ជោគវាសនាអ៊ុយក្រែន និងសេដ្ឋកិច្ចសកល ស្ថិតក្នុងដៃខ្លួនឯង ឬរុស្ស៊ី

ព្រឹត្តិការណ៍២៤កុម្ភៈ ឆ្នាំ២០២២ ចាប់តាំងតែពីពេលដែលរុស្ស៊ីបានចាប់ផ្តើមបើកប្រតិបត្តិការពិសេសនៅក្នុងប្រទេសអ៊ុយក្រែនមក ជម្លោះរវាងភាគីទាំងពីរបានប្រែក្លាយខ្លួនទៅជាសង្គ្រាមដ៏អាក្រក់បំផុតមួយមិនធ្លាប់មានក្រោយចប់សង្គ្រាមលោកទី២។

សង្គ្រាមនេះមិនត្រឹមតែបានបង្កមហន្តរាយដល់អ៊ុយក្រែន និងភាគីរុស្ស៊ីខ្លួនឯងនោះទេ វាថែមទាំងបានរីករាលដាលទៅជាវិបត្តិពាសពេញពិភពលោក ទាំងបញ្ហាអតិផរណា បញ្ហាវិបត្តិថាមពល រហូតទៅដល់វិបត្តិនយោបាយរវាងប្រទេស និងប្រទេសផងដែរ។ ដោយឡែកភាគីដែលជាជម្លោះផ្ទាល់នៅពេលនេះត្រូវបានគេមើលឃើញថាមិនទាន់មានភាគីខាងណាដែលទទួលបានជ័យជំនះ ឬចំណេញឡើយគឺមានតែការបង្ហូរឈាម និងការខ្ទេចខ្ទាំ ការខាតបង់លុយ និងសេដ្ឋកិច្ចរាប់ពាន់លានដុល្លារ។

មានមតិចម្រូងចម្រាសជាច្រើនពីសំណាក់មជ្ឈដ្ឋាននានាចំពោះមូលហេតុនៃការកើតឡើងនូវជម្លោះមួយនេះដោយអ្នកខ្លះជឿជាក់ថា អ៊ុយក្រែនសុខចិត្តបន្តធ្វើសង្គ្រាមទាំងមិនព្រមចរចាដើម្បីបូរណៈភាពទឹកដី ទាំងដែលបានដឹងថាពិបាកក្នុងការយកឈ្នះមហាយក្សអាវុធរុស្ស៊ី ប៉ុន្តែមជ្ឈដ្ឋានខ្លះទៀតជឿជាក់ថារុស្ស៊ីក៏មិនសូវជាចង់ធ្វើសង្គ្រាមនេះប៉ុន្មានដែរ ប៉ុន្តែដោយសារតែរងសំពាធពីលោកខាងលិច ជាពិសេសនៅពេលដែលណាតូបានខិតខំព្យាយាមពង្រឹង និងពង្រីកឥទ្ធិពលយោធារបស់ខ្លួននៅក្បែរបន្ទាត់ព្រំដែនដែលរុស្ស៊ីធ្លាប់បានកំណត់តាំងពីចប់សម័យសង្គ្រាមត្រជាក់មកម្ល៉េះ។

តើដំណោះស្រាយនៅពេលនេះគឺជាអ្វី ហើយតើមានកិច្ចពិភាក្សាដើម្បីសន្តិភាពណាមួយបានធ្វើហើយឬនៅរវាងរុស្ស៊ី និងអ៊ុយក្រែន?

ចាប់ពីប្រតិបត្តិការពិសេសភ្លាមនៅថ្ងៃទី២៨ ខែកុម្ភៈភាគីទាំងពីរបានជួបគ្នាម្តងនៅបេឡារូសដោយមិនទទួលបានលទ្ធផលអ្វីទាំងអស់ និងបានជួបគ្នាលើកទី២ លើកទី៣ នាថ្ងៃទី៣ ខែមីនា និងថ្ងៃទី៧ ខែមីនា នៅព្រំដែនបេឡារូសក៏មិនទទួលបានលទ្ធផលអ្វីដូចគ្នាខណៈដែលកិច្ចប្រជុំលើកទី៤ និងលើកទី៥បានធ្វើឡើងនៅថ្ងៃទី១០និង ថ្ងៃទី១៤ខែមីនានៅតួគីក៏គ្មានលទ្ធផលជាដុំកំភួនដូចគ្នា ប៉ុន្តែស្ថានភាពសង្គ្រាមបែរជាកាន់តែតានតឹងឡើង ហើយរហូតមកដល់ពេលនេះនៅមិនទាន់មានការចរចាគ្នាណាមួយកើតឡើងមានវិញនៅឡើយ បើទោះបីជាភាគីខាងរុស្ស៊ីបានព្យាយាមអំពាវនាវឲ្យអ៊ុយក្រែនត្រឡប់ចូលតុចរចាវិញក្តី ប៉ុន្តែតែងតែត្រូវបានបដិសេធពីពីមេដឹកនាំអ៊ុយក្រែនដោយលើកឡើងថារុស្ស៊ីគ្មានការប្តេជ្ញាចិត្តសម្រាប់កិច្ចពិភាក្សាដើម្បីសន្តិភាពពិតប្រាកដឡើយ។

ច្រកផ្លូវទីមួយឆ្ពោះទៅរកកិច្ចសន្ទនាគ្នាដើម្បីសន្តិភាពត្រូវបានបិទទាំងស្រុងដោយអ៊ុយក្រែនខ្លួនឯងផ្ទាល់ ខណៈសង្គ្រាមប្រឆាំងក៏ចាប់ផ្តើមមានការចូលរួមជួយគាំទ្រយ៉ាងខ្លាំងក្លាពីសំណាក់លោកខាងលិច និងអាមេរិក ជាពិសេសសមាជិកអង្គការណាតូដែលបើសិក្សាពីប្រវត្តិសាស្ត្រភាគីរុស្ស៊ី និងណាតូនេះគឺជាភាគីជម្លោះអស់រយៈពេលជាច្រើនទសវត្សរ៍មកហើយតាំងតែពីសម័យសហភាពសូវៀតមកម្ល៉េះ។

នៅឡើយតែច្រកទី២ គឺជាច្រកដោះស្រាយគ្នារវាងរុស្ស៊ី និងណាតូ ពីព្រោះថាចាប់តាំងតែពីចប់សង្គ្រាមត្រជាក់មករុស្ស៊ី និងណាតូបានប្រឈមមុខដាក់គ្នាមិនតិចលើកនោះទេដោយក្នុងនោះរុស្ស៊ីបានព្យាយាមយកការគម្រាមកំហែងទៅលើប្រទេសមួយចំនួនមកជាចំណាប់ខ្មាំងនៅក្នុងជម្លោះនេះដូចជានៅ Moldovaឆ្នាំ១៩៩២ ដល់ឆ្នាំ២០១៦ នៅ Georgia ពីឆ្នាំ២០០៤ ដល់ឆ្នាំ២០១២ នៅ Estonia ពីឆ្នាំ២០០៦ដល់ឆ្នាំ២០០៧នៅ Ukraine ពីឆ្នាំ២០១៦ មកដល់បច្ចុប្បន្ននៅ Syria ពីឆ្នាំ២០១៥ ដល់បច្ចុប្បន្ននៅ Turkey ពីឆ្នាំ២០១៥ដល់ឆ្នាំ២០១៦ជាដើម។

ដូចនេះអ្វីដែលយើងបានឃើញសង្គ្រាមនៅអ៊ុយក្រែនគឺគ្រាន់តែមួយចំណែកប៉ុណ្ណោះនៃភាពតានតឹងរវាងរុស្ស៊ី និងណាតូដែលស្ថិតនៅក្រោមការដឹកនាំដោយអាមេរិក។ ប្រសិនបើភាគីមហាអំណាចសព្វាវុធទាំងពីរនេះមានទំនាក់ទំនងល្អតាំងពីដើមមកម្ល៉េះក៏នឹងមិនអាចថាមានវិបត្តិបែបនេះកើតឡើងដែរ។ ដូចនេះវាទាមទារចាំបាច់ភាគីទាំងពីរនេះទេដែលជាអ្នកដែលអាចសម្រេចចិត្តទៅលើជោគវាសនារបស់អ៊ុយក្រែនព្រមទាំងវិបត្តិសេដ្ឋកិច្ចរបស់ពិភពលោកនាពេលបច្ចុប្បន្នផង។ តាមពិតមានកត្តាជាច្រើនផ្សេងទៀតដែលយើងអាចយកមកវិនិច្ឆ័យបានថា សង្គ្រាមនេះកើតឡើងដោយសារអ្វី គួរបញ្ចប់ទៅដោយរបៀបណាហើយថាតើអ្នកណាជាអ្នកចំណេញ និងអ្នករងគ្រោះខ្លាំងជាងគេក្នុងនោះមានដូចជាប្រវត្តិនៃកិច្ចព្រមព្រៀងបញ្ចប់អាវុធនុយក្លេអ៊ែរ បញ្ហានៅសមុទ្រខ្មៅ បញ្ហាសេដ្ឋកិច្ច និងជំនួញរវាងមហាអំណាច និងការបែងចែកប៉ូលថ្មីរបស់ពិភពលោកផងដែរ៕

លោក សន ស៊ុនលី | Mr. San Sounly

អ្នកសារព័ត៌មានអន្តរជាតិ

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

ព័ត៌មានទូទៅ

មើលទាំងអស់ ➧

KNN GROUP របស់អ្នកឧកញ៉ា ជាម ឃុនណាត វិនិយោគរោងចក្រដំឡើងរថយន្តនៅខេត្តកណ្តាល

ព្រឹត្តិការណ៍, អត្ថបទពាណិជ្ជកម្ម

• 27/07/2026

ដោយសារការជឿជាក់យ៉ាងមុតមាំបំផុត ទៅលើ រាជរដ្ឋាភិបាល ដែលដឹកនាំដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ប្រកបដោយចក្ខុវិស័យវែងឆ្ងាយ KNN GROUP សម្រេចចិត្តវិនិយោគបង្កើតរោងចក្រតម្លើងរថយន្តចំនួនទឹកប្រាក់២៨ លានដុល្លាសហរដ្ឋអាមេរិក

អ៊ុយក្រែន យល់ព្រមនាំចេញយន្តហោះដ្រូនទៅ អាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2026

ប្រទេសអ៊ុយក្រែនបានយល់ព្រមនាំចេញយន្តហោះដ្រូនទៅកាន់សហរដ្ឋអាមេរិក ដើម្បីចូលរួមក្នុងកម្មវិធីប្រកួតប្រជែង “Drone Dominance” របស់មន្ទីរបញ្ចកោណ

កូរ៉េខាងត្បូង គ្រោងលុបគោលនយោបាយ «រំសាយអាវុធនុយក្លេអ៊ែរ» បើកផ្លូវចរចាជាមួយ កូរ៉េខាងជើង

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2026

ប្រទេសកូរ៉េខាងត្បូងគ្រោងបោះបង់ចោលគោលនយោបាយ «លុបបំបាត់អាវុធនុយក្លេអ៊ែរ» ដោយបង្វែរមកអនុវត្តយុទ្ធសាស្រ្ត «គិតសន្តិភាពជាធំ» ដើម្បីបើកផ្លូវចរចាជាមួយកូរ៉េខាងជើងសាជាថ្មី ក្នុងគោលបំណងធ្វើឱ្យឧបទ្វីបកូរ៉េគ្មានអាវុធប្រល័យលោក

កម្ពុជានាំចូលមេគោពូជជាង ២០០ ក្បាលពីអូស្រ្តាលី ដើម្បីបង្កើនការផ្គត់ផ្គង់ទឹកដោះគោក្នុងស្រុក

ព្រឹត្តិការណ៍, សេដ្ឋកិច្ច

• 24/07/2026

ក្រុមហ៊ុនគីរីសួគ៍ (Kirisu Farm) ដែលគេដឹងថា ជាកសិដ្ឋានចិញ្ចឹមគោយកទឹកដោះដ៏ធំមួយនៅកម្ពុជា បាននាំចូលមេគោពូជ ២២០ ក្បាល បន្ថែមទៀតពីប្រទេសអូស្រ្តាលី ក្នុងផែនការផលិតទឹកដោះគោស្រស់ឱ្យបានបរិមាណកាន់តែច្រើនសម្រាប់ផ្គង់ផ្គង់លើទីផ្សារក្នុងប្រទេស

ចលនាពហិការទំនិញថៃរបស់ពលរដ្ឋខ្មែរមិនថមថយឡើយ

ជំនួញ, ព្រឹត្តិការណ៍

• 24/07/2026

អស់រយៈពេលមួយឆ្នាំហើយ ការពហិការទំនិញថៃបានបង្ហាញប្រសិទ្ធផលយ៉ាងល្អ ជាមួយការបិទទ្វាររបស់ក្រុមហ៊ុនថៃនៅកម្ពុជាជាបន្តបន្ទាប់ និងការកើនឡើងនៃប្រជាប្រិយភាពរបស់ទំនិញក្នុងស្រុក

ការជំរុញទេសចរណ៍ក្នុងស្រុក ជួយទ្រទ្រង់ដល់សេដ្ឋកិច្ចជាតិ និងលើកកម្ពស់ជីវភាពប្រជាពលរដ្ឋ

ព្រឹត្តិការណ៍, សេដ្ឋកិច្ច

• 24/07/2026

ការជំរុញទេសចរណ៍ក្នុងស្រុក គឺជាសសរស្តម្ភដ៏មានសារៈសំខាន់មួយក្នុងការជួយទ្រទ្រង់សេដ្ឋកិច្ចជាតិ និងពង្រឹងភាពធន់វិស័យទេសចរណ៍កម្ពុជា

ឯកឧត្តមបណ្ឌិត កៅ ថាច ៖ ការធ្វើកសិកម្មមានប្រសិទ្ធភាព អាចបង្កើនប្រាក់ចំណូល និងលើកកម្ពស់សេដ្ឋកិច្ចគ្រួសារ

ព្រឹត្តិការណ៍, ហិរញ្ញវត្ថុ

• 24/07/2026

ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងជាប្រធានសមាគមបណ្តាញកសិករតេជោ បានលើកឡើងថា ការធ្វើកសិកម្មមានប្រសិទ្ធភាព អាចបង្កើនប្រាក់ចំណូល និងលើកកម្ពស់សេដ្ឋកិច្ចគ្រួសារ

អាម៉េរិក កំណត់ពន្ធគយ ១០% លើទំនិញនាំចូលពីកម្ពុជា ប៉ុន្តែលើកលែងលើទំនិញគ្រាប់ស្វាយចន្ទី និងសម្លៀកបំពាក់

Top News, ព្រឹត្តិការណ៍, សេដ្ឋកិច្ច

• 24/07/2026

អាម៉េរិកសម្រេចកំណត់ពន្ធគយ ១០% លើទំនិញនាំចូលពីកម្ពុជាក្រោមមាត្រា៣០១ ប៉ុន្តែផ្តល់ការលើកលែងលើទំនិញគ្រាប់ស្វាយចន្ទី និងសម្លៀកបំពាក់

រដ្ឋបាល Trump ជំរុញឱ្យអារ៉ាប៊ីសាអូឌីត ទទួលស្គាល់អ៊ីស្រាអែល ដើម្បីអាចទទួលបានបច្ចេកវិទ្យានុយក្លេអ៊ែរពីអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2026

កិច្ចព្រមព្រៀងជាប្រវត្តិសាស្ត្រក្នុងការផ្តល់បច្ចេកវិទ្យានុយក្លេអ៊ែរស៊ីវិលអាមេរិក ទៅឱ្យអារ៉ាប៊ីសាអូឌីត នឹងត្រូវផ្អែកលើលក្ខខណ្ឌដ៏តឹងរ៉ឹងមួយ ហើយ រដ្ឋាភិបាលទីក្រុងរីយ៉ាត នៃប្រទេសអារ៉ាប៊ីសាអូឌីត ចាំបាច់ត្រូវតែទទួលស្គាល់អ៊ីស្រាអែលជាផ្លូវការ