ការបើកច្រកព្រំដែនថ្មីៗជាមួយប្រទេសជិតខាងជួយជំរុញឱ្យតម្លៃដីធ្លីតំបន់នោះមានកំណើន

ភ្នំពេញ ៖ ក្នុងគោលបំណងជំរុញការធ្វើពាណិជ្ជកម្មបន្ថែមជាមួយប្រទេសជិតខាង កម្ពុជាបានឯកភាពក្នុងការបើកច្រកព្រំដែនថ្មីៗជាបន្តបន្ទាប់ ជាពិសេសព្រំដែនកម្ពុជា ថៃ និងព្រំដែនកម្ពុជាវៀតណាម ។ ការបើកច្រកព្រំដែនរវាងប្រទេសកម្ពុជា និងប្រទេសជិតខាងនេះ មិនត្រឹមតែជំរុញឱ្យទំនាក់ទំនងពាណិជ្ជកម្មកម្ពុជាជាមួយនឹងប្រទេសទាំងនោះមានកំណើនប៉ុណ្ណោះទេ តែថែមទាំងធ្វើឱ្យតម្លៃដីធ្លីនៅខេត្តជាប់ព្រំដែនរវាងប្រទេសទាំងនោះមានកំណើនមួយកម្រិតទៀតផងដែរ ។

លោក រ៉ៃ ឬទ្ធី ប្រធានសាខានៃក្រុមហ៊ុន Century 21 Zillion Holding ប្រចាំខេត្តឧត្តរមានជ័យបានមានប្រសាសន៍តាមទូរសព្ទឱ្យដឹងថា ខេត្តឧត្តរមានជ័យជាខេត្តដែលមានព្រំប្រទល់ជាប់នឹងប្រទេសថៃ ហើយរដ្ឋាភិបាលនៃទាំងប្រទេសទាំងពីរក៏បានឯកភាពក្នុងការបើកច្រកព្រំដែនបន្ថែមដើម្បីសម្រួលការដឹកទំនិញចេញនៃប្រទេសទាំងពីរ ។

លោកបន្តថា ការបើកច្រកព្រំដែនថ្មីៗរវាងប្រទេសកម្ពុជា និងថៃបានផ្ដល់ផលវិជ្ជមានដល់វិស័យដីធ្លីនៅក្នុងខេត្តមួយនេះមួយកម្រិតផងដែរ ដោយបានឃើញថាតម្លៃដីធ្លីបានកើនឡើងជាបន្តបន្ទាប់ និងមានការចាប់អារម្មណ៍វិនិយោគដីធ្លីនៅក្នុងខេត្តកាន់តែច្រើន។

លោកថា ៖

“កាលពីមុនដីធ្លីនៅតំបន់មួយចំនួនក្នុងខេត្តឧត្តរមានជ័យ ជាពិសេសនៅជិតព្រំដែនថ្មីៗ មិនសូវមានការចាប់អារម្មណ៍ទេ ហើយតម្លៃត្រឹមតែ ៣០០០ដុល្លារ ទៅ ៤០០០ដុល្លារក្នុងមួយហិកតា តែមកដល់ពេលនេះតម្លៃដីធ្លីនៅតំបន់ដដែលនោះបានឡើងដល់៤ម៉ឺនដុល្លារអាមេរិកទៅ៥ម៉ឺនដុល្លារអាមេរិកក្នុងមួយហិកតា ហើយមានអ្នកស្វែងរកទិញច្រើនទៀតផង”

លោកបន្ថែមថា អ្នកទិញដីក្នុងខេត្តឧត្តរមានជ័យមិនមែនសុទ្ធតែអ្នកក្នុងខេត្តនោះទេ មួយចំនួនគឺជាអ្នកមកពីភ្នំពេញ និងបណ្ដាខេត្តផ្សេងដូចជា បន្ទាយមានជ័យ ខេត្តសៀមរាប ជាដើម ។ សម្រាប់សក្ដានុពលនៅក្នុងខេត្តឧត្តរមានជ័យនាពេលបច្ចុប្បន្នមិនមានអ្វីក្រៅពីកសិកម្ម និងកសិ-ឧស្សាហកម្មនោះឡើយ ហើយក៏មិនទាន់មានអគារខ្ពស់ ក៏ដូចជាការអភិវឌ្ឍបុរីលំនៅឋាននោះដែរ ។ ដីធ្លីនៅជិតៗក្រុង ក៏មានអ្នកទិញហើយពុះឡូត៏តិចតួច និងមិនសូវមានអ្នកទិញច្រើននោះដែរ។ ប៉ុន្តែនៅពេលអនាគត លោករំពឹងថា នឹងមានការអភិវឌ្ឍអគារ បុរីលំនៅឋាននៅតាមតំបន់ព្រំដែនកម្ពុជា និងថៃក្នុងទឹកដីនៃខេត្តឧត្តរមានជ័យ ។

លោក ថា ថេង ប្រធានសាខានៃក្រុមហ៊ុន Century 21 Zillion Holding ប្រចាំខេត្តព្រៃវែងក៏បានលើកឡើងផងដែរថា ក្រោយពេលរដ្ឋាភិបាលបានបើកច្រកព្រំដែនថ្មីៗជាមួយនឹងប្រទេសវៀតណា លោកបានមើលឃើញថា ដីធ្លីនៅតំបន់ជិតព្រំដែនកម្ពុជាវៀតណាមបានហក់ឡើងមួយកម្រិតទៀត ហើយតំបន់ខ្លះបានហក់ឡើងខ្ពស់ខ្លាំង ជាក់ស្ដែងដីនៅជិតព្រំដែនកម្ពុជាវៀតណាមក្នុងខេត្តព្រៃវែង ដែលពីមុនត្រឹមតែ ១ ០០០ ឬ ២ ០០០ដុល្លារក្នុងមួយហិកតានោះ ពេលនេះហក់ឡើងដល់ខ្ទង់លានដុល្លារក៏មានដែរក្នុងមួយហិកតា ។ លោកបន្តថា បច្ចុប្បន្ន តំបន់ជិតព្រំដែនកម្ពុជាវៀតណាមក្នុងខេត្តព្រៃវែង មានការអភិវឌ្ឍដីធ្លីជាច្រើនទម្រង់ ក្នុងនោះមានដូចជាលំនៅឋាន បុរី ដីឡូត៍ និងមានការអភិវឌ្ឍជាលំនៅឋានលំហែកាយរបស់ក្រុមហ៊ុនក្នុងស្រុកមួយចំនួនផងដែរ។ ម្យ៉ាងទៀតក្នុងពេលខាងមុខនេះ ព្រៃវែងក៏នឹងទទួលបានការវិនិយោគបន្ថែមជាច្រើនទៀត ស្របពេលរាជរដ្ឋាភិបាលបានអភិវឌ្ឍន៍ហេដ្ឋារចនាសម្ព័ន្ធជាច្រើន ក្នុងនោះក៏មានគម្រោងអភិវឌ្ឍន៍ផ្លូវល្បឿនលឿនភ្នំពេញ-ក្រុងបាវិត ដែលរត់កាត់ខេត្តព្រៃវែងផងដែរ ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន