សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ សហភាពអឺរ៉ុប (EU) គឺជាដៃគូពាណិជ្ជកម្មដ៏ធំមួយរបស់កម្ពុជា ពោលគឺមានចំនួនរហូតដល់ប្រមាណ ១៦ភាគរយនៃបរិមាណនាំចេញទៅកាន់ទីផ្សារអន្តរជាតិសរុបរបស់កម្ពុជា។ ជាក់ស្ដែង នៅក្នុងរយៈពេល១១ខែ ឆ្នាំ២០២៥ កន្លងទៅនេះ ទំហំពាណិជ្ជកម្មទ្វេភាគីរវាងកម្ពុជា និងសហភាពអឺរ៉ុប មានចំនួនសរុប ៥ ៣៧៦លានដុល្លារ កើនឡើងប្រមាណ ១០ភាគរយ ធៀបនឹងរយៈពេលដូចគ្នាកាលពីឆ្នាំ២០២៤ ដែលមានត្រឹម ៤ ៨៨៤លានដុល្លារ។ នេះបើយោងតាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា។
គិតចាប់ពីខែមករា ដល់ខែវិច្ឆិកា ឆ្នាំ២០២៥ កម្ពុជាបាននាំចេញទំនិញមានតម្លៃសរុប ៤ ៥៨១លានដុល្លារទៅកាន់ប្រទេសនានាក្នុងសហភាពអឺរ៉ុប កើនឡើង ១៣,៦៨ភាគរយ ពោលគឺកើនពី ៤ ០៣០លានដុល្លារក្នុងរយៈពេលដូចគ្នាកាលពីឆ្នាំ២០២៤។ ទន្ទឹមនឹងនេះ ការនាំចូលពីសហភាពអឺរ៉ុបបានធ្លាក់ចុះ ៧ភាគរយ មកនៅត្រឹម ៧៩៤លានដុល្លារ ខណៈដែលទីផ្សារសំខាន់ៗរបស់កម្ពុជានៅក្នុងសហភាពអឺរ៉ុប រួមមាន ប្រទេសអេស្ប៉ាញ ហូឡង់ អាល្លឺម៉ង់ បារាំង និងបែលហ្ស៊ិក។
ប្រភពដដែលបានឱ្យដឹងថា៖ ទំហំពាណិជ្ជកម្មរវាងកម្ពុជា និងអេស្ប៉ាញ មានទំហំទឹកប្រាក់ជាង ១០០០លានដុល្លារ (១ ០៨៦.៨៦ លានដុល្លារ) បន្ទាប់មក ប្រទេសអាល្លឺម៉ង់ ឈរលំដាប់ទី២ មានចំនួនជាង ១០០០លានដុល្លារ (១ ០០៦.៩៦លានដុល្លារ) ហូឡង់ ជាង ៩២៣លានដុល្លារ, បារាំង ជាង ៥២៣លានដុល្លារ និងទំហំពាណិជ្ជកម្មរវាងកម្ពុជា-ប៊ែលហ្សិក មានជាង ៤២៣លានដុល្លារ។
ឯកឧត្តម ប៉ែន សុវិជាតិ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម បានលើកឡើងថា៖
«កំណើននៃទំហំពាណិជ្ជកម្មនេះ បានឆ្លុះបញ្ចាំងពីទំនុកចិត្តកាន់តែខ្លាំងឡើងដែលអ្នកប្រើប្រាស់នៅតំបន់អឺរ៉ុបមានចំពោះគុណភាពផលិតផលកម្ពុជា។
គួរកត់សម្គាល់ថា ទំនិញសំខាន់ៗដែលកម្ពុជា បាននាំចេញច្រើនជាងគេ រួមមាន ៖ សម្លៀកបំពាក់ និងគ្រឿងបន្ទាប់បន្សំ ដែលធ្វើឡើងពីក្រណាត់ ផ្លែឈើ និងគ្រាប់ផ្លែឈើ ដែលអាចបរិភោគបាន ម៉ាស៊ីន និងឧបករណ៍អគ្គិសនី ស្បែកជើង កៅស៊ូ និងផលិតផលធ្វើអំពីកៅស៊ូ ព្រមទាំងទំនិញសំខាន់ៗផ្សេងទៀត ទៅកាន់សហភាពអឺរ៉ុប ក្រោមគម្រោង EBA។
កាលពីឆ្នាំ២០២៤ ពាណិជ្ជកម្មទ្វេភាគីរវាងកម្ពុជា-សហភាពអឺរ៉ុប សម្រេចបានទឹកប្រាក់ជាង ៥ ៣២៩ ពាន់លានដុល្លារ បានកើនឡើងជាង ១៥ ភាគរយធៀបនឹងឆ្នាំ២០២៣។ ក្នុងនោះកម្ពុជាបាននាំចេញទៅកាន់សហភាពអឺរ៉ុប មានទំហំទឹកប្រាក់ ៤,៤១ ពាន់លានដុល្លារ កើនឡើងជាង២០ ភាគរយធៀបនឹងឆ្នាំ២០២៣ ខណៈការនាំចូលរបស់កម្ពុជាពីសហភាពអឺរ៉ុបជិត ៩១៨លានដុល្លារក្នុងឆ្នាំមុនថយចុះជាង៣ភាគរយ៕
Account
Security
Favourite Content