សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គម្រោងខ្សែក្រវាត់មួយផ្លូវមួយរបស់ចិន បាន និងកំពុងផ្ដល់អត្ថប្រយោជន៍ជាច្រើនដល់ប្រទេសជាច្រើនក្នុងតំបន់អាស៊ាន និងអាស៊ី ក្នុងនោះក៏មានកម្ពុជាដែរ ជាក់ស្ដែងតាមរយៈគម្រោងខ្សែក្រវាត់មួយផ្លូវមួយរបស់ចិនបានធ្វើតំបន់សេដ្ឋកិច្ចពិសេសក្រុងព្រះសីហនុ បានក្លាយជាតំបន់សេដ្ឋកិច្ចពិសេសជាងគេ និងប្រមូលផ្ដុំដោយអ្នកវិនិយោគធំៗ។
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានមានប្រសាសន៍កាលពីពេលកន្លងទៅថ្មីៗនេះថា តំបន់សេដ្ឋកិច្ចពិសេសខេត្តព្រះសីហនុកំពុងក្លាយជាតំបន់សេដ្ឋកិច្ចពិសេសដែលធំជាងគេ និងប្រមូលផ្ដុំអ្នកវិនិយោគដ៏ធំ។
សម្ដេចបានបញ្ជាក់ថា គម្រោងវិនិយោគដែលកម្ពុជាទទួលបាននេះ វាស្ថិតនៅក្នុងកិច្ចសហប្រតិបត្តិនៃគំនិតផ្ដួចផ្ដើមខ្សែក្រវាត់ និងផ្លូវ ដែលបណ្ដាប្រទេសអាស៊ាន ភាគច្រើន ក្នុងនោះក៏មានកម្ពុជាបានទទួលផលពីគម្រោងវិនិយោគនេះ។ ជាក់ស្ដែងព្រលានយន្តហោះដ៏ធំនៅសៀមរាបដែលបន្តិចទៀតនឹងដាក់ដំណើរការ ដែលនឹងអាចអនុញ្ញាតឱ្យយន្តហោះខ្នាតធំៗចុះចតបាន ហើយនឹងគម្រោងផ្លូវល្បឿនលឿនភ្នំពេញនៅកម្ពុជាក៏ជាលទ្ធផលនៃគំនិតផ្ដួចផ្ដើមខ្សែក្រវាត់ និងផ្លូវដែរ ដែលជាការវិនិយោគរបស់ចិន១០០ភាគរយ ។
ពាក់ព័នធនឹងតំបន់សេដ្ឋកិច្ចពិសេសខេត្តព្រះសីហនុនេះដែរ ឯកឧត្តម លូ គឹមឈន់ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃកំពង់ផែស្វយ័តក្រុងព្រះសីហនុបានលើកឡើងថា ក្រុងព្រះសីហនុបាន និងកំពុងក្លាយជាចំណាប់អារម្មណ៍លើការវិនិយោគពីសំណាក់បណ្ដាវិនិយោគិនជាច្រើន ក្នុងនោះដែរក្រុមហ៊ុនដ៏ធំរបស់ជប៉ុន Aeon ក៏គ្រោងនឹងបង្កើតមជ្ឈមណ្ឌលស្តុកទំនិញដ៏ធំមួយនៅក្នុងតំបន់សេដ្ឋកិច្ចពិសេសក្នុងខេត្តព្រះសីហនុ ហើយអនាគតគេជឿថាផ្សារទំនើបអ៊ីអនម៉លក៏នឹងមានវត្តមានក្នុងខេត្តព្រះសីហនុដែរ ។
ឯកឧត្តមបន្តថា ខេត្តព្រះសីហនុមានផ្លូវល្បឿនលឿន មានផ្លូវរថភ្លើង មានខ្សែនៅក្នុងក្រុងជាច្រើនខ្វាត់ខ្វែង សុទ្ធតែជាសក្ដានុពលក្នុងការទាក់ទាញដល់ការវិនិយោគនានាទាំងក្នុង និងក្រៅប្រទេសមកកាន់ទឹកដីនៃតំបន់សមុទ្រមួយនេះ ៕
Account
Security
Favourite Content