សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីបរទេសបានរាយការណ៍ថា តម្លៃប្រេងបានឡើងថ្លៃជាង ១ ភាគរយ បន្ទាប់ពីសហរដ្ឋអាមេរិកបានចេញទណ្ឌកម្មថ្មីលើអង្គភាពដែលពាក់ព័ន្ធនឹងប្រទេសអ៊ីរ៉ង់ និងការកើនឡើងនៃភាពតានតឹងនៅមជ្ឈិមបូព៌ា។ ទន្ទឹមនឹងនេះ តម្លៃប្រេងឆៅម៉ាក Brent ឡើងថ្លៃ ១,៧២ ភាគរយ ឬ ៧២ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ១,៦៤ ភាគរយ ឬ ៦៨,២៦ ដុល្លារក្នុងមួយបារ៉ែល។
កាលពីថ្ងៃព្រហស្បតិ៍ សហរដ្ឋអាមេរិកបានដាក់ទណ្ឌកម្មពាក់ព័ន្ធនឹងប្រទេសអ៊ីរ៉ង់ ដោយផ្តោតលើរោងចក្រចម្រាញ់ឯកជនរបស់ចិន និងនាវាដែលផ្គត់ផ្គង់ប្រេងឆៅដល់រោងចក្រទាំងនេះ។ គួរឲ្យបញ្ជាក់ដែរថា អ៊ីរ៉ង់ផលិតប្រេងឆៅជាង ៣ លានបារ៉ែលក្នុងមួយថ្ងៃ ហើយចិនគឺជាអ្នកនាំចូលប្រេងធំជាងគេរបស់អ៊ីរ៉ង់ ដោយអ្នកទិញភាគច្រើនគឺជារោងចក្រចម្រាញ់ប្រេងឯកជនរបស់ចិន។
ទន្ទឹមនឹងនេះ អង្គការ OPEC+ បានចេញផែនការថ្មីសម្រាប់ការកាត់បន្ថយទិន្នផលប្រេងបន្ថែមទៀត ដោយនឹងកាត់បន្ថយពីចន្លោះ ១៨៩ ០០០ បារ៉ែលក្នុងមួយថ្ងៃ និង ៤៣៥ ០០០ បារ៉ែលក្នុងមួយថ្ងៃ ដោយការកាត់បន្ថយនេះអាចនឹងមានរយៈពេលរហូតដល់ខែមិថុនា ឆ្នាំ ២០២៦។ ការកាត់បន្ថយផលិតកម្មប្រេងដោយ OPEC+ អាចនឹងជំរុញឲ្យតម្លៃប្រេងឡើងថ្លៃបន្ថែមទៀត ប្រសិនបើការផ្គត់ផ្គង់សកលខ្វះខាត។
មួយវិញទៀត ការដាក់ពន្ធរបស់ Donald Trump លើប្រទេសកាណាដា ម៉ិកស៊ិក និងចិនកំពុងបង្កើនការភ័យខ្លាចនៃការធ្លាក់ចុះសេដ្ឋកិច្ច ដែលមានឥទ្ធិពលលើតម្លៃប្រេង។ អ្នកវិភាគមួយចំនួនកំពុងព្យាករណ៍ថា ភាពមិនច្បាស់លាស់នៃតម្លៃប្រេងនឹងកើនឡើងក្នុងរយៈពេលដ៏ខ្លីខាងមុខនេះ ដោយសារវិធានការជំរុញសេដ្ឋកិច្ចរបស់ចិន និងភាពតានតឹងជាថ្មីរវាងអ៊ីស្រាអែល និងក្រុមហាម៉ាស គឺជាកត្តាជំរុញឱ្យតម្លៃប្រេងកើនឡើង។ ថ្មីៗនេះ ភាពតានតឹងនៅមជ្ឈិមបូព៌ាបានកើតឡើងម្តងទៀត បន្ទាប់ពីអ៊ីស្រាអែលបានចាប់ផ្តើមប្រតិបត្តិការថ្មីនៅក្នុងតំបន់ហ្គាហ្សាក្រោយពីបទឈប់បាញ់ជិតពីរខែ។ អ្នកវិភាគ J.P. Morgan លើកឡើងថា ស្របពេលស្ថានភាពសកលមានភាពមិនប្រាកដប្រជា ហានិភ័យនៃការដាក់ទណ្ឌកម្មកំពុងកើនឡើង ប្រសិនបើរដ្ឋបាល Trump ប្រកាន់យកជំហរតឹងរ៉ឹងលើវេណេហ្ស៊ុយអេឡា អ៊ីរ៉ង់ និងរុស្ស៊ី។ ថ្មីៗនេះ អាម៉េរិកបានបន្តការវាយប្រហារតាមអាកាសលើគោលដៅក្រុម Houthi ក្នុងប្រទេសយេម៉ែន ដើម្បីជាការសងសឹកចំពោះការដែលពួកគេវាយប្រហារលើក្រុមកប៉ាល់នៅសមុទ្រក្រហម៕
Account
Security
Favourite Content