សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ក្នុងឱកាសចុះពិនិត្យស្ថានភាព និងទស្សនាសហគមន៍ទេសចរណ៍ធម្មជាតិកំពង់ភ្លុក នៅស្រុកប្រាសាទបាគង ខេត្តសៀមរាប កាលពីថ្ងៃទី១ ខែធ្នូ ឆ្នាំ២០២៤ បានទទួលយកនូវសំណូមពរមួយចំនួនពីប្រជាសហគមន៍ ជាពិសេសបានផ្តល់នូវដំណោះស្រាយចាំបាច់ចំនួន៣ ដើម្បីជួយសម្រួលដល់ការរស់នៅ និងជំរុញដល់ភាពរីកចម្រើននៅក្នុងសហគមន៍ទេសចរណ៍ធម្មជាតិមួយនេះ។
ដំណោះស្រាយអាទិភាពចំនួន៣ ដែលសម្តេចធិបតី ហ៊ុន ម៉ាណែត បានផ្តល់ដល់ប្រជាសហគមន៍ ក៏ដូចជាជួយដល់សហគមន៍កំពង់ភ្លុករួមមានដូចខាងក្រោម៖
១- កសាងផ្លូវកៅស៊ូ ៨គីឡូម៉ែត្រ លើផ្លូវក្រាលគ្រួសក្រហមដែលមានស្រាប់ ដើម្បីផ្តល់ភាពងាយស្រួលក្នុងការធ្វើដំណើរ និងកាត់បន្ថយការហុយធូលី
២- កសាងបញ្ជរលក់សំបុត្រថ្មីរបស់សហគមន៍ ដែលនឹងជួយឱ្យសហគមន៍មិនចាំបាច់ជួលដី ដើម្បីលក់សំបុត្រដូចពេលបច្ចុប្បន្ន
៣- ផ្តល់បន្ថែមនូវធុងសំរាមក្នុងសហគមន៍ ដើម្បីថែរក្សាអនាម័យ និងបរិស្ថាន នៅក្នុងតំប
សូមជម្រាបថា សហគមន៍ទេសចរណ៍ធម្មជាតិកំពង់ភ្លុក ជាទីកន្លែងផ្តល់នូវទស្សនីយភាពបែបធម្មជាតិនៃការរស់នៅរបស់បងប្អូនប្រជាជនខ្មែរតាមបែបអ្នកទន្លេ និងសម្រស់ធម្មជាតិសម្បូរបែបរបស់បឹងទន្លេសាបផងដែរ។
សម្តេចធិបតី ហ៊ុន ម៉ាណែត ក៏បានកោតសរសើរ ចំពោះបងប្អូនប្រជាពលរដ្ឋនៅកំពង់ភ្លុក ដែលបានរួមគ្នាចងក្រងជាសហគមន៍ ដើម្បីផ្តល់ជូននូវសេវាកម្មយ៉ាងល្អជូនភ្ញៀវទេសចរជាតិ និងអន្តរជាតិ ប្រកបដោយស្នាមញញឹមនិងសប្បាយរីករាយ ជាពិសេសក៏រួមចំណែកក្នុងការលើកកម្ពស់ជីវភាពរស់នៅប្រចាំថ្ងៃ និងបង្កើតផលិតផលទេសចរណ៍បន្ថែមនៅក្នុងខេត្តសៀមរាប។
ប្រជាពលរដ្ឋដែលរស់នៅក្នុងសហគមន៍ទេសចរណ៍ធម្មជាតិកំពង់ភ្លុក បានប្រកបរបរជាមួយនឹងភោជនីយដ្ឋានបណ្ដែតទឹក បែចិញ្ចឹមត្រី ជាពិសេសទៅទៀតនោះគឺភ្ញៀវទេសចរ អាចទស្សនាធម្មជាតិជាមួយនឹងការផ្តល់សេវាអុំទូកកម្សាន្តរបស់ប្រជាសហគមន៍ចំនួន ៩៦១ទូក ដែលជាមគ្គុទេសក៏ទេសចរ អាចពន្យល់រៀបរាប់អំពីលក្ខណៈស្ថានភាពធម្មជាតិ ប្រពៃណីទំនៀមទម្លាប់ និងសក្ដានុពលដែលមានក្នុងសហគមន៍ប្រកបដោយស្នាមញញឹម រួសរាយ រាក់ទាក់ សិ្នទ្ធស្នាល និងផ្ដល់នូវភាពកក់ក្ដៅដល់ទេសចរជាតិ និងអន្តរជាតិផងដែរ។
ជាងនេះទៅទៀត ភ្ញៀវទេសចរក៏អាចស្វែងយល់ពីជីវភាពរស់នៅប្រចាំថ្ងៃរបស់ប្រជាជននៅតាមមាត់បឹងទន្លេសាប ទស្សនាផ្ទះសង់ខ្ពស់ៗនៅលើផ្ទៃទឹក អុំទូកទស្សនាក្នុងភូមិ ទស្សនាព្រៃលិចទឹក ទស្សនាផ្ទៃបឹងទន្លេសាបដ៏ធំល្វឹងល្វើយ ជាពិសេសផ្តិតយកនូវរូបភាពស្អាតៗពេលថ្ងៃរៀបលិចនៅលើផ្ទៃបឹងទន្លេសាបផងដែត៕
Account
Security
Favourite Content