សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ យ៉ាងហោចណាស់ប្រជាសហគមន៍ជិត១០០០គ្រួសារបានងាកមកចាប់មុខរបរថ្មីដោយការចិញ្ចឹមសត្វ ជំនួសឲ្យការបរបាញ់សត្វព្រៃដែលជាមុខរបរចាស់របស់ខ្លួន ដើម្បីចូលរួមអភិវក្សធនធានធម្មជាតិ ក្រោមការលើកទឹកចិត្តពីសំណាក់ក្រសួងបរិស្ថាន។
ក្រោមកិច្ចគាំទ្រ និងជាការចូលរួមលើកស្ទួយនូវសេដ្ឋកិច្ចសហគមន៍ ក៏ដូចជាកម្រិតជីវភាពគ្រួសារប្រជាពលរដ្ឋដែលរស់នៅសហគមន៍តំបន់ការពារធម្មជាតិ និងសហគមន៍មូលដ្ឋានឲ្យកាន់តែមានភាពល្អប្រសើរ នៅត្រឹមរយៈពេល៣ឆ្នាំចុងក្រោយនេះ ក្រសួងបរិស្ថានបានផ្តល់ទុនផ្ទាល់ដល់សមាគមចំនួន៣២ ដែលមានប្រមាណជិត១០០០គ្រួសារ លើការចិញ្ចឹមសត្វយុទ្ធសាស្ត្រសេដ្ឋកិច្ច។
ចាប់តាំមពីឆ្នាំ២០១៧ ដល់ឆ្នាំ២០២០ ក្រសួងបរិស្ថាន បានផ្តល់ទុនដល់សហគមន៍ចំនួន ៣២សហគមន៍ ដែលក្នុងនោះ មានសមាជិកសហគមន៍ចំនួន៩៥០គ្រួសារ រួមជាមួយនឹងការផ្តល់ពូជសត្វទៅដល់សមាជិកថ្មីជាបន្តបន្ទាប់។
ដោយឡែកសម្រាប់ឆ្នាំ២០២០ រហូតដល់ពេលនេះ ក្រសួងបរិស្ថានបានផ្តល់ពូជក្របី ២១៦ក្បាល សត្វគោខ្មែរចំនួន ១៥៣ក្បាល គោពូជកាត់ចំនួន ៦១ក្បាល គោបាចំនួន ៦ក្បាល ចៀម ២៤៧ក្បាល ពពែ ២៦៧ក្បាល និងពូជជ្រូកឦសាន ចំនួន ៥០ក្បាល ជូនសហគមន៍មូលដ្ឋាន ប្រជាពលរដ្ឋ និងកងទ័ព សម្រាប់ចិញ្ចឹម ដើម្បីពង្រឹងជីវភាពស្នូល រួមមាន៖
ទី១៖ កសិដ្ឋានប្រជាពលរដ្ឋនៅក្នុងខេត្តព្រះវិហារ
ទី២៖ សហគមន៍តំបន់ការពារធម្មជាតិចំនួន៣ នៅក្នុងខេត្តព្រះវិហារ
ទី៣៖ តំបន់ការពារធម្មជាតិចំនួន២ ក្នុងភូមិសាស្រ្តខេត្តមណ្ឌលគីរី (ដែនជម្រកសត្វព្រៃកែវសីម៉ា និងដែនជម្រកសត្វព្រៃស្រែពក)
ទី៤៖ កងទ័ព នៃយោធភូមិភាគ១ នៃកងយោធពលខេមរភូមិន្ទ
ទី៥៖ កសិដ្ឋាននៅស្រុកប្រាសាទបាល័ង្គ ខេត្តកំពង់ធំ
ទី៦៖ កសិដ្ឋានបាក់ខែង រាជធានីភ្នំពេញ
ទី៧៖ កសិដ្ឋានចិញ្ចឹមសត្វនៅខេត្តកំពង់ស្ពឺ
ទី៨៖ កសិដ្ឋានប្រជាពលរដ្ឋនៅកោះសំរោង ខេត្តកំពង់ចាម
និងទី៩៖ កសិដ្ឋាននៅឃុំល្វេ ស្រុកកោះសូទិន ខេត្តកំពង់ចាម
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានលើកទឹកចិត្តដល់ប្រជាពលរដ្ឋចូលរួមការពារ និងអភិរក្សព្រៃឈើសត្វព្រៃ ដែលមាននៅក្នុងតំបន់ការពារធម្មជាតិទាំងអស់គ្នា។ ប្រជាលរដ្ឋត្រូវផ្លាស់ប្តូរមុខរបរដែលធ្លាប់បរបាញ់សត្វមកជាការចូលរួមចិញ្ចឹមសត្វជំនួសវិញ ព្រោះការបរបាញ់សត្វព្រៃជាអំពើល្មើសច្បាប់ប្រឈមនិងទោសទណ្ឌចំពោះមុខច្បាប់។
ក្រសួងបរិស្ថាន បានផ្តល់ការលើកទឹកចិត្តដល់សហគមន៍ ប្រជាពលរដ្ឋចិញ្ចឹមសត្វនេះរៀបចំឡើង ក្រៅពីគម្រោងលើកកម្ពស់ជីវភាពសហគមន៍មូលដ្ឋានត្រូវបានរាជរដ្ឋាភិបាលសម្រេចផ្តល់ដល់សហគមន៍តាមតំបន់ការពារធម្មជាតិ តាមរយៈវេទិកាថ្នាក់ជាតិស្តីពី «ការការពារ និងអភិរក្សធនធានធម្មជាតិ» ចាប់ផ្តើមពីឆ្នាំ២០១៦ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដើម្បីពង្រឹងជីវភាពសហគមន៍ នាពេលកន្លងមក៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី ទទួលបានការចុះបញ្ជីលក់សញ្ញាបណ្ណចីរភាពនៅផ្សារមូលបត្រកម្ពុជាជាផ្លូវការ
ព្រឹត្តិការណ៍, អត្ថបទពាណិជ្ជកម្ម
• 11/09/2026
ភ្នំពេញ ៖ នាព្រឹកថ្ងៃព្រហស្បតិ៍ ១៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែកញ្ញា ឆ្នាំ២០២៦ ផ្សារមូលបត្រកម្ពុជា បានប្រារព្ធ “ពិធីចុះបញ្ជីលក់សញ្ញាបណ្ណចីរភាពជាផ្លូវការរបស់គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី”ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណិ្ឌតសភាចារ្យ ហ៊ាន សាហ៊ីបរដ្ឋលេខាធិការនៃក្រសួងសេដ្ឋកិច្ច
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content