សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្រចេះ ៖ វត្តមាននៃក្រុមហ៊ុនបរទេសចូលមកបណ្តាក់ទុនបង្កើតរោងចក្រផលិតស៊ីម៉ង់ត៍នៅខេត្តក្រចេះត្រូវគេមើលឃើញថា នឹងផ្តល់អត្ថប្រយោជន៍ជាច្រើនដល់សេដ្ឋកិច្ចជាតិ និងជួយលើកកម្ពស់ជីវភាពប្រជាពលរដ្ឋក្នុងតំបន់ឱ្យកាន់តែមានភាពល្អប្រសើរឡើង។
របាយការណ៍ ក្រុមការងារជំរុញការវិនិយោគភូមិភាគឦសាននៃក្រសួងសេដ្ឋកិច្ច និងហិរញ្ញវត្ថុ បានឱ្យដឹងថា គម្រោងរោងចក្រផលិតស៊ីម៉ង់ត៍ខាងលើនេះ ទទួលបានការអនុម័តជាផ្លូវការ ដែលជាក្រុមហ៊ុនដ៏ធំមួយរបស់ចិន China Energy Engineering Group Co.,LTD សាងសង់រោងចក្រនៅលើផ្ទៃដីទំហុំ ៨៣៧ហិកតា ស្ថិតនៅឃុំបឹងចារ ស្រុកសំបូរ ខេត្តក្រចេះ ប្រើប្រាស់ទុនវិនិយោគប្រមាណជា ៣០០លានដុល្លារ មានសមត្ថភាពផលិតចំនួន ៥០០០តោនក្នុងមួយថ្ងៃ និងចំនួន ១.៩លានតោនក្នុងមួយឆ្នាំ ដែលអាចជួយផ្តល់ការងារដល់ពលរដ្ឋប្រមាណជាង ៤០០កន្លែង។
លោក ជា ចាន់ដារ៉ា ប្រធានសមាគមពាណិជ្ជករដឹកជញ្ជូនទំនិញ និងខ្សែច្រវ៉ាក់ផ្គត់ផ្គង់ បានមានប្រសាសន៍ថា ខេត្តក្រចេះ ជាទីតាំងមានសក្តានុពលទាំងការផលិត ទាំងការលក់ផលិតផល ដោយក្រុមហ៊ុនអាចលក់ផលិតផលស៊ីម៉ង់ត៍មកភ្នំពេញផង លក់ចេញទៅខេត្តនៃបណ្តាភូមិភាគឦសានផង និងអាចនាំចេញទៅលក់នៅប្រទេសជិតខាងបានថែមទៀតផងដែរ
លោកបានបញ្ជាក់់ថា ៖
«ខ្ញុំយល់ឃើញថា ការបង្កើតឱ្យមានការផលិតស៊ីម៉ង់ត៍នៅទីនោះ ក៍អាចជួយដល់ការផ្សព្វផ្សាយលក់នៅតាមបណ្តារប្រទេសនៅជាប់ខាងនោះដែរ ជាពិសេសប្រទេសឡាវ និងប្រទេសវៀតណាម ដែលការដឹកជញ្ជូនវាកៀកជិត….អីចឹងទៅ….តម្លៃអាចទទួលយកបាន ដែលទៅគេអាចបញ្ជារទិញ គេអាចកម្ម៉ង់ទិញ ពីទីតាំងខាងនោះក៍ថាបាន»។
លោក ពុត ចន្តារិទ្ធ អគ្គលេខាធិការនៃសមាគមឧស្សាហកម្មស៊ីម៉ង់តិ៍កម្ពុជា (CCMA) បានមានប្រសាសន៍ថា លោកស្វាគមន៍វត្តមានក្រុមហ៊ុនថ្មីៗដែលចូលមកវិនិយោគ បង្កើតរោងចក្រផលិតស៊ីម៉ង់ត៍បន្ថែមទៀតនៅកម្ពុជា ដែលអាចបំពេញតម្រូវការនៃការប្រើប្រាស់ស៊ីម៉ង់ត៍នៅក្នុងស្រុកផង សម្រាប់នាំចេញផង និងជួយផ្តល់ការងារដល់ពលរដ្ឋខ្មែរនៅតាមជនបទបានកាន់តែច្រើនថែមទៀត។
លោកបានអះអាងថា បច្ចុប្បន្ន តម្រូវការនៃការប្រើប្រាស់ស៊ីម៉ង់ត៍នៅមានចំនួនតិចនៅឡើយ ដោយសារសេដ្ឋកិច្ចពិភពលោកនៅមានភាពមិនច្បាស់លាស់នៅឡើយ ហើយថានៅរយៈពេលខ្លី ១ ឬ ២ ឆ្នាំខាងមុខ តម្រូវការប្រើប្រាស់ស៊ីម៉ង់ត៍សម្រាប់បម្រើដល់វិស័យសាងសង់អាចនឹងកើនឡើងជាលំដាប់។
លោក ពុត ចន្តារិទ្ធ បានបញ្ជាក់ថា ៖
«ខ្ញុំយល់ឃើញថា ការវិនិយោគច្រើនល្អ ពេលនេះយើងអត់សូវមានតម្រូវការ ដោយសារដូចឃើញសភាពការណ៍ពិភពលោកស្រាប់ ប៉ុន្តែបន្តិចទៀត ពី ១ឆ្នាំ ឬ ២ឆ្នាំទៀតអាចមានតម្រូវការស៊ីម៉ង់ត៍កើនឡើងច្រើន»។
Account
Security
Favourite Content