សម្ដេចធិបតី ៖ បារាំង នៅតែជាដៃគូពាណិជ្ជកម្មដ៏ធំមួយរបស់កម្ពុជាក្នុងចំណោម​ប្រទេសនៅប៉ែកអ៉ឺរ៉ុប

នាឱកាសក្នុងពិធីបើកវេទិកាធុរកិច្ច បារាំង-កម្ពុជា ថ្ងៃទី៨ ខែកក្កដា ឆ្នាំ២០២៤នេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានលើកឡើងអំពីភាពសំខាន់របស់បារាំងក្នុងនាមជាដៃគូពាណិជ្ជកម្ម និងវិនិយោគរបស់កម្ពុជា។

ជាមួយគ្នានោះដែរ សម្ដេចបានរំលឹកអំពីដំណើរទស្សនៈកិច្ចទៅកាន់ប្រទេសបារាំងកាលពីដើមឆ្នាំ​២០២៤ ដោយត្រឡប់មកវិញជាមួយលទ្ធផលផ្លែផ្កាជាច្រើន។ ក្នុងនោះ លទ្ធផលដ៏សំខាន់មួយ​គឺការ​ព្រមព្រៀង​ដំឡើងកម្រិតនៃទំនាក់ទំនងទ្វេភាគីសំដៅសម្រេចបាននូវភាពជាដៃគូយុទ្ធសាស្ត្រ។

យោងតាមប្រសាសន៍របស់សម្ដេច ភាពជាដៃគូយុទ្ធសាស្ត្រនេះនឹងធ្វើឱ្យទំនាក់ទំនងរវាង​ប្រទេសទាំងពីរកាន់តែស៊ីជម្រៅលើគ្រប់វិស័យ រាប់ចាប់ពីកិច្ចការសហការនយោបាយ រហូតដល់កិច្ចការសហការសេដ្ឋកិច្ច។

ថ្លែងក្នុងឱកាសខាងលើ សម្ដេចធិបតីបានគូសបញ្ជាក់ថា ៖

«ពាក់ព័ន្ធនឹងកិច្ចសហការសេដ្ឋកិច្ច ​បារាំងនៅតែជាដៃគូ​ពាណិជ្ជកម្ម និងវិនិយោគដ៏ធំមួយរបស់កម្ពុជាក្នុងចំណោមប្រទេសអ៉ឺរ៉ុប។ ពាណិជ្ជកម្មទ្វេភាគី​បានកើនឡើងជាលំដាប់ ដែលមានទំហំទឹកប្រាក់ ៥១៥,២១លានដុល្លារ ក្នុងឆ្នាំ២០២៣ និង ២០៦,៤១ លានដុល្លារក្នុងរយៈពេល៥ខែ ឆ្នាំ២០២៤»។

សម្ដេចបានបន្តមានប្រសាសន៍ផងដែរថា ក្រៅពីទំនាក់ទំនងពាណិជ្ជកម្មទៅ បារាំង តាមរយៈ​ភ្នាក់ងារអភិវឌ្ឍន៍បារាំង ក៏បានផ្ដល់ជំនួយបន្ថែមទៀតដល់កម្ពុជាលើវិស័យអាទិភាពចំនួន៣ គឺទឹកស្អាត ថាមពល និងការបណ្ដុះបណ្ដាលវិជ្ជាជីវៈ ក្នុងទំហំទឹកប្រាក់សរុប ២១៥លានអ៉ឺរូ ដើម្បីគាំទ្រដល់ការវិនិយោគ​របស់​កម្ពុជាទៅជាសេដ្ឋកិច្ចរីកលូតលាស់ប្រកបដោយចីរភាព បរិយាបន្ន ស្របតាមយុទ្ធសាស្ត្រ​បញ្ចកោណ​ដំណាក់កាលទី១ របស់រាជរដ្ឋាភិបាលកម្ពុជា។

គួរបញ្ជាក់ផងដែរថា ក្រុមហ៊ុនបារាំងជាច្រើន ដោយរាប់តាំងពីសហគ្រាសពហុជាតិ រហូតដល់​សហគ្រាស​ធុនតូច និងមធ្យម បានបង្កើតមូលដ្ឋាននៅកម្ពុជា ដូចជា ក្រុមហ៊ុន Total Energy,​ ធនាគារ Bred Bank និងសហគ្រាសធុនតូច និងមធ្យមជាច្រើនទៀតដែលគ្រប់គ្រងដោយធុរជនបារាំង។

ការវិនិយោគពីបារាំងកន្លងមកនេះបានរួមចំណែកយ៉ាងសំខាន់ដល់ការបង្កើតការងារ ការផ្ទេរជំនាញ និងការអភិវឌ្ឍហេដ្ឋារចនា​សម្ព័ន្ធដែលបង្កើតជាមូលដ្ឋានគ្រឹះ សម្រាប់កំណើនសេដ្ឋកិច្ចប្រកប​ដោយចីរភាពនៅកម្ពុជា៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ

ការិយាល័យជួល ​ទំហំ​ជិត​២០ម៉ឺន​ម៉ែត្រការ៉េ​បន្ថែមទៀត រំពឹងចាក់​បញ្ចូល​ក្នុងទីផ្សារ​​​ក្នុងឆ្នាំ២០២៤​នេះ

ព្រឹត្តិការណ៍, អចលនទ្រព្យ

• 24/07/2024

កំណើននៃ​តម្រូវការ​និងការ​ផ្គត់ផ្គង់ការិយាល័យ​ក្នុង​រាជធានីភ្នំពេញ បានកើន​ឡើងជា​បន្តបន្ទាប់​​ក្រោយ​វិបត្តិកូវីដ​១៩ ដោយ​សហគ្រិន​ឬម្ចាស់​ក្រុមហ៊ុន​ជាច្រើន​ បាន​ផ្លាស់....

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុតកំពុងឈរឈ្មោះជាបេក្ខភាពប្រធានាធិបតី

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុត ប្រែពីអាជីពមេធាវីក្លាយជាបេក្ខភាពប្រធានាធិបតី

NBC ៖ ទុនបម្រុងអន្តរជាតិរបស់កម្ពុជាមានការប្រែប្រួលតិចតួចក្នុងឆមាសទី១ ឆ្នាំ២០២៤

ព្រឹត្តិការណ៍, ហិរញ្ញវត្ថុ

• 24/07/2024

គិតត្រឹមឆមាសទី១ ឆ្នាំ២០២៤ កម្ពុជាមានទុនបម្រុងអន្តរជាតិ ២០ ប៊ីលានដុល្លារអាមេរិក

យុវជនចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

សិក្ខាកាមចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍លើជំនាញការិយាល័យជួរមុខ

រដ្ឋមន្ត្រីពាណិជ្ជកម្ម ជំរុញពង្រឹងគុណភាព និងសុវត្ថិភាពម្ហូបអាហារ ដើម្បីប្រកួតប្រជែង និងផ្គត់ផ្គង់ទីផ្សារ

ព្រឹត្តិការណ៍, សេដ្ឋកិច្ច

• 24/07/2024

រដ្ឋមន្ត្រីពាណិជ្ជកម្ម ជំរុញពង្រឹងគុណភាព សុវត្ថិភាពម្ហូបអាហារចាប់ពីកសិដ្ឋានដល់កន្លែងបរិភោគ

ក្រសួងរៀបចំដែនដីកំណត់ចក្ខុវិស័យលើការងារអាទិភាពចំនួន៣ ដើម្បីសម្រេចយុទ្ធសាស្ត្របញ្ចកោណ

ព្រឹត្តិការណ៍, អចលនទ្រព្យ

• 24/07/2024

យុទ្ធសាស្ត្របញ្ចកោណដំណាក់កាលទី១ នៅត្រង់បញ្ចកោណ​ទី៤ មុំទី៤ បានលើកឡើងអំពីការពង្រឹងលើការការគ្រប់គ្រង ធ្វើទំនើបកម្មនគរូបនីយកម្ម

ឯកអគ្គរដ្ឋទូតចិនប្រចាំនៅកម្ពុជា កំពុងជួយផ្សព្វផ្សាយលើកស្ទួយវិស័យទេសចរណ៍កម្ពុជាទៅកាន់ពិភពលោក

ព្រឹត្តិការណ៍, សេដ្ឋកិច្ច

• 24/07/2024

ជាជំហានវិជ្ជមានមួយរបស់ឯកឧត្តម ឯកអគ្គរដ្ឋទូតចិនដែលទើបតែងតាំងថ្មី ក្នុងការផ្សព្វផ្សាយវិស័យទេសចរណ៍របស់កម្ពុជា

អាជីវកម្មដាំដើមអម្ពិល បេះត្រួយលក់ អាចមានតម្លៃប្រមាណ ១៨០០០រៀល ទៅ ២០ ០០០ រៀល ក្នុងមួយគីឡូក្រាម

ជំនួញ, ព្រឹត្តិការណ៍

• 23/07/2024

មិនធម្មតា ទីផ្សារត្រួយអម្ពិលគេអាចលក់បានក្នុងចន្លោះពី ១៨០០០ - ២០០០០រៀលក្នុងមួយគីឡូក្រាម