សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមការចេញផ្សាយរបស់ទីភ្នាក់ងារសារព័ត៌មាន ប៊ុលហ្គារី Novinata កាលពីថ្ងៃម្សិលមិញនេះបានឲ្យដឹងថា រថយន្តដែលមានបំពាក់បច្ចេកវិទ្យាដ៏ទំនើបលើកដំបូងបំផុតរបស់ចិន និងមានសមត្ថភាពខ្ពស់អាចបើកបរដោយស្វ័យប្រវត្តិ ត្រូវបានទទួលអាជ្ញាបណ្ណដែលអនុញ្ញាតពីអាជ្ញាធរឱ្យធ្វើចរាចរណ៍នៅលើផ្លូវថ្នល់សាធារណៈនាទីក្រុង ឆុងឈីង ។ សូមជម្រាបថា ការបើកបរដោយស្វ័យប្រវត្តិនៃរថយន្តស៊េរីទំនើបដែលមានបំពាក់នូវបច្ចេកវិទ្យាចុងក្រោយនៅក្នុងប្រទេសចិននេះ ត្រូវបានបែងចែកទៅជា ៦កម្រិត ដោយគិតចាប់ពីកម្រិត ០ ទៅដល់កម្រិតទី៥ ដែលផ្តោតសំខា់ទៅលើភាពទំនើបនៃបច្ចេកវិទ្យានៃកម្រិតនីមួយៗ។
សម្រាប់ការបើកបរនៅក្នុងកម្រិត ៣ L3 នេះ (conditional automated driving) នឹងអនុញ្ញាតឲ្យរថយន្តអាចចរាចរណ៍ដោយការបើកបរដោយស្វ័យប្រវត្តិនៅលើផ្លូវសាធារណៈ ជាមួយនឹងមុខងារសំខាន់ៗមួយចំនួនដែលមានបំពាក់ប្រកបដោយសុវត្ថិភាព ប៉ុន្តែត្រូវតែប្រាកដដែរថា ស្ថិតនៅក្រោមការគាំទ្រដោយអ្នកបើកបរជាមនុស្សនៅក្នុងករណីចាំបាច់ណាមួយ។ ជាមួយគ្នានេះ ការបើកបរក្នុងកម្រិត L3 នៅក្នុងទីក្រុង ឆុងឈីង នេះដែរត្រូវបានគេមើលឃើញថា ជាករណីលើកទីមួយហើយដែលយានជំនិះបែបនេះត្រូវបានអនុញ្ញាតឱ្យដំណើរការលើផ្លូវសាធារណៈ ហើយវាបានឆ្លុះបញ្ចាំងពីភាពរីកចម្រើន និងការអភិវឌ្ឍន៍ផ្នែកបច្ចេកវិទ្យាដ៏សំខាន់មួយទៀតសម្រាប់វិស័យយានយន្តរបស់ប្រទេសចិន៕
Account
Security
Favourite Content