សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័របានរាយការណ៍ថា តម្លៃប្រេងបានបន្តឡើងថ្លៃលើស ២ ភាគរយ ដោយសារការបង្ហូរចេញដ៏ធំពីស្តុកប្រេងឆៅរបស់សហរដ្ឋអាម៉េរិក និងការរំខានដល់ការផ្គត់ផ្គង់ដែលបណ្តាលមកពីការដាក់ទណ្ឌកម្មថ្មីរបស់សហរដ្ឋអាមេរិកលើរុស្ស៊ី។
ថ្មីៗនេះ តម្លៃប្រេងឆៅម៉ាក Brent ឡើងថ្លៃ ២,៦៤ ឬ ៨២,០៣ ដុល្លារក្នុងមួយបារ៉ែល ដែលជាតម្លៃខ្ពស់បំផុតចាប់តាំងពីខែសីហា ឆ្នាំ ២០២៤។ តម្លៃប្រេងឆៅម៉ាក West Texas Intermediate (WTI) ឡើងថ្លៃ ៣,២៨ ភាគរយ ឬ ៨០,០៤ ដុល្លារក្នុងមួយបារ៉ែល ដែលជាកម្រិតខ្ពស់បំផុតចាប់តាំងពីខែកក្កដា។ កាលពីសប្តាហ៍មុន ស្តុកប្រេងឆៅរបស់សហរដ្ឋអាម៉េរិកបានធ្លាក់ចុះដល់កម្រិតទាបបំផុតចាប់តាំងពីឆ្នាំ ២០២២។ រដ្ឋបាលព័ត៌មានថាមពលសហរដ្ឋអាមេរិក (EIA) រាយការណ៍ថា ការនាំចេញបានកើនឡើង និងការនាំចូលធ្លាក់ចុះ ដែលមានន៏យថា ប្រេងត្រូវបានបង្ហូរចេញពីស្តុកក្នុងចំនួនច្រើន។
លោក Bob Yawger នាយកផ្នែកទីផ្សារថាមពលនៅ Mizuho លើកឡើងថា ការបង្ហូរប្រេងឆៅចេញក្នុងចំនួនច្រើនមិនគួរឲ្យនឹកស្មាន ដែលអាចមកពីការកម្ម៉ង់ប្រេងទទួលបានកក់ទុកមុនពេលប្រកាសទណ្ឌកម្ម។ ទីភ្នាក់ងារថាមពលអន្តរជាតិ (IEA) លើកឡើងថា ការដាក់ទណ្ឌកម្មចុងក្រោយរបស់សហរដ្ឋអាម៉េរិកលើប្រេងរុស្ស៊ីអាចរំខានដល់ការផ្គត់ផ្គង់ និងការចែកចាយប្រេងរបស់រុស្ស៊ីយ៉ាងខ្លាំង។ លើសពីនេះ ភាពច្របូកច្របល់ជុំវិញការដាក់ទណ្ឌកម្មហាក់ដូចជាកំពុងគាំទ្រដល់តម្លៃប្រេងឡើងថ្លៃ។ ទន្ទឹមនឹងនេះ កប៉ាល់ដែលដឹកជញ្ជូនប្រេងឆៅរបស់រុស្ស៊ីហាក់ដូចជាកំពុងពិបាកក្នុងការដឹកជញ្ជូនទំនិញរបស់ពួកគេនៅជុំវិញពិភពលោក ដែលអាចមានសក្តានុពលជំរុញឱ្យការផ្គត់ផ្គង់មានភាពតឹងតែងក្នុងរយៈពេលខ្លី។
លើសពីនេះ វិនិយោគិនកំពុងរង់ចាំមើលពីសញ្ញានៃការពង្រឹងសេដ្ឋកិច្ច និងតម្រូវការប្រេង។ កាលពីថ្ងៃពុធ សន្ទស្សន៍ប្រាក់ដុល្លារបានធ្លាក់ចុះ បន្ទាប់ពីទិន្នន័យរបស់សហរដ្ឋអាមេរិកបានបង្ហាញថាតម្លៃអ្នកប្រើប្រាស់បានកើនឡើងបន្តិចលើសពីការរំពឹងទុកនៅក្នុងខែធ្នូ។ ដូច្នោះហើយ គេរំពឹងទុកកាន់តែខ្លាំងឡើងលើការកាត់បន្ថយអត្រាការប្រាក់បន្ថែមទៀតដោយធនាគារកណ្តាលអាម៉េរិក។ ការធ្លាក់ចុះតម្លៃប្រាក់ដុល្លារអាចគាំទ្រដល់តម្លៃប្រេងឡើងថ្លៃ ហើយអត្រាការប្រាក់ទាបអាចជំរុញកំណើនសេដ្ឋកិច្ច។ ទន្ទឹមនឹងនេះ អ៊ីស្រាអែល និងក្រុមហាម៉ាសបានយល់ព្រមលើកិច្ចព្រមព្រៀងមួយដើម្បីបញ្ឈប់ការប្រយុទ្ធគ្នានៅតំបន់ហ្គាហ្សា និងផ្លាស់ប្តូរចំណាប់ខ្មាំងអ៊ីស្រាអែលជាមួយនឹងអ្នកទោសប៉ាឡេស្ទីន។ លោក Phil Flynn អ្នកវិភាគនៅក្រុមហ៊ុន Price Futures Group លើកឡើងថា ការព្រួយបារម្ភលើការរំខានការផ្គត់ផ្គង់ប្រេងអាចនឹងធូរស្រាល ពេលដែលកិច្ចព្រមព្រៀងបទឈប់បាញ់រវាងអ៊ីស្រាអែល និងហាម៉ាសទទួលបានជោគជ័យ៕
Account
Security
Favourite Content