សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ភ្នំពេញ ៖ នាថ្ងៃទី ១៣ ខែមិថុនា ឆ្នាំ២០២៤ នេះ សម្ដេចធីបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីប្រគល់សញ្ញាបត្រជូនដល់និស្សិតនៃសាកលវិទ្យាល័យ លីមកុងវីង ដោយក្នុងឱកាសនេះ សម្ដេចបានរំលេចផងដែរអំពីមហិច្ឆិតារបស់កម្ពុជា ក្នុងការក្លាយខ្លួនជាប្រទេសដែលមានចំណូលខ្ពស់នៅរយៈពេល ២៥ឆ្នាំខាងមុខ។

ជាគោលការណ៍យោគយល់ កាលណាប្រទេសមួយមានការអភិវឌ្ឍតិចតួច ប្រទេសនោះនឹងទទួលបានជំនួយនានាពីប្រទេសអភិវឌ្ឍន៍ ហើយនឹងអាចទទួលបានកម្ចីមកអភិវឌ្ឍន៍ប្រទេសក្នុងអាត្រាការប្រាក់ទាបជាដើម។ ដោយឡែកសម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់នៅរវាង៥ឆ្នាំខាងមុខនេះ។

បើតាមប្រសាសន៍របស់សម្ដេចធិបតីបានបញ្ជាក់ថា បើទោះបីជា ការស្ថិតក្នុងស្ថានភាពប្រទេសដែល​មានការ​អភិវឌ្ឍតិចតួច អាចទទួលបានការអនុគ្រោះច្រើនពីអន្តរជាតិក្ដី តែកម្ពុជាត្រូវតែរៀនរស់ដោយខ្លួនឯង។

សម្ដេចបានថ្លែងយ៉ាងដូច្នេះថា៖

«ហេតុអីយើងមិននៅជាប្រទេសអភិវឌ្ឍន៍តិចទៅ ដើម្បីរក្សា​ជំនួយទាំងនោះ? យើងមិនអាចពឹងជំនួយរបស់គេទេ យើងត្រូវការរស់ខ្លួនឯងទើបមានចីរភាព និងខ្លាំង។»

សម្ដេចនាយករដ្ឋមន្ត្រីបានបន្តមានប្រសាសន៍ទៀតថា បើរស់ដោយសារគេអនុគ្រោះត្រឹមតែកម្ចី​ដែលមានការប្រាក់ទាប ​ហើយមិនប្រឹងអភិវឌ្ឍន៍ខ្លួនឯង នោះនឹងនៅតែពឹងគេមួយជីវិត។ តែបើពង្រឹងខ្លួនឯង ហើយដាក់ទិសដៅដើម្បីក្លាយជាប្រទេសមានចំណូលខ្ពស់ ២០៥០ មិនត្រឹមតែចាកចេញពីប្រទេសដែលក្រីក្រ និងអភិវឌ្ឍន៍តិចនោះទេ ប៉ុន្តែក្លាយជាប្រទេសអ្នកមានដែលហ៊ានប្រកួតជាមួយគេ។

សម្ដេចបានបញ្ជាក់ថា ៖

«ការណ៍នេះគឺធានាបាននូវឯករាជ្យ ហើយពាក្យថាឯករាជ្យគឺត្រូវតែប្រឹងខ្លួនឯង រស់ខ្លួនឯង មិនត្រូវពឹងការ អនុគ្រោះ យោគយល់ពីភាគីណា ពោលគឺប្រកួតស្មើគ្នាជាមួយប្រទេសទាំងអស់។ មិនអាចពឹងគេ ដើម្បីរស់បានទេ ពឹងនៅពេលយើងទន់ខ្សោយ តែពឹងក្នុងទិសដៅដែលយកមកពង្រឹងខ្លួនឯង​រយៈពេលវែង»។

គួរបញ្ជាក់ផងដែរថា ក្នុង​រយៈពេល​ប្រមាណ​ ២៥ ​ឆ្នាំ​ទៅមុខទៀត គោលដៅ​នៅ​ឆ្នាំ​២០៥០ ​ដែល​រាជរដ្ឋាភិបាល​បាន​​ដាក់ចេញ​ជា​ប្រទេស​មាន​ចំណូល​កម្រិត​ខ្ពស់ នឹង​ឈាន​មកដល់ គឺ​កម្ពុជា​ឆ្នាំ​២០៥០ ​ជា​ប្រទេស​ដែលមាន​សេដ្ឋកិច្ច​ធន់ រឹងមាំ​ និង​បរិ​យាប​ន្ន​។​ ដូច្នេះ ​ដើម្បីសម្រេចបាននូវគោលដៅនេះ រាជរដ្ឋាភិបាល​កម្ពុជា​បាន​ដាក់ចេញ​ផែនការ​យុទ្ធសាស្ត្រ​ដោយ​កំណត់​ចក្ខុវិស័យ​ជំរុញសេដ្ឋកិច្ចកម្ពុជា តាមរយៈការអភិវឌ្ឍវិស័យសំខាន់ៗ។

​ទាក់ទិននឹងចំណុចនេះ ឯកឧត្តម ប៉ែន បូណា អ្នកនាំពាក្យរដ្ឋាភិបាល ធ្លាប់បានមានប្រសាសន៍ថា ពាក្យ​ថា​ចំណូល​ខ្ពស់​នេះ​មិនមែន​ត្រឹមតែ​គិតតែ ១​ ជ្រុង​រឿង​ចំណូល​ទេ។ ជ្រុង​សេដ្ឋកិច្ច​ទី​ ១ ​គឺ​ប្រជាពលរដ្ឋ ឬក៏​សេដ្ឋកិច្ចជាតិ​មាន​ចំណូល​ខ្ពស់ ប៉ុន្តែ​ត្រូវតែ​ជា​សេដ្ឋកិច្ច​មួយ​ដែលមាន​ភាព​ធន់ រឹងមាំ ហើយ​នឹង​បរិ​យាប​ន្ន​ ដែលភាព​​ធន់​ត្រង់នេះចង់សំដៅទៅលើ ​សេដ្ឋកិច្ច​ដែល​មិន​ងាយ​មាន​អ្វី​មក​ប៉ះធ្វើឱ្យ​រង្គើ​បាន។ ​រីឯជ្រុង​នយោបាយ​វិញ អ្វីដែល​រាជរដ្ឋាភិបាល​គ្រោង​ទៅដល់​ឆ្នាំ២០៥០​ គឺ​កម្ពុជា​ជា​រដ្ឋ​មួយ​ដែល​រឹងប៉ឹង មាន​សុខសន្តិភាព ​ស្ថិរភាព​នយោបាយ នីតិរដ្ឋ មាន​យុត្តិធម៌​សង្គម ជា​រដ្ឋ​ឯករាជ្យ ម្ចាស់ការ អធិបតេយ្យភាព បូរ​ណ​ភាព​ទឹកដី មាន​កិត្យានុភាព​ខ្ពស់​នៅលើ​ឆាក​អន្តរជាតិ​ ហើយស្មើមុខ​គេឯង​នៅលើ​ឆាក​អន្តរ​​ជាតិ​​។

ឯកឧត្តមបានបន្តថា ចំពោះ​ជ្រុង​សង្គមកិច្ច​វិញ​ គឺ​កម្ពុជា​គឺជា​ប្រទេសមួយ​ដែល​ប្រជាពលរដ្ឋ​គ្រប់រូប​ទទួលបាន​ការ​គាំ​ពារ​ពី​សង្គម​គ្រប់បែបយ៉ាង​ទាំង​​អស់​នៅពេលដែល​ពួកគេជួបបញ្ហាក្នុងការរស់នៅ។ ​ចំណែកជុំវិញ​ជ្រុង​បរិស្ថាន​វិញ​ កម្ពុជា​ឆ្នាំ​ ២០២៥​ ជា​ប្រទេសមួយ​ដែលមាន​បរិយាកាស​ល្អ​ដែលមាន​បរិស្ថាន​បៃតង និង​ការ​​អភិវឌ្ឍ​បៃតង​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល