ក្រសួងកសិកម្ម ត្រៀមគម្រោងជួយទ្រទ្រង់សហគមន៍កសិកម្មសំបូរមានជ័យឱ្យក្លាយជាសហគមន៍កសិកម្មទំនើប

ភ្នំពេញ ៖ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ កាលពីពេលថ្មីៗនេះ បានសន្យាបន្តជួយអភិវឌ្ឍន៍សហគមន៍កសិកម្មសំបូរមានជ័យ ដែលមានទីតាំងស្ថិតនៅក្នុងឃុំសុភាស ស្រុកស្ទឹងត្រង់ ខេត្តកំពង់ចាម ដោយត្រៀមគម្រោងមួយចំនួនសម្រាប់ជួយទ្រទ្រង់ឱ្យសហគមន៍កសិកម្មមួយនេះក្លាយទៅជាសហគមន៍កសិកម្មទំនើប។

ការសន្យាជាមួយប្រជាពលរដ្ឋក្នុងសហគមន៍ដូចខាងលើនេះ គឺធ្វើឡើងបន្ទាប់ពី ឯកឧត្តម ឌីត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ រួមជាមួយអភិ​បាលខេត្តកំពង់ចាម ឯកឧត្តម អ៊ុន ចាន់ដា និងប្រតិភូអមដំណើរ បានអញ្ជើញចុះពិនិត្យតំបន់ដីភូមិសាស្ត្ររបស់សហគមន៍ ពោលគឺ មានទឹក និងមានដី មានសក្តានុពលគ្រប់គ្រាន់ មានធនធានមនុស្ស បច្ចេកទេស ដើមទុន និងទីផ្សារ ដែលអាចឱ្យសហគមន៍នេះអភិវឌ្ឍន៍ខ្លួនក្លាយទៅជាសហគមន៍កសិកម្មទំនើបបាន។

ឯកឧត្តម ឌីត ទីណា បានថ្លែងថា៖

«យើងនឹងត្រៀមគម្រោងមួយចំនួន និងផ្ទះសំណាញ់ ហើយខ្វះទុនប៉ុន្មាន​ យើងនឹងរិះរកថវិកា ដើម្បី​ឱ្យសហគមន៍អាចដាំបន្លែសុវត្ថិភាពបាន និងទទួលបានកម្ចីមានការប្រាក់ទាប ព្រោះគោលដៅទៅមុខមិនចង់ឱ្យកសិករជំពាក់ថវិកាគេទេ ព្រោះសហគមន៍មានសក្តានុពលសេដ្ឋកិច្ចមួយចំនួនទៀត ដែលត្រូវបន្តអភិវឌ្ឍន៍» ។

អភិបាលខេត្តកំពង់ចាម ឯកឧត្តម អ៊ុន ចាន់ដា បានលើកឡើងថា រាជរដ្ឋាភិបាលអាណត្តិទី៧ គឺផ្ដោតទៅលើសុខភាព និងជីវភាពរបស់ប្រជាពលរដ្ឋ។ ដូច្នេះគ្រប់ផ្នែកទាំងអស់ ដែលសំខាន់ៗ ដូចជាវិស័យកសិកម្ម ទាំងវិស័យឧស្សាហកម្ម និងវិស័យសុខាភិបាល វិស័យអប់រំជាដើម ត្រូវបានរៀបចំគោលនយោបាយតាមបណ្ដាក្រសួងនីមួយៗ ដើម្បីតម្រង់គោលដៅឆ្ពោះមកប្រជាពលរដ្ឋ ជាអ្នកទទួលផលពីកម្មវិធីនយោបាយរបស់រាជរដ្ឋាភិបាល។

ឯកឧត្តម អភិបាលខេត្ត បានបញ្ជាក់ថា វិស័យកសិកម្ម ក្រៅពីការជ្រើសរើសមន្ត្រីកសិកម្មតាមបណ្ដាឃុំ ដើម្បីជួយបណ្ដុះបណ្ដាលប្រជាកសិករឱ្យចេះដាំដុះតាមលក្ខណៈបច្ចេកទេស ឥឡូវគឺឈានមួយជំហានទៀត ទៅជាការបង្កើតសហគមន៍ទំនើប ដើម្បីឱ្យមានការប្រមូលផ្ដុំសមាជិក ពង្រឹងខ្លួនឯងបាន និងមានការគាំទ្រពង្រឹងបន្ថែមទៀត ទៅលើក្របខ័ណ្ឌបច្ចេកទេស នីតិវិធីមួយចំនួនទៀត និងរចនាសម្ព័ន្ធ ដើម្បីឱ្យសហគមន៍នោះដើរទៅរកផ្លូវមួយមានភាពកាន់តែរឹងមាំ ដែលហៅថា ភាពធន់នឹងវិបត្តិសេដ្ឋកិច្ច ឬភាពធន់ទៅនឹងការប្រែប្រួលអាកាសធាតុ។

សហគមន៍កសិកម្មទំនើប ជាខ្សែរថភ្លើងនៃកម្មវិធីគោលនយោបាយអាទិភាពមួយរបស់រាជរដ្ឋាភិបាលអាណត្តិថ្មីនេះ កំពុងចាប់ផ្តើមចេញដំណើរដោយសន្សឹមៗ ហើទោះបីជាស្ថិតនៅក្នុងដំណាក់កាលសាកល្បងនៅឡើយ តែការងារដែលដឹកនាំផ្ទាល់ដោយក្រសួងកសិកម្មមួយនេះ ធ្វើឡើងប្រកបដោយភាពប្រាកដនិយម សំដៅផ្តល់ដំណោះស្រាយជាក់លាក់ជូនដល់បងប្អូនប្រជាកសិករនៅតាមមូលដ្ឋាន។

ឯកឧត្តមរដ្ឋមន្ត្រី បានបញ្ជាក់បន្ថែមថា សហគមន៍កសិកម្មទំនើប គឺជាគោលនយោបាយដែលក្រសួងត្រូវជំរុញដើម្បីបង្កើនប្រាក់ចំណូល លើកកម្ពស់ជីវភាពប្រជាជន តាមរយៈការដាក់ដីប្រើប្រាស់រួមក្នុងសហគមន៍ និងកម្លាំងពលកម្ម ក្រោមការដឹកនាំ គ្រប់គ្រងបែងចែកកម្មវិធីដាំដុះ និងប្រមូលទិញ ដោយសហគមន៍ផ្ទាល់។

លោក ឆេង ថុង ប្រធានក្រុមប្រឹក្សាភិបាលសហគមន៍កសិកម្មសំបូរជ័យបានឱ្យដឹងថា សហគមន៍បង្កើតឡើងដោយមានការរៀបចំចុះបញ្ជីទទួលស្គាល់ជាផ្លូវការនៅថ្ងៃទី ២០ ខែធ្នូ ២០១០ និងបានចូលរួមដោះស្រាយបញ្ហារបស់កសិករជាច្រើន ការពារផលប្រយោជន៍ សមាជិកសហគមន៍ និងចូលរួមបង្កើតមុខរបរថ្មីៗសម្រាប់លើកស្ទួយជីវភាពរបស់កសិករឱ្យកាន់តែប្រសើរឡើង ។

លោក ឆេង ថុង បញ្ជាក់ថា៖

«សហគមន៍កសិកម្មសំបូរមានជ័យ បានរីកចម្រើនបន្តបន្ទាប់រហូតមកដល់ឆ្នាំ២០​២៤នេះ សហគមន៍មានសមាជិកសរុប ២១៥២ នាក់ (ស្រី៩៣០)មកពី១០ឃុំក្នុងស្រុកស្ទឹងត្រង់ និងស្រុកចំការលើ ។ វឌ្ឍនភាពនៃមុខរបរសហគមន៍កសិកម្មសំបូរមានជ័យ បានចាប់ផ្តើមជាមួយក្រុមសន្សំប្រាក់សម្រាប់ប្រើប្រាស់ជាគណនេយ្យទានបង្វិលនៅក្នុងសហគមន៍មួយ ដែលមានទុន សរុបចំនួន១០,១៥៤,០០០រៀល។

លោកប្រធានក្រុមប្រឹក្សាភិបាល បានឱ្យដឹងថា បច្ចុប្បន្នសហគមន៍បានកសាងទីស្នាក់ការ និងហេដ្ឋារចនាសម្ព័ន្ធកែច្នៃពូជដំណាំ ផលិតប្រេងស្លឹកគ្រៃ និងឃ្លាំង នៅក្នុងភូមិសំបូរ ឃុំសូកាស ស្រុកស្ទឹងត្រង់ នៅលើផ្ទៃដីទំហំ ៣០​៤០ ម៉ែត្រការ៉េ ជាកម្មសិទ្ធរបស់សហគមន៍កសិកម្មសំបូរមានជ័យ និងមានដីចំការចំនួន ១៣,៧០ ហិកតា បង្កើតកសិដ្ឋានដាំបន្លែ និងកសិ-ទេសចរណ៍។

សូមបញ្ជាក់ថា បច្ចុប្បន្នសហគមន៍បានពង្រីកមុខរបរបន្ថែមមួយចំនួនទៀត ដូចជា ផលិតកម្មស្រូវចំណី ផលិតកម្មគ្រាប់ពូជស្រូវ ចំនួន១០ពូជ ក្នុងនោះពូជស្រូវមានតម្រូវការខ្ពស់ជាងគេគឺ ផ្ការំដួល វាំងជ័យ សែន ក្រអូប និង CAR ៤ ។ ក្រៅពីនេះនៅមានដំណាំដាំស្លឹកគ្រៃ និងបន្លែ ដំណាំឈើហូបផ្លែ(ចេក ម្នាស់ និងឪឡឹក) ផលិតកម្មកែច្នៃប្រេងស្លកក្រៃ និងផលិតជីកំប៉ុស្ត ផ្គត់ផ្គង់ជីគីមី ទៅឱ្យសមាជិកសហគមន៍ និងជីលាមកសត្វទៅឱ្យអតិថិជននៅក្នុងតំបន់៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្ពុជា​កំពុង​ធ្វើការ​ផ្លាស់ប្តូរ​លើ​ក្របខ័ណ្ឌ​នៃ​ភាព​ធន់​នឹងការប្រែប្រួល​អាកាសធាតុ ​នៅ​ក្នុង​ឧស្សាហកម្ម​ស្រូវ​ អង្ករ​

ព្រឹត្តិការណ៍, សេដ្ឋកិច្ច

• 21/05/2024

តំណាងកម្ពុជាថ្លែងក្នុងកិច្ចពិភាក្សាអំពីការអភិវឌ្ឍវិស័យស្រូវអង្ករក្នុងកិច្ចប្រជុំ ADFIAP ​ថា កម្ពុជាកំពុងធ្វើការលើការផ្លាស់ប្តូរក្របខ័ណ្ឌនៃភាពធន់ទៅនឹងអាកាសធាតុក្នុងវិស័យស្រូវ

ជប៉ុន និងអាស៊ាន ត្រៀមចាប់ដៃគ្នាធ្វើការងារលើឧស្សាហកម្មផលិត និងលក់រថយន្តអគ្គិសនី

ព្រឹត្តិការណ៍

• 21/05/2024

សមាគមប្រជាជាតិអាស៊ីអាគ្នេយ៍អាស៊ាន(ASEAN) និងមហាយក្សឧស្សាហកម្មជប៉ុន អាចនឹងសហការគ្នាក្នុងវិស័យផលិត និងលក់រថយន្តអគ្គិសនីដើម្បីចូលរួមចំណែកជាយុទ្ធសាស្ត្រក្នុងការទប់ទល់ទៅនឹងការហូរចូល និងហក់ឡើងខ្លាំងពេកនៃតម្លៃរថយន្តអគ្គិសនីដែលផលិតនៅប្រទេសចិន។

Mountain Hazelnuts អនុវត្តអាជីវកម្មបរិយាបន្ន ដើម្បីបង្កើនកម្លាំងពលកម្មផ្នែកកសិកម្មនៅជនបទ

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 21/05/2024

បេសកកម្មរបស់ Mountain Hazelnuts គឺបង្កើតអាជីវកម្មដែលរកប្រាក់ចំណេញ និងផ្តល់ប្រាក់ចំណូលរយៈពេលវែងដល់សហគមន៍ជនបទដែលងាយរងគ្រោះ ព្រមទាំងជួយស្តារដីដែលខូចគុណភាពរបស់ប្រទេសជាតិផងដែរ

វិស័យ​សំណង់ និងអចលនទ្រព្យ រំពឹង​ថា​នឹង​បន្តមានកំណើនទាបក្នុងឆ្នាំ២០២៤​នេះ​

ព្រឹត្តិការណ៍, អចលនទ្រព្យ

• 21/05/2024

ទោះបីជា​ស្ថានភាព វិបត្តិកូវីដ​១​៩​បាន​បញ្ចប់ស្ទើរតែទាំងស្រុងទៅហើយក្ដី តែ​វិស័យ​សំណង់ និងអចលនទ្រព្យ​នៅតែបន្ត​មានកំណើតទាបដដែល​ក្នុងឆ្នាំនេះ

តម្លៃមាសបន្តឡើងថ្លៃជិតដល់ ២ ៥០០ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 21/05/2024

តម្លៃមាសបានឡើងថ្លៃដល់ ២ ៤៥០ ដុល្លារមួយអោន បន្ទាប់ពីព័ត៌មានរាយការណ៍ថា ប្រធានាធិបតីថ្មីរបស់អឺរ៉ុង់ Ebrahim Raisi បានស្លាប់នៅក្នុងហេតុការណ៍ធ្លាក់ឧទ្ធម្ភាគចក្រកាលពីថ្ងៃអាទិត្យ

កសិករកាន់តែទទួលបានជំនួយផ្នែកកសិកម្ម ក្រោមគម្រោងលើកកម្ពស់សន្តិសុខស្បៀង អាហារូបត្ថម្ភ និងជីវភាពដល់គ្រួសារក្រីក្រ

ជំនួញ, ព្រឹត្តិការណ៍

• 21/05/2024

កសិករក្នុងសហគមន៍នៅកំពតកំពុងទទួលបានផលប្រយោជន៍ទាំងផ្នែកអាហារូបត្ថម្ភ និងជីវភាព ក្រោមគម្រោងលើកកម្ពស់សន្តិសុខស្បៀង អាហារូបត្ថម្ភ និងជីវភាព

​ស្ថានភាពបញ្ញើ​ជាប្រាក់​រៀលក្នុងប្រព័ន្ធធនាគារ​កំពុងមានភាព​ប្រសើរ​ឡើង

ព្រឹត្តិការណ៍, ហិរញ្ញវត្ថុ

• 21/05/2024

ប្រាក់បញ្ញើជាប្រាក់រៀលក្នុងប្រព័ន្ធធនាគារនៅកម្ពុជាមានភាពប្រសើរឡើងក្នុងឆ្នាំ ២០២៣ បើទោះបីជាប្រាក់បញ្ញើក្នុងវិស័យធនាគារភាគច្រើននៅតែជាប្រាក់ដុល្លារអាមេរិកក៏ដោយ

ពាណិជ្ជករកម្ពុជា ទៅស្វែងយល់ពីការបង្កើតតំបន់សេដ្ឋកិច្ចគាំទ្រដល់អាជីវកម្មដែលទើបបង្កើតថ្មី

ព្រឹត្តិការណ៍, សេដ្ឋកិច្ច

• 21/05/2024

ក្នុងអំឡុងពេលដំណើរទស្សនកិច្ចជាផ្លូវការនៅកូរ៉េរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី ប្រតិភូសភាពាណិជ្ជកម្ម ទស្សនកិច្ចតំបន់សេដ្ឋកិច្ចកូរ៉េ

ការធ្វើស្រែតាមរបៀប« សមកាលកម្ម »ជាជំហានក្នុងការកសាងសហគមន៍កសិកម្មទំនើប

ព្រឹត្តិការណ៍, សេដ្ឋកិច្ច

• 21/05/2024

ការធ្វើស្រែតាមរបៀប« សមកាលកម្ម »ជាជំហានមួយឆ្ពោះទៅកាន់ការកសាងសហគមន៍កសិកម្មទំនើបនៅក្នុងព្រះរាជាណាចក្រកម្ពុជា ។

កម្ពុជា នឹងធ្វើជាម្ចាស់ផ្ទះកិច្ចប្រជុំលើកទី២០ រដ្ឋមន្ត្រីអាស៊ានផ្នែកវិទ្យាសាស្ត្រ បច្ចេកវិទ្យា និងនវានុវត្តន៍

ព្រឹត្តិការណ៍, អាជីវកម្មថ្មី និងនវានុវត្ត

• 21/05/2024

កម្ពុជាធ្វើជាម្ចាស់ផ្ទះកិច្ចប្រជុំលើកទី២០រដ្ឋមន្ត្រីអាស៊ានផ្នែកវិទ្យាសាស្ត្រ បច្ចេកវិទ្យា នវានុវត្តន៍និងកិច្ចប្រជុំលើកទី៨៥នៃគណៈកម្មាធិការអាស៊ាន