សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងឱកាសអញ្ជើញសម្ពោធអគារសម្ភពនៃមន្ទីរពេទ្យកុមារជាតិ នាព្រឹកថ្ងៃទី ២០ ខែមេសា នេះ បានលើកឡើងអំពីការប្រារព្ធព្រឹត្តិការណ៍ស៊ីហ្គេម ក្នុងនាមជាម្ចាស់ផ្ទះ ដោយមិនយកប្រាក់ពីកីឡាករ កីឡាការិនី និងប្រតិភូកីឡា។ ការធ្វើបែបនេះ ត្រូវបានសម្ដេចចាត់ទុកថាជាការធ្វើឲ្យបរទេសស្គាល់កម្ពុជាឲ្យកាន់តែច្បាស់។
សម្ដេចតេជោ បានមានប្រសាសន៍យ៉ាងដូច្នេះថា ៖
“នៅសល់ត្រឹមតែ ១៥ថ្ងៃទៀតប៉ុណ្ណោះ ស៊ីហ្គេមនឹងមកដល់ ដូច្នេះសូមចូលរួមទាំងអស់គ្នាដើម្បីទទួល ភ្ញៀវរបស់ យើង…ហើយភ្ញៀវ របស់យើងនៅឆ្នាំនេះ យើងធ្វើខុសប្លែកពីគេ គឺទោះបីលក្ខន្តិកៈតម្រូវ ក៏ប៉ុន្តែកម្ពុជាគឺជា ប្រទេស ដែលថាតូច ប៉ុន្តែបេះដូងធំណាស់”
សម្ដេចបានរំលឹកពីទង្វើគួរចងចាំរបស់កម្ពុជាថា នាវាវេស្ទឺដាម (Westerdam) គ្មានប្រទេសណា មួយឲ្យចូលទេ ប៉ុន្តែកម្ពុជាបានឲ្យ នាវានោះចូលចត និងបានសង្គ្រោះមនុស្សរាប់ពាន់នាក់នៅលើនាវា។ ឥឡូវនេះ កម្ពុជាទទួលកី ឡាករ ដែល ចូលប្រកួត ស៊ីហ្គេមដោយមិនមានការបង់ថ្លៃដូច ដែលប្រទេសដទៃ ធ្លាប់យកនោះទេ។
សម្ដេចបានបន្តមានប្រសាសន៍ទៀតថា ៖
“ខ្ញុំបានប្រាប់ទៅសម្ដេចពិជ័យសេនា ទៀ បាញ់ ថា បើទោះជាយក មកក៏មិនអាចក្លាយជាអ្នកមានដែរ យើងមិនបាច់យកតែម្ដង Free ទាំងអស់ ទាំងខ្មែរក៏ Free បរទេសក៏ Free ទាំងអស់”
សម្ដេចនាយករដ្ឋមន្ត្រីសង្កត់ធ្ងន់ថា ៖
“ប៉ុន្តែអ្នកគាំទ្រទាំងឡាយ ដែលមកគាំទ្រកីឡាករខ្លួន ដេក សណ្ឋាគារបង់លុយឲ្យគេ អត់ហ្វ្រីទេ! ហ្វ្រីតែកីឡាករ កីឡាការិនីទេ ដែលយើងមានការរៀបចំឲ្យមិនដូចប្រទេសគេទេ…ធ្វើម៉េច យើងធ្វើលើកនេះ ធ្វើឲ្យគេស្គាល់ខ្មែរឲ្យច្បាស់ ដែលពីមុននេះខ្មែរ យើងត្រូវបានគេភ្លេចទៅ ហើយ៕”
Account
Security
Favourite Content