សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ចាប់តាំងពីវិបត្តិកូវីដត្រូវបានបញ្ចប់ សេដ្ឋកិច្ចរបស់មហាយក្សចិនមិនទាន់ត្រឡប់មកវិញល្អប្រសើរដូចដើមនៅឡើយ ខណៈដែលកំណើនសេដ្ឋកិច្ចមានភាពយឺតយ៉ាវ ហើយក្នុងនោះ ថែមទាំងបានធ្វើឲ្យពលរដ្ឋចិនភាគច្រើនមិនមានទំនុកចិត្ត និងមានអារម្មណ៍មិនសូវល្អឡើយជាមួយនឹងស្ថានភាពហិរញ្ញវត្ថុរបស់ខ្លួន។
នៅក្នុងអត្ថបទមួយដែលស្រាវជ្រាវដោយ Barrons.com បានរកឃើញថា ស្ថិតនៅក្នុងស្ថានភាពសេដ្ឋកិច្ចមិនប្រាកដប្រជា រួមជាមួយនឹងទំនោររបស់បណ្តាអ្នកមានទ្រព្យសម្បត្តិនាំគ្នាធ្វើការផ្ទេរលុយសន្សំរបស់ខ្លួនចេញទៅដាក់នៅធនាគារក្រៅប្រទេស រួមមានដូចជា ធនាគារនៅសហរដ្ឋអាមេរិក អូស្ត្រាលី ជាពិសេសធនាគារនៅអង់គ្លេសនោះ បានធ្វើឱ្យប្រជាជនដែលមានកម្រិតជីវភាពមធ្យម និងមានលុយសន្សំតិចតួចនៅក្នុងធនាគារក្នុងស្រុកបាននាំគ្នាបង្ហាញពីគោលបំណងចង់អនុវត្តវិធីផ្ទេរលុយចេញទៅក្រៅប្រទេសដូចជាក្រុមអ្នកមានទ្រព្យច្រើនដូចគ្នា ក្រោមហេតុផលថាហាក់មិនសូវមានទំនុកចិត្តទៅលើសេដ្ឋកិច្ចក្នុងស្រុក។
ក្នុងបទសំភាសមួយជាមួយនឹង Barrons.com ស្ត្រីម្នាក់ដែលមានឈ្មោះថា Tilly Wang មានវ័យ៤៤ឆ្នាំ កំពុងរស់នៅ និងប្រកបអាជីពជាអ្នកឌីសាញក្រាហ្វិកនៅក្នុងស្រុកកំណើតនាខេត្ត Chengdu បាននិយាយថា នាងមិនមានអារម្មណ៍ល្អ និងទំនុកចិត្តឡើយចំពោះស្ថានភាពសេដ្ឋកិច្ចរបស់ប្រទេសចិននាពេលបច្ចុប្បន្ន ហើយថែមទាំងបានសម្រេចចិត្តធ្វើការហោះហើរទៅកាន់ប្រទេសអេស្បាញជាមួយនឹងកញ្ចប់លុយសន្សំមួយចំនួនដែលអាចធ្វើទៅបានដើម្បីទៅបើកគណនេយ្យសន្សំនៅទីនោះជាមួយនឹងទំហំលុយប្រមាណជា៤ម៉ឺនដុល្លារ។
ស្ត្រីរូបនេះបាននិយាយថា៖
«គ្រាមួយ នៅពេលដែលខ្ញុំកំពុងអង្គុយនិយាយគ្នាលេងនៅអាផាតមិនជាមួយនឹងមិត្តភ័ក្តខ្ញុំ ពួកយើងបាននិយាយគ្នាពីរឿងរ៉ាវជាច្រើន ហើយក៏មកដល់បញ្ហាហិរញ្ញវត្ថុ។ ខ្ញុំបានប្រាប់ពួកគេអំពីផែនការហិរញ្ញវត្ថុរបស់ខ្ញុំថា បានផ្ទេរលុយមួយចំនួនទៅទុកនៅក្នុងប្រទេសអេស្បាញ។ ពួកគេបានអបអរសាទរខ្ញុំ ហើយបានសួរនាំខ្ញុំអំពីរបៀបដែលខ្ញុំអាចផ្ទេរប្រាក់ទាំងនោះចេញពីប្រទេសចិនដោយវិធីណា»។
គួរឲ្យដឹងដែរថា បច្ចុប្បន្ន ក្រុមការងារ Barrons បានជួបសន្ទនា និងស្ទាបស្ទង់ជាមួយនឹងក្រុមពលរដ្ឋដែលមានជីវភាពកម្រិតមធ្យមជាច្រើនរយនាក់រួចមកហើយ ដើម្បីចង់ដឹងអំពីផែនការក្នុងការផ្ទេរប្រាក់របស់ពួកគេទៅក្រៅប្រទេស ដោយសារតែបញ្ហាព្រួយបារម្ភអំពីស្ថានភាពសេដ្ឋកិច្ច និងមជ្ឈដ្ឋាននយោបាយមិនច្បាស់លាស់នៅក្នុងប្រទេសបែបនេះ ប៉ុន្តែគេក៏សង្កេតឃើញដែរថា គោលបំណងរបស់ពួកគេក៏មានភាពខុសគ្នាមួយចំនួនផងដែរ។
គួរឲ្យដឹងដែរថា យោងតាមការព្យាករណ៍របស់អ្នកជំនាញភាគច្រើនបានលើកឡើងថា ទោះបីជាយ៉ាងណាក៏ដោយ សម្រាប់ឆ្នាំ២០២៥នេះ ប្រទេសចិន នឹងអាចទទួលបានកំណើនសេដ្ឋកិច្ចឡើងវិញប្រមាណជា ៤,៥ភាគរយ ខណៈដែលតួលេខផ្លុវការដែលចេញដោយរដ្ឋាភិបាលក្រុងប៉េកាំងនៅក្នុងកិច្ចប្រជុំកំពូលមួយបានបញ្ជាក់ថា កំណើនសេដ្ឋកិច្ចពិតប្រាកដអាចនឹងមានរហូតទៅដល់ ៥ភាគរយឯណោះ៕
Account
Security
Favourite Content