលេខចុងក្រោយ ក្រុមហ៊ុន Agribuddy ផ្តល់សេវារបស់ខ្លួនដល់កសិករខ្មែរដល់ទៅរាប់ពាន់នាក់ ហើយផ្ដល់ការងារដល់សហគ្រិនជនបទ (ហៅថា “មិត្ត”)ជាង៦០០ នាក់ ដើម្បីផ្តល់ជំនួយបច្ចេកទេសដល់កសិករ។

គួរបញ្ជាក់ដែរថា ធុរកិច្ចបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើតដំណោះស្រាយជាប្រព័ន្ធ មានភាពច្នៃប្រតិដ្ឋ និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈមពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប (BoP និង B40)។ បន្ទាត់អាជីវកម្មបរិយាប័ន្ន ត្រូវបានបង្កើតឡើងក្នុងគោលបំណងផ្តល់ប្រាក់ចំណូលខ្ពស់គួរសម និងបង្កើននូវស្តង់ដារជីវភាពរស់នៅប្រសើរជាងមុនដល់ក្រុមមនុស្សដែលមានចំណូលទាបនៅបាតពីរ៉ាមីត ៤០% និងក្រុមមនុស្សដែលងាយរងគ្រោះ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

តម្លៃប្រេងឡើងថ្លៃ បង្កឱ្យមានការព្រួយបារម្ភលើការផ្គត់ផ្គង់ប្រេងនៅមជ្ឈិមបូព៌ា

ព្រឹត្តិការណ៍, សេដ្ឋកិច្ច

• 19/04/2024

តម្លៃប្រេងឆៅម៉ាក Brent ឡើងថ្លៃ ៨៨,៥ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃដល់ ៨៣,៤៨ ដុល្លារក្នុងមួយបារ៉ែល

ទទួលផលពីអាជីវកម្មបរិយាបន្ន សហគមន៍កសិកម្មមួយអាចផ្គត់ផ្គង់បន្លែបានជាង១តោន ក្នុងមួយខែ

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 19/04/2024

អាជីវកម្មបរិយាបន្ន គឺជាប្រភេទអាជីវកម្មគំរូថ្មីមួយដែលអាចផ្ដល់អត្ថប្រយោជន៍ជាច្រើនដល់អ្នកពាក់ព័ន្ធ និងអាចជំរុញសេដ្ឋកិច្ចទាំងក្នុងសហគមន៍ និងប្រទេសជាតិមួយ។

កម្ពុជានាំចេញគ្រាប់ស្វាយចន្ទីឆៅទៅវៀតណាមជាង៤២ម៉ឺនតោន គិតជាទឹកប្រាក់ជាង៥៤០លានដុល្លារក្នុងត្រីមាសទី១ ឆ្នាំ២០២៤

ព្រឹត្តិការណ៍, សេដ្ឋកិច្ច

• 19/04/2024

កម្ពុជានាំចេញគ្រាប់ស្វាយចន្ទីឆៅទៅប្រទេសវៀតណាមបានជាង៤២ម៉ឺនតោន ហើយគិតជាទឹកប្រាក់បានជាង​៥៤០ លានដុល្លារអាម៉េរិកក្នុងរយៈពេល ៣ខែ ឆ្នាំ២០២៤ ។

អាជីវកម្មលក់សម្ភារៈតុបតែងល្អបែបខ្មែរមួយកន្លែងនៅរាជធានីភ្នំពេញ អាចលក់មួកស្លឹកត្នោតបានរហូតដល់ ៣ម៉ឺនមួកក្នុងឱកាសបុណ្យចូលឆ្នាំខ្មែរ

ជំនួញ, ព្រឹត្តិការណ៍

• 19/04/2024

អាជីវកម្មលក់សម្ភារៈតុបតែងល្អបែបខ្មែរមួយកន្លែងនៅរាជធានីភ្នំពេញ អាចលក់មួកស្លឹកត្នោតបានរហូតដល់ ៣ម៉ឺនមួកក្នុងឱកាសបុណ្យចូលឆ្នាំខ្មែរ

e-Choupal ជាវេទិកាអនឡាញធំបំផុតនៅឥណ្ឌាជួយនាំចេញកសិផលដោយផ្ទាល់ពីកសិករក្រីក្ររាប់លាននាក់

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 19/04/2024

e-Choupal គែជាច្រកនាំចេញកសិផលដ៏ធំបំផុតមួយរបស់ឥណ្ឌាតាមរយៈបណ្តាញអ៊ិនធឺណេតដោយគិតមកដល់ពេលនេះមានកសិករក្រីក្រប្រមាណជា៤លាននាក់កំពុងអាស្រ័យផល

សមិទ្ធផល​ទេសចរណ៍ថ្មី​ៗក្នុងទឹក​ដី​ខេត្តកំពត នឹង​ជំរុញ​ទីផ្សារ​ដីធ្លី​ក្នុងខេត្តមួយនេះ​មានសម្ទុះ​មួយកម្រិត​​ទៀត​

ព្រឹត្តិការណ៍, អចលនទ្រព្យ

• 19/04/2024

ការ​បង្កើត​សមិទ្ធផល​ថ្មីៗក្នុងទឹកដី​តំបន់ទេសចរណ៍ មិនត្រឹមតែជួយទាក់ទាញទេសចរ​ប៉ុណ្ណោះទេ តែវា​នឹងទាក់ទាញ​វិនិយោគិន​ចូលទៅតំបន់នោះ​ថែមទៀត​ផងដែរ

ក្នុងត្រីមាសទី១ កម្ពុជាសម្រេចទំហំពាណិជ្ជកម្មជាមួយប្រទេសអាសិបបានជាង ៨៣៦៤លានដុល្លារ​

ព្រឹត្តិការណ៍, សេដ្ឋកិច្ច

• 19/04/2024

ក្នុងត្រីមាសទី១ ឆ្នាំ២០២៤ ទំហំពាណិជ្ជកម្មកម្ពុជាជាមួយបណ្តាប្រទេសដៃគូចំនួន១៤ នៃកិច្ចព្រមព្រៀងសេដ្ឋកិច្ចគ្រប់ជ្រុងជ្រោយតំបន់អាសិប (RECP) សម្រេចបាន៨៣៦៤លានដុល្លារ​

ការប្រើប្រាស់កម្ចីជាមួយគោលដៅច្បាស់លាស់នឹងជួយលើកកម្ពស់ជីវភាពក្រុមគ្រួសារ

ព្រឹត្តិការណ៍, ហិរញ្ញវត្ថុ

• 19/04/2024

ការប្រើប្រាស់កម្ចីពីគ្រឹះស្ថានហិរញ្ញវត្ថុ ដែលមានគោលដៅច្បាស់លាស់ អាចជួយពង្រីកអាជីវកម្ម និងលើកកម្ពស់ជីវភាពក្រុមគ្រួសារប្រជាពលរដ្ឋឱ្យកាន់តែប្រសើរឡើង

Angkor Wildlife & Aquarium អភិរក្សសត្វកម្រ និងផ្តល់ការងារជូនប្រជាពលរដ្ឋ

ព្រឹត្តិការណ៍, សេដ្ឋកិច្ច

• 19/04/2024

ឧទ្យានកម្សាន្ត Angkor Wildlife & Aquarium ក្នុងខេត្តសៀមរាប បានជួយថែរក្សា និង អភិរក្សសត្វទឹកសាប ទឹកប្រៃ និងសត្វព្រៃ ដែលសុទ្ធតែជាប្រភេទសត្វកម្រ