សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័រ បានរាយការណ៍ថា តម្លៃប្រេងបានធ្លាក់ចុះបន្តិចបន្ទាប់ពីមានការព្យាករណ៍ពីការកើនឡើងនូវការផ្គត់ផ្គង់ច្រើនក្នុងទីផ្សារប្រេង និងការរំពឹងទុកពីការកាត់បន្ថយអត្រាការប្រាក់របស់ធនាគារកណ្តាល។
ទន្ទឹមនឹងនេះ តម្លៃប្រេងឆៅម៉ាក Brent បានធ្លាក់ចុះ ០,១៥ ភាគរយ ឬ ៧៣,៤១ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ធ្លាក់ចុះ ០,៣៨ ភាគរយ ឬ ៧០ ដុល្លារក្នុងមួយបារ៉ែល។ ថ្មីៗនេះ ទីភ្នាក់ងារថាមពលអន្តរជាតិ (IEA) ព្យាករណ៍ពីការកើនឡើងបន្តិចបន្តួចពីតម្រូវការប្រេងសម្រាប់ឆ្នាំក្រោយ ជាមួយនឹងក្តីសង្ឃឹមតែថាទីផ្សារប្រេងនឹងត្រូវបានផ្គត់ផ្គង់ដោយមិនមានភាពតានតឹង។ យ៉ាងណាមិញ ទិន្នន័យពី IEA បានបង្ហាញថា ស្តុកប្រេងសកលបានធ្លាក់ចុះចំនួន ៣៩,៣ លានបារ៉ែលក្នុងខែតុលា ដោយសារសកម្មភាពចម្រាញ់ទាប ចំពេលមានការកើនឡើងនៃតម្រូវការប្រេងពិភពលោក។
យ៉ាងណាក៏ដោយ បើទោះបីជាអតិផរណានៅអាម៉េរិកបានកើនឡើងបន្តិចក្នុងខែវិច្ឆិកា ស្របទៅនឹងតាមការរំពឹងទុករបស់អ្នកសេដ្ឋកិច្ចក្តី ប៉ុន្តែវិនិយោគិននៅតែរំពឹងថា ធនាគារកណ្តាលអាម៉េរិកនឹងកាត់បន្ថយអត្រាការប្រាក់ម្តងទៀត ដោយសារពួកគេគិតពីភាពវិជ្ជមាននៃតម្រូវការថាមពល និងកំណើនសេដ្ឋកិច្ច។ អតិផរណារបស់សហរដ្ឋអាម៉េរិកបានកើនឡើងបន្តិច ២,៧ ភាគរយក្នុងខែវិចិ្ឆកា ដែលកើនឡើងពី ២,៦ ភាគរយក្នុងខែតុលា ហើយគោលដៅអតិផរណារបស់ Fed គឺ ២ ភាគរយ។ Bjarne Schieldrop ប្រធានខាងវិភាគទំនិញនៅ SEB លើកឡើងថា របាយការណ៍អតិផរណាស្ថិតនៅក្រោមគ្រប់គ្រង ទោះបីជាវាកើនឡើងបន្តិចក្តី ដោយសារវាស្ថិតក្នុងកម្រិតមួយដែលស្របទៅនឹងគោលដៅ ឬការរំពឹងទុករបស់ធនាគារកណ្តាល។ វាជាសញ្ញាមួយដល់វិនិយោគិន និងអ្នកវិភាគអាចរំពឹងថា ធនាគារកណ្តាលអាម៉េរិកអាចគិតគូរពីការកាត់បន្ថយអត្រាការប្រាក់នៅក្នុងកិច្ចប្រជុំបន្ទាប់របស់ពួកគេ។
លើសពីនេះ ទិន្នន័យរដ្ឋបាលព័ត៌មានថាមពល (EIA) បានបង្ហាញថា នៅក្នុងចំណោមអ្នកប្រើប្រាស់ប្រេងកំពូលរបស់ពិភពលោក ស្តុកប្រេងសាំង និងប្រេងចម្រោះរបស់សហរដ្ឋអាម៉េរិកបានកើនឡើងច្រើនជាងការរំពឹងទុកកាលពីសប្តាហ៍មុន។ ទោះបីជាតម្រូវការប្រេងសកលបានកើនឡើងយឺតជាងការរំពឹងទុកក្នុងខែនេះ ប៉ុន្តែនៅតែមានភាពធន់។ កាលពីខែវិច្ឆិកា ការនាំចូលប្រេងឆៅរបស់ចិនបានកើនឡើងជាលើកដំបូងក្នុងរយៈពេលប្រាំពីរខែ ដោយកើនឡើងជាង ១៤ ភាគរយធៀបនឹងឆ្នាំមុន៕
Account
Security
Favourite Content