សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រសួងកសិកម្ម រុក្ខាប្រមាញ់ និងនេសាទ និងអង្គការភីផលអិននីតកម្ពុជា នៅថ្ងៃទី១៤ ខែកក្កដា ឆ្នាំ២០២៥ បានចុះអនុស្សរណៈនៃការយោគយល់គ្នា (MOU) ស្តីពី «ការពន្លឿនចីរភាពនៅក្នុងប្រព័ន្ធកសិ-ស្បៀងអាហារ កម្ពុជា (ASCA)។
ឯកឧត្តម សរ ចិត្រា អគ្គលេខាធិការក្រសួងកសិកម្ម រុក្ខាប្រមាញ់ និងនេសាទ បានគូសបញ្ជាក់ថា អនុស្សរណៈនៃការយោគយល់គ្នារៀបចំឡើងក្នុងបំណងចូលរួមចំណែកក្នុងកិច្ចសហការដើម្បីលើកកម្ពស់ការពន្លឿនចីរភាពនៅក្នុងប្រព័ន្ធកសិ-ស្បៀងអាហារកម្ពុជា (ASCA) ដែលផ្ដល់មូលនិធិដោយសហភាពអឺរ៉ុប តាមរយៈកម្មវិធី SWITCH-Asia ។
គម្រោងនេះចាប់ផ្តើមនៅក្នុងឆ្នាំ២០២៥ រហូតដល់ចុងឆ្នាំ២០២៧ ដោយសង្ឃឹមថានឹងជួយពន្លឿនការផ្លាស់ប្តូរឆ្ពោះទៅរកប្រព័ន្ធកសិ-ស្បៀងអាហារមួយឱ្យមាននិរន្តរភាព តាមរយៈការបង្កើនការប្រើប្រាស់ជីកាបូន និងបច្ចេកវិទ្យាកសិកម្មបៃតង ដែលអាចកាត់បន្ថយការបំភាយឧស្ម័នផ្ទះកញ្ចក់ ការប្រើប្រាស់ធនធានកាន់តែមានប្រសិទ្ធភាពជាងមុន និងការជំរុញកំណើនសេដ្ឋកិច្ចនៅតំបន់ជនបទនៃប្រទេសកម្ពុជា។
គម្រោងនេះ គឺដើម្បីចូលរួមចំណែកកាត់បន្ថយការបញ្ចេញកាបូនពីខ្សែច្រវាក់តម្លៃកសិកម្មនៅកម្ពុជាតាមរយៈការបង្កើនការប្រើប្រាស់ជីកាបូន ដែលជាបច្ចេកវិទ្យាកសិកម្មបៃតង ដោយសហគ្រាសកសិកម្មធុន មីក្រូ តូច និងមធ្យមនៅតាមជនបទ ព្រមទាំងបង្កើនគុណតម្លៃនៃការបាត់បង់ស្បៀងអាហារ ដើម្បីរួមចំណែកដល់ការធានាចីរភាពប្រព័ន្ធកសិ-ស្បៀងអាហារ ដែលប្រើប្រាស់គោលការណ៍សេដ្ឋកិច្ច រួមទាំងការប្រើប្រាស់ធនធានប្រកបដោយប្រសិទ្ធភាព ដែលនឹងនាំឱ្យមានការកាត់បន្ថយការបំភាយឧស្ម័នផ្ទះកញ្ចក់ និងជំរុញកំណើនសេដ្ឋកិច្ចនៅតាមតំបន់ជនបទនៃប្រទេសកម្ពុជា៕
Account
Security
Favourite Content