សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងទៅតាមប្រភពពី Mint បានបង្ហាញថា តម្លៃប្រេងបានឡើងថ្លៃបន្តិច ខណៈអ្នកវិនិយោគមានការព្រួយបារម្ភលើការដំឡើងអត្រាការប្រាក់របស់ធនាគារកណ្តាល និងការធ្លាក់ចុះនៃបរិមាណប្រេងឆៅក្នុងស្តុករបស់សហរដ្ឋអាមេរិកប្រហែល ២,៤ លានបារ៉ែល។ ទីផ្សារតម្លៃប្រេងឆៅ Brent បានកើនឡើង ០,៤ ភាគរយ ឬ ៧៤,៣៤ ដុល្លារក្នុងមួយបារ៉ែល ខណៈដែលតម្លៃប្រេងឆៅ West Texas Intermediate (WTI) បានកើនឡើង ០,៤ ភាគរយ ឬ ៦៩,៨៦ ដុល្លារក្នុងមួយបារ៉ែល។
អនុប្រធានក្រុមហ៊ុនហិរញ្ញវត្ថុ BOK លោក Dennis Kisler បាននិយាយថា ពាណិជ្ជករប្រេងកំពុងមានការព្រួយបារម្ពទាំងការដំឡើងអត្រាការប្រាក់ និងកង្វះតម្រូវការប្រេង។ ទន្ទឹមនឹងនេះដែរ ប្រធានធនាគារកណ្តាលអាមេរិកលោក Jerome Powell មិនបានបដិសេធអំពីការដំឡើងអត្រាការប្រាក់នោះទេ ខណៈដែលប្រធានធនាគារកណ្តាលអឺរ៉ុបលោកស្រី Christine Lagarde ក៏បានរំពឹងទុកការឡើងអត្រាការប្រាក់អឺរ៉ូប្រាំបួនខែជាប់ៗគ្នានៅក្នុងខែកក្កដាផងដែរ។
មិនត្រឹមតែប៉ុណ្ណោះ ការប្រើប្រាស់ប្រេងនៅបណ្តាក្រុមហ៊ុនឧស្សាហកម្មនៅប្រទេសចិន ដែលជាអ្នកប្រើប្រាស់ប្រេងធំជាងគេទីពីររបស់ពិភពលោកនៅតែបន្តធ្លាក់ចុះ។ បញ្ហាមួយទៀតនោះ គឺការកាត់បន្ថយទិន្នផលរបស់អារ៉ាប៊ីសាអូឌីតនៅក្នុងខែកក្កដា ដោយធ្វើឱ្យពង្រឹងកិច្ចព្រមព្រៀងឲ្យកាន់តែស៊ីជម្រៅ និងទូលំទូលាយក្នុងចំណោមសមាជិកនៃអង្គការនៃប្រទេសនាំចេញប្រេង និងសម្ព័ន្ធមិត្តរបស់ខ្លួនរួមទាំងរុស្ស៊ី (OPEC+) ដើម្បីកំណត់ការផ្គត់ផ្គង់ដល់ឆ្នាំ ២០២៤។ យោងទៅតាមប្រភពដដែលបានបន្ថែមថា ការងើបឡើងវិញនៃសេដ្ឋកិច្ចចិនយឺតជាងការរំពឹងទុក ភាពធន់រឹងមាំនៃការនាំចេញប្រេងរបស់រុស្ស៊ី និងការព្រួយបារម្ភអំពីការធ្លាក់ចុះសេដ្ឋកិច្ចសកលបានបង្កើតជាបញ្ហារួមបញ្ចូលគ្នា ដែលជំរុញឲ្យតម្លៃប្រេងឡើងថ្លៃ៕
Account
Security
Favourite Content