សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបានរំលេចសារៈសំខាន់នៃអាកាសយានដ្ឋានអន្តរជាតិសៀមរាប-អង្គរ ចាប់តាំងពីដាក់ឱ្យដំណើរការលើកដំបូងតាំងពីថ្ងៃទី១៦ តុលា ឆ្នាំ២០២៣កន្លងមក ខណៈដែលមានសេចក្តីរាយការណ៍ជុំវិញការទទួលបានភ្ញៀវទេសចរមានចំនួនកើនឡើងគួរឱ្យកត់សម្គាល់។
សម្តេចធិបតីបានលើកឡើងកាលពីថ្ងៃទី៣១ ខែតុលាថា កាលានុវត្តភាពថ្មីនេះ នឹងក្លាយជាសក្តានុពលស្រូបទាញដ៏ខ្លាំងក្លា និងសំខាន់សម្រាប់វិស័យទេសចរណ៍ ក្នុងខេត្តសៀមរាប ព្រមទាំងជំរុញវិស័យទេសចរណ៍ទូទាំងប្រទេស ហើយការណ៍នេះនឹងអាចទាក់ទាញដល់វិនិយោគិន ក៏ដូចជាផ្តល់ប្រយោជន៍ដល់សេដ្ឋកិច្ចមូលដ្ឋានប្រជាពលរដ្ឋ។
សម្តេចធិបតី ហ៊ុន ម៉ាណែត បានមានប្រសាសន៍ថា៖ អាកាសយានដ្ឋានអន្តរជាតិសៀមរាបអង្គរ ដែលវិនិយោគដោយចិន នៅភាគពាយព្យនៃប្រទេសកម្ពុជា នឹងក្លាយជាកាតាលីករសម្រាប់កំណើនទេសចរណ៍ និងសេដ្ឋកិច្ចរបស់ប្រទេសកម្ពុជា។ វានឹងក្លាយទៅជាសក្តានុពលដ៏រឹងមាំ និងសំខាន់សម្រាប់វិស័យទេសចរណ៍ក្នុងខេត្តសៀមរាប ជាពិសេសសម្រាប់ឧស្សាហកម្មទេសចរណ៍ទាំងមូលក្នុងប្រទេសកម្ពុជា ហើយថែមទាំងអាចទាក់ទាញអ្នកវិនិយោគ ក៏ដូចជាផ្តល់អត្ថប្រយោជន៍សេដ្ឋកិច្ចដល់ប្រជាពលរដ្ឋក្នុងស្រុកផងដែរ។
អាកាសយានដ្ឋានអន្តរជាតិសៀមរាប-អង្គរ ដែលជាសមិទ្ធផលមួយនៃគំនិតផ្តួចផ្តើមផ្លូវ និងខ្សែក្រវាត់ បានចាប់ផ្តើមសាងសង់កាលពីខែមីនា ឆ្នាំ២០២០ ក្រោមទុនវិនិយោគប្រមាណ ១ពាន់លានដុល្លារអាមេរិក ដែលជាការវិនិយោគ BOT ក្នុងរយៈពេល ៥៥ឆ្នាំ។
ឯកឧត្តម ស៊ិន ច័ន្ទសិរីវុត្ថា អ្នកនាំពាក្យរដ្ឋលេខាធិការដ្ឋានអាកាសចរស៊ីវិលបានមានប្រសាសន៍ថា ជាមួយនឹងផ្លូវរត់ប្រវែង ៣៦០០ ម៉ែត្រអាកាសយានដ្ឋានអន្តរជាតិសៀមរាបអង្គរអាចផ្ទុកជើងហោះហើរចម្ងាយឆ្ងាយពីជុំវិញពិភពលោក។
ឯកឧត្តម បានបញ្ជាក់ថា អាកាសយានដ្ឋានអន្តរជាតិសៀមរាបអង្គរគឺជាផ្លែផ្កានៃកិច្ចសហប្រតិបត្តិការជិតស្និទ្ធរវាងកម្ពុជា និងចិន ក្រោមគំនិតផ្តួចផ្តើមខ្សែក្រវ៉ាត់ និងផ្លូវ ហើយសង្ឃឹមថា អាកាសយានដ្ឋាននេះនឹងទាក់ទាញក្រុមហ៊ុនអាកាសចរណ៍អន្តរជាតិថ្មីៗ ដើម្បីធ្វើប្រតិបត្តិការជើងហោះហើរត្រង់ទៅកាន់ខេត្តសៀមរាប។
តាមរបាយការណ៍របស់សហគ្រាសអង្គររដ្ឋ បានបង្ហាញកាលពីថ្ងៃទី១ ខែវិច្ឆិកា ថា ឧទ្យានបុរាណអង្គរដ៏ល្បីរបស់កម្ពុជាបានលក់សំបុត្រចូលទស្សនាដល់ភ្ញៀវទេសចរបរទេសចំនួន ៦០២ ៥៧០ នាក់ក្នុងរយៈពេល១០ខែកន្លងមកនេះ ដែលចំនួននេះ បានកើនឡើង ២៥៥ ភាគរយ ធៀបនឹងរយៈពេលដូចគ្នាកាលពីឆ្នាំ២០២២។
របាយការណ៍ដដែលបានបញ្ជាក់ថា សម្រាប់ខែតុលាតែមួយ ឧទ្យានបុរាណវត្ថុអង្គរបានទាក់ទាញភ្ញៀវបរទេសចំនួន ៦៣ ០០៩ នាក់ ដែលរកប្រាក់ចំណូលបាន ២,៩ លានដុល្លារអាមេរិកពីការលក់សំបុត្រ ។ សម្រាប់តម្លៃចូលទស្សនាឧទ្យានរយៈពេលមួយថ្ងៃគឺ ៣៧ ដុល្លារអាមេរិក ការចូលទស្សនារយៈពេល៣ថ្ងៃ មានតម្លៃ ៦២ ដុល្លារ និងការទស្សនារយៈពេលមួយសប្តាហ៍ ៧២ ដុល្លារ។
វិស័យទេសចរណ៍គឺជាសសរស្តម្ភសំខាន់មួយក្នុងចំណោមសសរស្តម្ភទាំងបួន ដែលជួយដល់សេដ្ឋកិច្ចរបស់កម្ពុជា។ នៅឆ្នាំ២០២២ ព្រះរាជាណាចក្រកម្ពុជាបានកត់ត្រាភ្ញៀវទេសចរអន្តរជាតិចំនួន ២,២ លាននាក់ កើនឡើង ១១ ភាគរយ ធៀបនឹងឆ្នាំមុន។
សូមបញ្ជាក់ដែរថា អាកាសយានដ្ឋានអន្តរជាតិសៀមរាប-អង្គរ គឺជាព្រលានយន្តហោះដែលអាចទទួលចុះចតនូវយន្តហោះប្រភេទធុនធំប៊ូអ៊ីង Boeing747 និង Airbus A340 និងអាចមានលទ្ធភាពទទួលអ្នកដំណើរចំនួន ៧លាននាក់ ក្នុងមួយឆ្នាំ ចាប់ពីឆ្នាំ២០២៤ និងរហូតដល់១២ លាននាក់ក្នុងមួយឆ្នាំចាប់ពីឆ្នាំ២០៤០។ ស្ថិតក្នុងស្រុកសូទ្រនិគម ក្នុងខេត្តសៀមរាប អាកាសយានដ្ឋានអន្តរជាតិកម្រិត 4E គ្របដណ្តប់លើផ្ទៃដី ៧០០ ហិកតា បានចាប់ផ្តើមប្រតិបត្តិការពាណិជ្ជកម្មរបស់ខ្លួននៅថ្ងៃទី១៦ ខែតុលា ឆ្នាំ២០២៣ ៕
Account
Security
Favourite Content