ក្រសួងបរិស្ថានជំរុញប្រជាជនឱ្យយកឃ្មុំប្រកបដោយនិរន្តរភាព

បាត់ដំបង ៖ ក្នុងឱកាសចូលរួមដាំដើមឈើនៅក្នុងសហគមន៍តាខេះមានជ័យ ក្រសួងបរិស្ថានបានលើកឡើងអំពីការព្រួយបារម្ភចំពោះការបាត់បង់ឃ្មុំដោយការពឹងផ្អែកហួសហេតុពេកពីសំណាក់ប្រជាជន។ តាមរយៈការព្រួយបារម្ភនេះ ក្រសួងបានជំរុញឱ្យប្រជាពលរដ្ឋផ្លាស់ប្ដូរទម្លាប់នៃការយកឃ្មុំមកជាការយកប្រកបដោយនិរន្ដរភាព។

ទម្លាប់នៃការយកឃ្មុំប្រកបដោយនិរន្ដរភាពដែលក្រសួងបានលើកឡើងនេះ គឺសំដៅទៅលើការយកឃ្មុំដែលរក្សាទុក ២០% សម្រាប់ឃ្មុំចូលមកនៅវិញ ពោលគឺមិនយកទាំងស្រុងនោះទេ។

ឯកឧត្តម នេត្រ ភក្ក្រា អ្នកនាំពាក្យក្រសួងបរិស្ថានបានលើកឡើងថា ៖

“ពេលយកឃ្មុំ​ យើងយកតែ​ក្បាល​ទឹកទេ តែកុំយកសម្បុក កុំយកកូន ឥឡូវនេះបងប្អូនយើងនិយមហូបឃ្មុំអាំង ហើយហូបបែប​ហ្នឹងធ្វើឱ្យ​អស់ប្រភេទឃ្មុំដែលវានឹងប៉ះពាល់ដល់ដំណាំផងដែរ។”

ឯកឧត្តមបន្តថា ៖

“ឃ្មុំដើរតួនាទីសំខាន់ ជាភ្នាក់ងារចម្លងលម្អងផង ជាអ្នកចូលរួមការពារ​ប្រព័ន្ធ​អេកូឡូស៊ីផង ហើយតួនាទីវាគឺបង្កាត់លម្អងគ្នាឱ្យចេញជាផ្លែផ្កា ដែលជាចំណីដល់សត្វបន្តទៀត និយាយរួមការអភិរក្សនេះដើម្បីធ្វើឱ្យប្រព័ន្ធអេកូឡូស៊ីយើងមានលំនឹង។”

បើតាមទម្លាប់របស់ប្រជាជន ក្នុងការយកឃ្មុំព្រៃគឺពួកគេច្រើនតែប្រើប្រាស់ផ្សែងភ្លើងទៅបង្ហុយដាក់ សម្បុកឃ្មុំ ដែលធ្វើឱ្យឃ្មុំហើរចេញអស់ នឹងអាលយកក្បាលទឹក ក៏ដូចជាកូនឃ្មុំ។ ប៉ុន្តែការយកបែប​នេះមានផលប៉ះពាល់ច្រើន ដោយអាចធ្វើឱ្យឃ្មុំទាំងនោះហើរចេញទៅរកសម្បុកថ្មីទៀត​ ដែលត្រូវការ​រយៈពេលយូរទម្រាំអាចបង្កើតជាក្បាលទឹកបាន។ ម្យ៉ាងទៀត ដោយសារមានតម្រូវការប្រើប្រាស់ទឹកឃ្មុំច្រើនផង ប្រសិនបើប្រជាជនចាប់អនុវត្តការ យកឃ្មុំដោយនិរន្តរភាពនេះ ពួកគេនឹងមិនចាំបាច់ដើររកឃ្មុំគ្រប់ទិសទី ដោយចាំយកតែពីសម្បុកចាស់ ដែលពួកគេធ្លាប់យកហើយតែប៉ុណ្ណោះ។

ជាក់ស្ដែង ឯកឧត្តមបានលើកឡើងពីតំបន់ដែលជោគជ័យលើការយកឃ្មុំប្រកបដោយនិរន្តរភាព គឺនៅក្នុងខេត្តមណ្ឌលគិរី តំបន់ព្រៃឡង់ និងជួរភ្នំក្រវាញ។ ឯកឧត្តមបានបន្តឱ្យដឹងទៀតថា នៅក្នុងតំបន់ទាំងនេះ ប្រជាជនមានការយល់ដឹងច្រើនពីការយកឃ្មុំ តាមរយៈការទទួលបានការ បណ្ដុះបណ្ដាលពីសំណាក់អង្គការដៃគូផង។ ហើយការយល់ដឹងនេះហើយ ដែលក្នុងមួយឆ្នាំៗពួកគេ អាចប្រមូលផលបានពីទឹកឃ្មុំ សម្រាប់ទៅផ្គត់ផ្គង់ជីវភាពគ្រួសារបានយ៉ាងងាយស្រួល។ ដោយឡែក ក្រៅពីការជំរុញនេះទៅ ក្រសួងបរិស្ថានផ្ទាល់ក៏បានធ្វើការងារជាមួយអង្គការអន្តរជាតិ​មួយចំនួនផងដែរ ដើម្បីរៀបចំផែនទីបង្ហាញផ្លូវ ព្រមទាំងផែនការជាតិស្ដីពីការយកឃ្មុំប្រកប​ដោយនិរន្ដរភាព៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ