សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNN បានរាយការណ៍ថា ហាងលក់ទំនិញដ៏ធំរបស់ជប៉ុន 7-Eleven រាប់រយកន្លែងកំពុងបិទទ្វារជាបណ្តើរៗនៅទូទាំងអាមេរិកខាងជើង។
Seven & I Holdings ដែលជាក្រុមហ៊ុនមេរបស់ 7-Eleven មានមូលដ្ឋាននៅប្រទេសជប៉ុនបានបង្ហាញនៅក្នុងរបាយការណ៍ប្រាក់ចំណូលរបស់ខ្លួនថា ទីតាំងចំនួន ៤៤៤ កន្លែងរបស់ 7-Eleven កំពុងត្រូវបានបិទដោយសារតែបញ្ហាជាច្រើនរួមមាន ការលក់យឺត ការធ្លាក់ចុះប្រាក់ចំណូល សម្ពាធអតិផរណា និងការលក់បារីធ្លាក់ចុះ។ យ៉ាងណាមិញ បញ្ជីជាក់លាក់អំពីទីតាំងបិទមិនត្រូវបានចេញផ្សាយភ្លាមៗទេ។ ខណៈដែលខ្សែសង្វាក់របស់ក្រុមហ៊ុននេះមានហាងច្រើនជាង ១៣ ០០០ កន្លែងនៅទូទាំងសហរដ្ឋអាមេរិក កាណាដា និងម៉ិកស៊ិក ហើយចំនួននៃការបិទហាងមានចំណែក ៣ ភាគរយ។
នៅក្នុងការចេញផ្សាយប្រាក់ចំណូលរបស់ខ្លួន Seven & I បានលើកឡើងថា ស្របពេលដែលសេដ្ឋកិច្ចអាមេរិកខាងជើងមានភាពរឹងមាំជាមាំ ប៉ុន្តែអ្នកដែលមានប្រាក់ចំណូលមធ្យម និងទាបនៅតែមានភាពប្រុងប្រយ័ត្នចំពោះការចំណាយ ដោយសារតែអតិផរណាជាប់លាប់ អត្រាការប្រាក់ខ្ពស់ និងបរិយាកាសការងារកាន់តែយ៉ាប់យ៉ឺន។ ការរួមបញ្ចូលគ្នានៃកត្តាទាំងនោះបាននាំឱ្យមានការធ្លាក់ចុះអតិជន ៧,៣ ភាគរយកាលពីខែសីហា ដែលបានធ្លាក់ចុះប្រាំមួយខែជាប់ៗគ្នា។ មិនត្រឹមតែប៉ុណ្ណោះ បារីដែលធ្លាប់ជាផលិតផលលក់បានច្រើនបំផុតនៅក្នុងហាងបានធ្លាក់ចុះ ២៦ ភាគរយចាប់តាំងពីឆ្នាំ ២០១៩។
ទន្ទឹមនឹងនេះ 7-Eleven បានលើកឡើងថា ពួកគេកំពុងត្រួតពិនិត្យជាបន្តបន្ទាប់ និងបង្កើនប្រសិទ្ធភាពរបស់ខ្លួន ហើយការបិទហាងគឺជាផ្នែកមួយនៃយុទ្ធសាស្រ្តកំណើនរបស់ខ្លួន ហើយពួកគេនឹងបន្តបើកហាងនៅ នៅក្នុងតំបន់ដែលមានតម្រូវការពីអ្នកប្រើប្រាស់ខ្ពស់។ យោងតាមប្រភពដដែល បានឱ្យដឹងថា ការបិទហាងចំនួន ៤៤៤ គឺជាការកាត់កន្លែងមិនដំណើរការចេញពីខ្សែសង្វាក់ ដើម្បីរក្សាវាឱ្យមានប្រសិទ្ធភាព និងប្រាក់ចំណេញ។ ទីតាំងបិទទាំងនោះទទួលរងពីការធ្លាក់ចុះនៃអតិថិជន ដោយសារអ្នកប្រើប្រាស់ជួបប្រទះនឹងការកើនឡើងតម្លៃអាហារ និងកាត់បន្ថយចំនួនដែលពួកគេទិញ។ នៅក្នុងតំបន់ខ្លះ មានការប្រកួតប្រជែងពីហាងអនឡាញ និងតម្លៃក៏ជាចំណែកដែលធ្វើឲ្យពួកគេខាតបង់ផងដែរ ដោយសារអ្នកប្រើប្រាស់ស្វែងរកជម្រើសដែលមានតម្លៃទាប។ យ៉ាងណាមិញ 7-Eleven លើកឡើងថា ខ្លួននឹងបន្តវិនិយោគលើម្ហូបអាហារនៅក្នុងសហរដ្ឋអាមេរិក ដោយសារហាងទំនិញរបស់ខ្លួននៅតែលក់ដាច់ និងមានភាពទាក់ទាញពីអតិថិជនច្រើន៕
Account
Security
Favourite Content