សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពី Oil Price បានលើកឡើងថា តម្លៃប្រេងបានឡើងថ្លៃបន្តិចបន្ទាប់ពីមានសញ្ញាបង្ហាញថាអាចមានកិច្ចចរចាពន្ធគយ និងពាណិជ្ជកម្មមួយចំនួនរវាងសហរដ្ឋអាម៉េរិក និងចិន។
ទន្ទឹមនឹងនេះ តម្លៃប្រេងឆៅម៉ាក WTI ឡើងថ្លៃ ០,៩៥% ឬ មានតម្លៃ ៦២,៨៦ ដុល្លារក្នុងមួយបារ៉ែល ស្តខណៈដែលតម្លៃប្រេងឆៅម៉ាក Brent ឡើងថ្លៃ ០,៧% ឬ មានតម្លៃ ៦៦,៥៨ ដុល្លារក្នុងមួយបារ៉ែល។ កាលពីថ្ងៃពុធ តម្លៃប្រេងបានធ្លាក់ចុះ ប៉ុន្តែបានឡើងថ្លៃបន្តិចនៅថ្ងៃព្រហស្បតិ៍ ដោយសារមានសញ្ញាថយចុះនៃភាពតានតឹងនៅក្នុងសង្គ្រាមពាណិជ្ជកម្មអាម៉េរិក-ចិន ជាមួយនឹងលទ្ធភាពនៃការបើកកិច្ចចរចាពន្ធ និងពាណិជ្ជកម្មរវាងមហាអំណាចសេដ្ឋកិច្ចធំទាំងពីរ។
ចាប់តាំងពីប្រធានាធិបតីអាម៉េរិកលោក Donald Trump ដំឡើងពន្ធជាបន្តបន្ទាប់លើប្រទេសចិននៅដើមខែមេសាមក តម្លៃប្រេងបានធ្លាក់ចុះប្រហែល ១០ ដុល្លារក្នុងមួយបារ៉ែល ដែលធ្វើឲ្យមានការព្រួយបារម្ភអំពីស្ថានភាពសេដ្ឋកិច្ចពិភពលោក និងការធ្លាក់ចុះសេដ្ឋកិច្ចអាម៉េរិក។ បន្ទាប់ពីរដ្ឋបាល Trump ដាក់ពន្ធ ១៤៥% លើការនាំចូលពីប្រទេសចិន ធនាគារវិនិយោគភាគច្រើនព្យាករណ៍ពីសេណារីយ៉ូនៃការធ្លាក់ចុះសេដ្ឋកិច្ច។ កាលពីថ្ងៃពុធ Trump លើកឡើងពីលទ្ធភាពនៃការកាត់បន្ថយពន្ធគយលើទំនិញចិន។ ទន្ទឹមនឹងនេះ ចិន អំពាវនាវសហរដ្ឋអាម៉េរិកឲ្យលុបចោលពន្ធគយ ប៉ុន្តែគេមិនទាន់បានដំណឹងថា ទីក្រុងប៉េកាំងអាចនឹងចាប់ផ្តើមកិច្ចចរចាពាណិជ្ជកម្មណាមួយជាមួយសហរដ្ឋអាមេរិកទេ បើទោះបីជាមានការអត្ថាធិប្បាយពីទីក្រុងវ៉ាស៊ីនតោនថាមានទំនាក់ទំនងផ្ទាល់រួចហើយក៏ដោយ។
យ៉ាងណាមិញ ទីផ្សារកំពុងព្រួយបារម្ភអំពីការផ្គត់ផ្គង់លើស ដោយសារតម្លៃប្រេងអាចធ្លាក់ចុះបន្ថែមទៀត ខណៈដែលសមាជិកអង្គការ OPEC+ ជាច្រើនបានស្នើឱ្យក្រុមនេះពន្លឿនការបង្កើនទិន្នផលប្រេងសម្រាប់ខែមិថុនា។ អ្នកវិភាគព្យាករណ៍ថា ការខ្វែងគំនិតគ្នារវាងសមាជិក OPEC + អាចនឹងក្លាយជាហានិភ័យទូលំទូលាយនៅទូទាំងទីផ្សារហិរញ្ញវត្ថុ បន្ទាប់ពីភាពតានតឹងផ្នែកពន្ធគយអាចនឹងធូរស្រាល៕
Account
Security
Favourite Content