សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ កាលពីខែតុលាកន្លងទៅនេះ ប្រទេសចិន បានប្រកាសដាក់ឲ្យប្រើប្រាស់វិសា ឬទិដ្ឋការ ប្រភេទ K-visa ជាផ្លូវការ ដើម្បីតាមឲ្យទាន់អាម៉េរិកក្នុងការនិងទាក់ទាញយកក្រុមបុគ្គលដែលមានទេពកោសល្យ និងចំណេះដឹងផ្នែកបច្ចេកវិទ្យាកម្រិតពិភពលោកមករស់នៅ និងធ្វើការនៅក្នុងប្រទេសរបស់ខ្លួន ។
ការអនុវត្តកម្មវិធីទិដ្ឋការថ្មីរបស់ចិននេះ បានធ្វើឡើងស្របពេលនឹងភាពមិនប្រាកដប្រជាលើកម្មវិធី វិសា ឬទិដ្ឋការ H-1B របស់សហរដ្ឋអាម៉េរិកកំពុងស្ថិតនៅក្រោមគោលនយោបាយរឹតបន្តឹងសកម្មភាពអន្តោប្រវេសនៃរដ្ឋបាលរបស់លោកប្រធានាធិបតី Donald Trump ។
សូមបញ្ជាក់ថា K-visa គឺជាវិសាបំពេញបន្ថែមគម្រោងទិដ្ឋការដែលមានស្រាប់របស់ប្រទេសចិន រួមទាំង R-visa សម្រាប់អ្នកជំនាញបរទេស។ K-visa នឹងមានការបន្ធូរបន្ថយច្បាប់ទម្លាប់ជាច្រើន ជាពិសេស មិនតម្រូវឱ្យមានការដាក់ពាក្យស្នើសុំមុនពេលមានការងារធ្វើនោះឡើយ ខណៈដែលគោលនយោបាយដ៏តឹងរ៉ឹងរបស់សហរដ្ឋអាម៉េរិកត្រូវបានតម្រូវទាំងចំពោះនិស្សិតបរទេស និងអ្នកជំនាញអន្តរជាតិ ស្នើសុំបែបបទជាច្រើន ជាពិសេសមានការតម្លើងថ្លៃសម្រាប់ទិដ្ឋាការ H-1B ចំពោះកម្មករជំនាញបរទេសរហូតទៅដល់ ១០ម៉ឺនដុល្លារ (សម្រាប់បេក្ខជនថ្មី)។ កត្តានេះវាបាន និងកំពុងធ្វើឲ្យក្រុមអ្នកជំនាញ និងនិស្សិតដែលមិនមែនជាជនជាតិអាម៉េរិកកាន់តែច្រើនចាប់ផ្តើមធ្វើការពិចារណាទៅរកគោលដៅផ្សេងជំនួសអាម៉េរិក។
លោក Barbara Kelemen នាយករង និងជាប្រធានប្រចាំតំបន់អាស៊ីនៃក្រុមហ៊ុនស៊ើបការណ៍សម្ងាត់ Dragonfly បានលើកឡើងថា ៖ទីក្រុងប៉េកាំងយល់ឃើញថា ការរឹតបន្តឹងគោលនយោបាយអន្តោប្រវេសន៍របស់សហរដ្ឋអាម៉េរិក គឺជាឱកាសមួយដើម្បីអាចក្លាយខ្លួនក្លាយទៅជាគោលដៅដ៏ទាក់ទាញខ្លាំងជាងគេសម្រាប់ពិភពលោកក្នុងការស្វាគមន៍ក្រុមពលរដ្ឋដែលមានទេពកោសល្យខ្ពស់ៗ ព្រមទាំងជាឳកាសក្នុងការទទួលបានការវិនិយោគពីបរទេសកាន់តែទូលំទូលាយ។
យ៉ាងណាក្តី បើគេក្រឡេកទៅមើលអត្រាអត់ការងារធ្វើក្នុងចំណោមនិស្សិតបញ្ចប់ការសិក្សារបស់ចិនខ្លួនឯងវិញ នៅតែមានកម្រិតខ្ពស់នៅឡើយ ហើយការប្រកួតប្រជែងក៏មានកម្រិតខ្លាំងសម្រាប់ការងារក្នុងវិស័យវិទ្យាសាស្ត្រ និងបច្ចេកទេសដែរ ប៉ុន្តែវានៅតែមានគម្លាតជំនាញ ដែលថ្នាក់ដឹកនាំរបស់ប្រទេសចិនចង់បំពេញបន្ថែម៕
Account
Security
Favourite Content