សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី The Nation បានរាយការណ៍ថា ប្រទេសថៃជាប់ចំណាត់ថ្នាក់ទី២ នៅក្នុងសន្ទស្សន៍ហានិភ័យពីការដាក់ពន្ធរបស់ Donald Trump ដោយសារតែអតិរេកពាណិជ្ជកម្មរបស់ខ្លួនជាមួយនឹងសហរដ្ឋអាមេរិក និងការចំណាយលើវិស័យការពារជាតិទាប។
វិទ្យាស្ថានព័ត៌មានច្នៃប្រឌិត និងបច្ចេកវិទ្យា (ITIF) បានចេញផ្សាយចំណាត់ថ្នាក់នៃសន្ទស្សន៍ហានិភ័យពីការដាក់ពន្ធរបស់ Donald Trump ដោយវាយតម្លៃលើហានិភ័យដែលប្រទេស និងដែនដីចំនួន ៣៩ ជាសម្ព័ន្ធមិត្តរបស់សហរដ្ឋអាម៉េរិក នឹងប្រឈមមុខក្រោមការដឹកនាំរបស់ Trump ។ បន្ទាប់ពីម៉ិចស៊ិក ប្រទេសថៃបានក្លាយជាប្រទេសទី២ ដែលប្រឈមនឹងហានិភ័យខ្ពស់បំផុត ហើយក៏ជាប្រទេសអាស៊ីតែមួយគត់ក្នុងចំណោមប្រទេសហានិភ័យកំពូលទាំង ១០ ផងដែរ។ របាយការណ៍នេះបានគូសបញ្ជាក់ពីប្រទេសដែលមានហានិភ័យខ្ពស់បំផុតចំនួន ៥ រួមមាន ម៉ិចស៊ិក ថៃ ស្លូវេនី អូទ្រីស និងកាណាដា ក្រោមហេតុផលដូចគ្នាគឺ ការចំណាយលើវិស័យការពារជាតិទាប និងអតិរេកពាណិជ្ជកម្មច្រើនជាមួយនឹងសហរដ្ឋអាមេរិក។ នេះមានន័យថា ការចំណាយរបស់ប្រទេសទាំងនេះលើវិស័យការពារជាតិគឺតិចជាងមធ្យមភាគនៃ GDP របស់ពួកគេ ដែលសហរដ្ឋអាម៉េរិកអាចយល់ថា ពួកគេខ្វះការរួមចំណែកដល់កិច្ចខិតខំប្រឹងប្រែងសន្តិសុខពិភពលោក ជាពិសេសនៅក្នុងសម្ព័ន្ធភាពដូចជាអង្គការណាតូ ឬភាពជាដៃគូផ្សេងទៀត។ បន្ថែមពីនេះ ប្រទេសទាំងនេះមានអតិរេកពាណិជ្ជកម្មច្រើន ដែលមានន័យថាពួកគេនាំចេញទៅសហរដ្ឋអាមេរិកច្រើនជាងការនាំចូល ហើយអតុល្យភាពពាណិជ្ជកម្មនេះជារឿយៗត្រូវបានរិះគន់ដោយអ្នកបង្កើតគោលនយោបាយរបស់សហរដ្ឋអាម៉េរិកថាមានភាពអយុត្តិធម៌ ឬជាការធ្វើឱ្យប៉ះពាល់ដល់ឧស្សាហកម្ម និងវិស័យការងាររបស់អាម៉េរិក។
ម៉ិចស៊ិក និងថៃ មានអតិរេកពាណិជ្ជកម្មធំបំផុតជាមួយអាមេរិក។ បញ្ហាមួយទៀតគឺថា ប្រទេសទាំងនេះហាក់ដូចជាស្ទាក់ស្ទើរក្នុងការក្លាយជាសម្ព័ន្នមិត្តយ៉ាងពេញលេញជាមួយសហរដ្ឋអាម៉េរិក ដើម្បីប្រឆាំងនឹងការកើនឡើងនៃឥទ្ធិពលរបស់ចិននៅក្នុងវិស័យសេដ្ឋកិច្ច ការទូត និងបច្ចេកវិទ្យាយោធា។ ពិន្ទុហានិភ័យសម្រាប់ប្រទេសថៃត្រូវបានជំរុញជាចម្បងដោយអតិរេកពាណិជ្ជកម្មមានពិន្ទុ -១,៨៩ និងការចំណាយលើវិស័យការពារជាតិនៅ -១.១៤ ជាមួយនឹងពិន្ទុ ០,៤៧ សម្រាប់របាំងប្រឆាំងនឹងសហរដ្ឋអាមេរិក និង ០,៤៨ សម្រាប់ជំហររបស់ខ្លួនលើការប្រឆាំងប្រទេសចិន។ ជាលទ្ធផល ថៃ មានពិន្ទុហានិភ័យសរុប ៣,៩៨ និងជាប់ចំណាត់ថ្នាក់លេខពីរបន្ទាប់ពីម៉ិចស៊ិក។ ទន្ទឹមនឹងនេះ ថៃ គឺជាប្រទេសអាស៊ីតែមួយគត់ក្នុងចំណាត់ថ្នាក់កំពូលទាំង ១០ ក្នុងសន្ទស្សន៍ហានិភ័យពីពន្ធរបស់ Donald Trump ខណៈដែលប្រទេសអាស៊ីផ្សេងៗទៀតមានចំណាត់ថ្នាក់ទាប ដូចជា ហ្វីលីពីនទី ១៧, ជប៉ុនទី ២៥, កូរ៉េខាងត្បូងទី ២២, និងតៃវ៉ាន់ទី ៣១។
នៅក្រោមគោលនយោបាយ “America First” របស់ Trump បណ្តាប្រទេសដែលទទួលបានផលប្រយោជន៍មិនសមាមាត្រពីការបើកចំហសេដ្ឋកិច្ចរបស់សហរដ្ឋអាមេរិក ពួកគេសហការជាមួយប្រទេសចិនដើម្បីផលប្រយោជន៍សេដ្ឋកិច្ចជាជាងគាំទ្រពេញលេញដល់សហរដ្ឋអាម៉េរិក។ គួរឲ្យបញ្ជាក់ដែរថា នៅក្នុងទិន្នន័យរបស់ ITIF ប្រទេសចំនួន ១០ ដែលជាប់នៅក្នុងសន្ទស្សន៍ហានិភ័យពីពន្ធរបស់ Donald Trump មានដូចជា៖ ម៉ិចស៊ិក ថៃ ស្លូវេនី អូទ្រីស កាណាដា នូវែលសេឡង់ ហុងគ្រី តួកគី ស្លូវ៉ាគី និងលុចសំបួរ។ ផ្ទុយទៅវិញ ប្រទេសដែលមានហានិភ័យទាបបំផុតចំនួន ៥ មានដូចជា លីទុយអានី អេស្តូនី ប៉ូឡូញ ឡាតវី និងអូស្ត្រាលី៕
Account
Security
Favourite Content