សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កូរ៉េខាងត្បូង គឺជាមហាអំណាចសេដ្ឋកិច្ចដ៏ខ្លាំងមួយក្នុងតំបន់ និងពិភពលោក ទាំងពាណិជ្ជកម្ម ការវិនិយោគ ទេសចរណ៍ និងវិស័យជាច្រើនផ្សេងទៀត បូករួមទាំងហេដ្ឋារចនាសម្ព័ន្ធទំនើប ប៉ុន្តែប៉ុន្មានទសវត្សរ៍ចុងក្រោយនេះ ប្រទេសអាស៊ីមួយបានទទួលរងផលប៉ះពាល់ដោយសារជំនន់ទឹកភ្លៀងជាច្រើនដងដែលបានបណ្តាលឲ្យពលរដ្ឋជាច្រើនបាត់បង់ជីវិត និងប៉ះពាល់ដល់សេដ្ឋកិច្ចជាតិរាប់រយលានដុល្លារផងដែរ។
រយៈពេលប៉ុន្មានថ្ងៃចុងក្រោយមកនេះ ពលរដ្ឋកូរ៉េខាងត្បូងដែលបានបាត់បង់ជីវិតដោយសារជំនន់ទឹកភ្លៀងដ៏អាក្រក់បំផុតមួយមិនធ្លាប់មានក្នុងរយៈពេល១ទសវត្សរ៍ចុងក្រោយនេះដែលចំនួនបានកើនឡើងទៅដល់៤១នាក់ និងច្រើននាក់ទៀតបាត់ខ្លួន ខណៈដែលមនុស្សរាប់ពាន់នាក់ទៀតត្រូវបង្ខំឲ្យជន្លៀសខ្លួនចេញពីផ្ទះសំបែង។
នៅក្រោយគ្រោះមហន្តរាយដ៏អាក្រក់មួយនេះវាបានធ្វើឲ្យឱ្យប្រធានាធិបតីរបស់ប្រទេសកូរ៉េខាងត្បូង លោក Yoon Suk Yeol បានចេញសារព្រមានថា វិបត្តិអាកាសធាតុពិតជានឹងអាចបន្តធ្វើឱ្យមានគ្រោះធ្ងន់ធ្ងរផ្សេងទៀត ហើយយើងនឹងបន្តរស់នៅបែបនេះជាផ្នែកមួយនៃជីវិតរបស់យើងជាមិនខាន។ គ្រោះធម្មជាតិអាក្រក់បែបនេះនឹងក្លាយទៅជារឿងធម្មតាសម្រាប់យើងគ្រប់គ្នាហើយយើងត្រូវទទួលយកបញ្ហាបម្រែបម្រួលអាកាសធាតុដែលកំពុងកើតឡើងនេះទាំងអស់គ្នា ប៉ុន្តែចាំបាច់ត្រូវតែចូលរួមដោះស្រាយវាជាមួយគ្នាដែរ។
យោងតាមឯកសារស្រាវជ្រាវមួយចំនួនបានបង្ហាញថា កូរ៉េខាងត្បូងបានទទួលរងនូវការវាយប្រហារដោយគ្រោះជំនន់ទឹកភ្លៀងបែបនេះជាច្រើនដងមកហើយចាប់តាំងតែពីទសវត្សរ៍ឆ្នាំ១៩៨០មកម្ល៉េះ។
ឆ្នាំ១៩៨៧ព្យុះ Typhoon Thelma បានបង្កជាទឹកជំនន់សម្លាប់ពលរដ្ឋ១២៣នាក់ និងបង្កការខូចខាតធ្ងន់ធ្ងរគិតជាសេដ្ឋកិច្ចទំហំដល់ទៅ២៧២លានដុល្លារ។ ឆ្នាំ២០០២ព្យុះ Typhoon Rusa បានបង្កជាទឹកភ្លៀងជំនន់ពេញប្រទេស និងក្លាយជាព្រឹត្តិការណ៍គ្រោះធម្មជាតិដ៏អាក្រក់បំផុតរយៈពេល៤៣ឆ្នាំចុងក្រោយរបស់ប្រទេស។ នៅឆ្នាំ២០១១ ទឹកជំនន់នៅទីក្រុងសេអ៊ូលបានសម្លាប់មនុស្ស៦៩នាក់ និងធ្វើឲ្យខូចខាតសេដ្ឋកិច្ចរាប់រយលានដុល្លារ ហើយនៅឆ្នាំ២០១៤ទឹកជំនន់ដែលបានកើតឡើងនៅក្នុងសីហាបានសម្លាប់មនុស្សយ៉ាងហោចណាស់៥នាក់។
ដោយឡែក នៅដើមទសវត្សរ៍ឆ្នាំ២០២០វិញកូរ៉េខាងត្បូងបានទទួលរងគ្រោះធម្មជាតិនេះចំនួន៣ដងមកហើយដូចជាកាលពីពាក់កណ្តាលខែសីហាឆ្នាំ២០២០ និងខែសីហា ឆ្នាំ២០២២ ដែលដោយសារកម្រិតទឺកភ្លៀងខ្លាំងដល់ទៅ ១០០ ទៅ ៣០០មីលីម៉ែត្រក្នុងមួយថ្ងៃបានបណ្តាលតំបន់ទីក្រុងជាច្រើនជន់លិចស្ទើរគ្រប់ទីកន្លែង ខណៈដែលចុងក្រោយនេះកាលពីប៉ុន្មានថ្ងៃមុនដែលមានចំនួនមនុស្សស្លាប់ និងបាត់ខ្លួនកើនទៅដល់ជិត៥០នាក់៕
Account
Security
Favourite Content