សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNA បានរាយការណ៍ថា តម្លៃប្រេងបានធ្លាក់ចុះ ខណៈដែលតម្លៃប្រាក់ដុល្លារអាម៉េរិកឡើងថ្លៃ និងការព្យាករណ៍ពីលទ្ធភាពក្រុមប្រទេសនាំចេញប្រេង OPEC+ នឹងបង្កើនទិន្នផលប្រេងឆៅបន្ថែមទៀត។
បើប្រៀបធៀបទៅនឹងសប្តាហ៍មុន តម្លៃប្រេងឆៅម៉ាក Brent ធ្លាក់ចុះ ២% ឬ ៦៤,០៧ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ធ្លាក់ចុះ ២,៧% ឬ ៦០,៨១ ដុល្លារក្នុងមួយបារ៉ែល។ កាលពីថ្ងៃព្រហស្បតិ៍ តម្លៃប្រាក់ដុល្លារអាម៉េរិកបានឡើងថ្លៃធៀបនឹងរូបិយប័ណ្ណផ្សេងៗ ដែលត្រូវបានជំរុញដោយការអនុម័តច្បាប់របស់ប្រធានាធិបតី Donald Trump សម្រាប់ការកាត់បន្ថយពន្ធ និងការចំណាយដោយសភាតំណាងរាស្រ្ត។
ជាទូទៅ តម្លៃប្រេងមានភាពបញ្ច្រាស់គ្នាជាមួយប្រាក់ដុល្លារ ប្រសិនបើតម្លៃប្រាក់ដុល្លារឡើងថ្លៃ នោះតម្លៃប្រេងនឹងធ្លាក់ចុះ ដោយសារប្រាក់ដុល្លារឡើងថ្លៃធ្វើឱ្យទំនិញឡើងថ្លៃ។ មិនត្រឹមតែប៉ុណ្ណោះ ការកើនឡើងនៃស្តុកប្រេងឆៅនៅអាម៉េរិករួមចំណែកដល់ការធ្លាក់ចុះនៃតម្លៃប្រេងផងដែរ ដោយសារតម្រូវការស្តុកប្រេងឆៅរបស់អាម៉េរិកបានកើនឡើងក្នុងប៉ុន្មានសប្តាហ៍ចុងក្រោយនេះ។
ទន្ទឹមនឹងនេះ របាយការណ៍របស់ Bloomberg News បានឲ្យដឹងថា OPEC + កំពុងពិចារណាអំពីការបង្កើនផលិតកម្មដ៏ធំមួយទៀតនៅក្នុងកិច្ចប្រជុំកាលពីថ្ងៃទី ១ ខែមិថុនាខាងមុខនេះ ក៏បានជំរុញឱ្យតម្លៃប្រេងធ្លាក់ចុះផងដែរ។ លើសពីនេះ ពួកគេអាចនឹងពិភាក្សាអំពីការបង្កើនទិន្នផលចំនួន ៤១១ ០០០ បារ៉ែលក្នុងមួយថ្ងៃសម្រាប់ខែកក្កដា ប៉ុន្តែមិនទាន់មានកិច្ចព្រមព្រៀងចុងក្រោយណាមួយត្រូវបានសម្រេចនៅឡើយទេ៕
Account
Security
Favourite Content