សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ស្ទឹងត្រង់ ៖ សត្វផ្សោត គឺជាថនិកសត្វប្រភេទខ្ពស់ដែលពិភពលោកចាត់ចូលជាប្រភេទសត្វកម្រ ព្រោះវាមានរស់នៅលើប្រទេសត្រឹមតែចំនួន៦ប៉ុណ្ណោះ ដោយក្នុងនោះកម្ពុជាគឺជាប្រទេសដែលមានសត្វផ្សោតរស់នៅច្រើនជាងគេ ដោយមានចំនួន ៨៩ក្បាល។ នេះបើតាមរបាយការណ៍ជំរឿនសត្វផ្សោតឆ្នាំ២០២០។
ប្រភេទផ្សោតដែលរស់នៅតាមដងទន្លេមេគង្គនៃប្រទេសកម្ពុជាមានឈ្មោះថា ផ្សោតក្បាលត្រឡោក ឬផ្សោតទន្លេមេគង្គ ហើយឈ្មោះជាភាសាអង់គ្លេសគឺ Irrawaddy Dolphin និងមានឈ្មោះវិទ្យាសាស្ត្រថា Orcaella Brevirostris។ រីឯជម្រកសំខាន់សម្រាប់សត្វផ្សោតទឹកសាបនៅកម្ពុជា គឺនៅអន្លង់ព្រែកកាំពីដែលស្ថិតនៅក្នុងខេត្តក្រចេះ។
យ៉ាងណាមិញ សម្រាប់អន្លង់ឈើទាលដែលស្ថិតនៅក្នុងខេត្តស្ទឹងត្រែងជាប់ព្រំប្រទល់ប្រទេសឡាវឯណោះវិញ ក៏ជាអន្លង់ដែលធ្លាប់មានសត្វផ្សោតរស់នៅផងដែរ គ្រាន់តែថាចំនួនផ្សោតនៅទីនោះមានចំនួនតិចតួច។ បើតាមរដ្ឋបាលជលផលអន្លង់នេះបានបញ្ជាក់ឱ្យដឹងថានៅទីនេះមានផ្សោតរស់នៅចំនួន ៨ក្បាលកាលពីឆ្នាំ២០០៧ ប៉ុន្តែនៅសល់ត្រឹម ៣ក្បាល នៅឆ្នាំ២០១៨ និងបន្តថយចុះ មកនៅត្រឹមមួយក្បាលកាលពីឆ្នាំ២០២១។
សត្វផ្សោតដែលនៅសល់មួយក្បាលចុងក្រោយនេះ បានរស់នៅតែម្នាក់ឯងនៅក្នុងអន្លង់ឈើទាលអស់រយៈពេលមួយឆ្នាំ ខណៈសត្វផ្សោតផ្សេងទៀតបានស្លាប់ជាបន្តបន្ទាប់។ អ្នកទេសចរដែលធ្វើដំណើរតាមទូកទៅតាមតំបន់អន្លង់ឈើទាលតែងតែប្រទះភ្នែកឃើញផ្សោតមួយក្បាលនេះហែលមកលេងជុំវិញទូក ដែលវាហាក់បានបង្ហាញពីភាពអផ្សុក និងភាពឯកោរបស់ខ្លួនដែលត្រូវបាត់បង់សមាជិកដទៃទៀតអស់ និងត្រូវរស់នៅតែម្នាក់ឯងក្នុងផ្ទៃទឹកដ៏ធំធេងនេះ។
រហូតដល់ថ្ងៃទី១៥ ខែកុម្ភៈ ឆ្នាំ២០២២ ផ្សោតមួយក្បាលនេះត្រូវបាននាយកដ្ឋានអភិរក្សជលផលនៃរដ្ឋបាលជលផលរាយការណ៍ថា បានស្លាប់បាត់បង់ជីវិតទៅហើយ ដែលការស្លាប់នោះត្រូវបានសន្និដ្ឋានថា ដោយសារអត់ចំណី ព្រោះមានមងជាប់នៅនឹងកន្ទុយដែលនាំឱ្យផ្សោតនេះមិនអាចបំលាស់ទីចាប់ចំណីបានលឿន។ ផ្សោតនេះស្លាប់ក្នុងអាយុ២៥ឆ្នាំ ខណៈអាយុរស់នៅរបស់សត្វផ្សោតគឺចន្លោះពី ២៧ ដល់ ៣០ឆ្នាំ។
ការបាត់បង់សត្វផ្សោតមួយក្បាលចុងក្រោយពីអន្លង់ឈើទាលនេះជាការសោកស្ដាយបំផុតមួយ ថ្វីបើសត្វផ្សោតមានការបន្តពូជយឺត ពោលគឺអាចពពោះបាននៅអាយុ ៧ ទៅ ៩ ឆ្នាំ ដោយពពោះចំនួន១៤ខែ និងត្រូវការរយៈពេល ២ ទៅ៣ឆ្នាំ ក្នុងការផ្ដល់កំណើតម្ដងទៀត ជាពិសេស សត្វផ្សោតពពោះម្ដងបានតែកូនមួយប៉ុណ្ណោះ។ ដូច្នេះហើយ ការកើតបានកូនផ្សោតនីមួយៗ គឺពិតជារឿងគួរឱ្យត្រេកអរណាស់។
ទោះបីជាយ៉ាងណាក្ដី ការរស់នៅរបស់សត្វផ្សោតគឺស្ថិតនៅក្នុងការគំរាមកំហែងណាស់ ដោយរាប់បញ្ចូលទាំងសកម្មភាពសាងសង់ទំនប់វារីអគ្គិសនីតាមដងទន្លេមេគង្គដែលនាំឱ្យមានបម្រែបម្រួលលំហូរទឹក ការដាក់មង ឬនេសាទខុសច្បាប់ជាដើម។ ដោយហេតុថា សត្វប្រភេទនេះ មិនចេះតែនៅអន្លង់ណាមួយទេ និយាយជារួម វត្តមានរបស់សត្វផ្សោត គឺជាការបញ្ជាក់អំពីគុណភាពរបស់ទឹកទន្លេ ដែលមានន័យថាវត្តមានរបស់សត្វផ្សោតនៅទីកន្លែងណាមួយបានបញ្ជាក់ថាប្រព័ន្ធអេកូឡូស៊ី និងស្ថានភាពរបស់ទន្លេនៅទីនោះមានភាពប្រសើរ សម្បូរទៅដោយត្រីគ្រប់ប្រភេទរស់នៅ។
គួរបញ្ជាក់ថា ផ្សោតត្រូវបានដាក់ឈ្មោះ និងមានលេខកូដរបស់វាទៅតាមព្រុយខ្នង ដែលព្រុយខ្នងនេះមានភាពខុសប្លែកពីគ្នានៅតាមអន្លង់ដែលពួកវារស់នៅ។ ព្រុយខ្នងនេះគឺជាលក្ខណៈសម្គាល់ដ៏សំខាន់ (ID) ដើម្បីកំណត់ចំនួនផ្សោត ឧទាហរណ៍ថា ផ្សោតនេះមានព្រុយខ្នងបែបនេះ ត្រូវមានឈ្មោះនេះជាដើម។ ចំណែកឯការរាប់ចំនួនផ្សោត គឺធ្វើឡើងទៅលើតែផ្សោតវ័យជំទង់ និងមេពូជប៉ុណ្ណោះ។ ដោយហេតុថាកូនផ្សោតដែលកើតមកនៅមានកត្តាប្រឈមជាច្រើន ពោលគឺ មិនអាចប្រាកដថានឹងរស់ ១០០% នៅឡើយ។ កូនផ្សោតដែលបានកើតមកភ្លាម អាចមានប្រវែង ១ម៉ែត្រ និងមានទម្ងន់ប្រមាណ ១០គីឡូក្រាម ហើយបៅដោះមេវាក្នុងរយៈពេល២ឆ្នាំដំបូង។ សត្វផ្សោត ត្រូវបានគេដឹងថា មិនងាយបំលាស់ទីចេញពីអន្លង់ដែលវាធ្លាប់រស់នៅនោះទេ លុះត្រាតែវាមានការគំរាមកំហែង។ ប៉ុន្តែការបំលាស់ទីរបស់វាក៏មិនប្រាកដថាអាចធ្វើឱ្យវារស់បានដែរ ថ្វីត្បិតតែវាត្រូវការលក្ខខណ្ឌអំណោយផលខ្ពស់ដើម្បីរស់ ហើយពេលខ្លះទៀត ផ្សោតអាចវង្វេងក្នុងពេលបំលាស់ទីទៀតផង។ ជាក់ស្ដែង ដូចជាការប្រទះឃើញសាកសពផ្សោតចំនួន២ក្បាលកាលពីឆ្នាំ២០២០ ដែលវង្វេងធ្លាក់ទៅដល់ខេត្តត្បូងឃ្មុំជាដើម៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
មេដឹកនាំចិន អបអរសាទរប្រធានាធិបតីថ្មីប៊ុលហ្ការី និងប្តេជ្ញាពង្រឹងទំនាក់ទំនង ពង្រីកទំហំពាណិជ្ជកម្មទ្វេភាគី
ព្រឹត្តិការណ៍, អាជីវកម្មថ្មី និងនវានុវត្ត
• 11/11/2026
បរទេស ៖ ប្រធានាធិបតីចិន លោក Xi Jinping បានផ្ញើសារអបអរសាទរជាផ្លូវការជូនចំពោះលោកស្រី Iliana Yotova ក្នុងឱកាសដែលលោកស្រីត្រូវបានជ្រើសតាំងជាប្រធានាធិបតីនៃសាធារណរដ្ឋប៊ុលហ្ការី ជាមួយនឹងការបញ្ជាក់ជាថ្មីអំពីការប្តេជ្ញាចិត្តរបស់ទីក្រុងប៉េកាំងក្នុងការពង្រឹងទំនាក់ទំនងទាំងវិស័យការទូត ទាំងវិស័យសេដ្ឋកិច្ចជាមួយប្រទេសនៅអឺរ៉ុបភាគអាគ្នេយ៍មួយនេះ។ នៅក្នុងសារបង្ហាញពីការអបអរសាទរតាមបណ្តាញសង្គម (តេឡេក្រាម) កាលពីថ្ងៃចុងសប្ដាហ៍កន្លងទៅដែលត្រូវបានយកមកចេញផ្សាយដោយកាសែត Novinata លោកប្រធានាធិបតីចិន Xi Jinpin បានគូសបញ្ជាក់អំពីចំណងមិត្តភាពជាប្រវត្តិសាស្ត្រយ៉ាងជ្រាលជ្រៅរវាងប្រទេសទាំងពីរ
ក្រុមហ៊ុន អូស៊ីអាយស៊ី ត្រូវបានទទួលស្គាល់ជាក្រុមហ៊ុនអភិវឌ្ឍន៍អចលនទ្រព្យឆ្នើមប្រចាំឆ្នាំ និងឈ្នះពានរង្វាន់សរុបចំនួន ៧ រង្វាន់
ព្រឹត្តិការណ៍, អត្ថបទពាណិជ្ជកម្ម
• 10/11/2026
ក្រុមហ៊ុន អូស៊ីអាយស៊ី ត្រូវបានទទួលស្គាល់ជាក្រុមហ៊ុនអភិវឌ្ឍន៍អចលនទ្រព្យឆ្នើមប្រចាំឆ្នាំ និងឈ្នះពានរង្វាន់សរុបចំនួន ៧ រង្វាន់ នៅក្នុងកម្មវិធី Cambodia Real Estate Awards 2026 ភ្នំពេញ ៖ ក្រុមហ៊ុន អូស៊ីអាយស៊ី (OCIC) បានទទួលពានរង្វាន់កិត្តិយសជា ក្រុមហ៊ុនអភិវឌ្ឍន៍អចលនទ្រព្យឆ្នើមប្រចាំឆ្នាំ (Developer
កម្ពុជា កំពុងជំរុញនាំចេញផលិតផលស្វាយចន្ទី និងម្រេច ដែលមានតម្លៃបន្ថែមខ្ពស់ទៅកាន់សហភាពអឺរ៉ុប
ជំនួញ, ព្រឹត្តិការណ៍, សេដ្ឋកិច្ច
• 10/11/2026
ភ្នំពេញ ៖ ស្របតាមគោលនយោបាយរបស់រាជរដ្ឋាភិបាលកម្ពុជា ក្នុងការពង្រីកទីផ្សារ និងការបំពេញតម្លៃបន្ថែមទៅលើរាល់ផលិតផលកសិកម្ម ក្រសួងចំនួន ៣ និងស្ថាប័នពាក់ព័ន្ធបានចាប់ដៃសហការគ្នាយ៉ាងជិតស្និទ្ធ ដើម្បីធ្វើយ៉ាងណាបង្កើនការផលិត ពង្រឹងគុណភាព មានរសជាតិឆ្ងាញ់ ព្រមទាំងការវេចខ្ចប់ដែលមានលក្ខណៈស្តង់ដារ អាចបំពេញតម្លៃបន្ថែម ជាពិសេស ជំរុញការនាំចេញផលិតផលកសិកម្មទៅកាន់ទីផ្សារសហភាពអឺរ៉ុប។ នៅសណ្ឋាគារសូហ្វីតែល ភូគីត្រា ភ្នំពេញ នាព្រឹកថ្ងៃអង្គារ ទី១០
លទ្ធផលបោះឆ្នោតពាក់កណ្តាលអាណត្តិនៅអាម៉េរិក ប៉ះពាល់ដល់ទំនាក់ទំនងជាមួយឥណ្ឌា
ព្រឹត្តិការណ៍, អាជីវកម្មថ្មី និងនវានុវត្ត
• 10/11/2026
ការផ្លាស់ប្តូរបរិយាកាសនយោបាយនៅសហរដ្ឋអាម៉េរិក ក្រោយការបោះឆ្នោតពាក់កណ្តាលអាណត្តិ បានបង្កើតភាពមិនច្បាស់លាស់ក្នុងការដឹកនាំប្រទេស និងអាចជះឥទ្ធិពលដល់ទិសដៅទំនាក់ទំនងការបរទេសជាមួយឥណ្ឌា
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ក្រសួងកសិកម្ម រុក្ខាប្រមាញ់ និងនេសាទ គ្រោងបំពាក់ម៉ាស៊ីនថតស្វ័យប្រវត្តិឃ្លាំមើលសកម្មភាពសត្វផ្សោតទន្លេមេគង្គ
មន្រ្តីជំនាញបង្ហាញពីយុទ្ធសាស្ត្រនៃការអភិរក្សសត្វផ្សោតទន្លេមេគង្គក្នុងឆ្នាំ២០២៥ ដែលទទួលបានជោគជ័យមិនធ្លាប់មាន
Account
Security
Favourite Content