សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
(កោះកុង)៖ ក្នុងឱកាសដឹកនាំធ្វើយុទ្ធនាការអន្ទាក់សូន្យនៅខេត្តកោះកុងកាលពីថ្ងៃទី១៦ ខែឧសភា ឆ្នាំ២០២៣ កន្លងទៅ អ្នកនាំពាក្យរបស់ក្រសួងបរិស្ថានបានលើកឡើងអំពីកត្តាសន្តិភាព ដែលជាមូលហេតុចម្បងនាំឲ្យមានលទ្ធភាពក្នុងការការពារធនធានធម្មជាតិ។
ឯកឧត្តម នេត្រ ភក្រ្តា រដ្ឋលេខាធិកា និងជាអ្នកនាំពាក្យក្រសួងបរិស្ថានបានមានប្រសាសន៍ថា រាជរដ្ឋាភិបាលកម្ពុជា តាមរយៈក្រសួងបរិស្ថាន ក្រសួងកសិកម្ម រុក្ខាប្រមាញ់ និងនេសាទ អង្គការដៃគូ បានខិតខំប្រឹងប្រែងនៅក្នុងកិច្ចការពារដោយការអនុវត្តន៍ច្បាប់ គឺជាផ្នែកមួយដើម្បីការពារព្រៃ ហើយបើការពារព្រៃបាន និងមានប្រយោជន៍ទៅដល់ការលក់ឥណទានកាបូន។ ក្នុងនោះ ឯកឧត្តមក៏បានរំលេចឡើងវិញពីអតីតកាល គឺកម្ពុជាកាប់ឈើលក់យកលុយ ប៉ុន្តែសម័យសន្តិភាពនេះ គឺជាដំណាក់កាលកម្ពុជាបានឈានមកដល់កម្រិតថ្មីនៃការថែរក្សាព្រៃឈើដើម្បីរកចំណូលពីការលក់ឥណទានកាបូន។
ឯកឧត្តមបានបន្តថា ៖
“កម្ពុជារបស់យើង បើគិតមកដល់ឆ្នាំ២០២៣នេះ យើងមានសុខសន្តិភាពជាង២៤ឆ្នាំមកហើយ ក្រោមដំបូលនៃសុខសន្តិភាពនេះបានអនុញ្ញាតឱ្យយើងមានពេលវេលា ធនធានគ្រប់គ្រាន់ដើម្បីគិតគូរពីប្រទេសជាតិរបស់យើង ដោយសារកត្តាសុខសន្តិភាពនេះហើយដែលយើងអាចធ្វើអ្វីៗបាន ពីព្រោះថាយើងមិនអាចគិតគូរអំពីការអភិរក្សព្រៃឈើ ធនធានធម្មជាតិ សត្វព្រៃ នៅពេលដែលយើងកំពុងតែមានសង្គ្រាមនោះទេ។ យើងក៏មិនអាចអភិវឌ្ឍន៍ប្រទេសយើងបាននៅក្រោមគ្រាប់កាំភ្លើងដែរ។”
យ៉ាងណាមិញ ខេត្តកោះកុង ក៏ជាខេត្តមួយដែលទទួលបានការអនុវត្តន៍គម្រោងរ៉េដបូកផងដែរ។ ជួរភ្នំក្រវាញខាងត្បូងនាខេត្តកោះកុង ស្ថិតនៅក្នុងគម្រោង៣ នៃគម្រោងដែលកម្ពុជាបានលក់ ខណៈគម្រោងទាំង៣នេះរួមមាន៖ កែវសីមា, គម្រោងព្រៃឡង់ និងគម្រោងជួរភ្នំក្រវាញខាងត្បូង។ កម្ពុជា មានមហិច្ចតា ពង្រីកផ្ទៃដីលក់ឥណទានកាបូន ឱ្យបាន២.៤លានហិកតា ខណៈបច្ចុប្បន្ននេះ កម្ពុជាមានផ្ទៃដីជាង ១.៤លានហិកតា ត្រូវបានលក់ឥណទានកាបូនលើទីផ្សារស្ម័គ្រចិត្ត។
គួរបញ្ជាក់ថា ចាប់ពីឆ្នាំ២០១៦កន្លងមក ក្រសួងបរិស្ថានបានរៀបចំ និងកំពុងអនុវត្តគម្រោងរេដបូកចំនួន៣ រួមមាន៖ គម្រោងរេដបូកកែវសីមា គម្រោងរេដបូកក្រវាញខាងត្បូង និងគម្រោងរេដបូកព្រៃឡង់។ គម្រោងរេដបូកទាំង៣ ខាងលើនេះ កន្លងមកបានទទួលថវិកាពីការលក់ឥណទានកាបូន ចំនួនប្រមាណ ១១,៦លានដុល្លារអាមេរិក ដែលថវិកាទាំងនេះត្រូវបានបែងចែកដល់សហគមន៍មូលដ្ឋាន៕
Account
Security
Favourite Content