មគ្គុទ្ទេសក៍ទេសចរណ៍ ៖ ចង់ឱ្យភ្ញៀវស្នាក់នៅកាន់តែយូរ សេវាករត្រូវពង្រឹងគុណភាពបន្ថែម

ថ្វីត្បិតថាបច្ចុប្បន្នជំងឺកូវីដបានសាបរលាបបាត់ទៅវិញក៏ពិតមែន ប៉ុន្តែបញ្ហាសង្គ្រាមនៅតែជាចំណែកដ៏ធំមួយដែលបង្អាក់ដំណើរសេដ្ឋកិច្ចមិនឱ្យដើរឆ្ពោះទៅរកភាពល្អប្រសើរបាននៅឡើយ។ សម្រាប់កម្ពុជា វិស័យទេសចរណ៍តែឯកឯង ក៏មិនទាន់ស្គាល់ភាពល្អប្រសើរប្រហាក់ប្រហែលនឹងស្ថានភាពនៃឆ្នាំ២០១៩ដូចគ្នា។ ប៉ុន្តែយ៉ាងណាទោះជាយ៉ាងណា ដើម្បីលើកស្ទួយសេដ្ឋកិច្ចឡើងវិញ ប្រទេសនីមួយក៏បានខិតខំប្រឹងប្រែងក្នុងការជំរុញវិស័យទេសចរណ៍របស់ខ្លួន។

លោក ហ៊ីន ចិន្ដា ជាមគ្គុទ្ទេសក៍ទេសចរណ៍ជំនាញមួយរូបបានឱ្យដឹងថា រហូតមកដល់ពេលនេះ ចំនួនអ្នកទេសចរដែលទៅទស្សនាប្រាង្គប្រាសាទនៅក្នុងខេត្តសៀមរាបចាប់ផ្ដើមមានភាពល្អប្រសើរហើយ ប៉ុន្តែភាពល្អនោះកំពុងប្រព្រឹត្តទៅដោយសន្សឹមៗ។ 

ក្នុងន័យនេះ លោកចង់បានសេចក្ដីថា វិស័យទេសចរណ៍កម្ពុជាចាប់ផ្ដើមងើបឡើងវិញបណ្ដើរៗហើយ គ្រាន់តែថានៅមិនទាន់ល្អដូចកាលពីមិនទាន់មានជំងឺរីករាលដាល។ ប៉ុន្តែយ៉ាងណាក៏ដោយ សម្រាប់រូបលោកផ្ទាល់ នេះជាសញ្ញាវិជ្ជមានចំពោះការខិតខំប្រឹងប្រែងរបស់រាជរដ្ឋា​ភិបាល តាមរយៈក្រសួងទេសចរណ៍។ ជាក់ស្ដែង លោកបានលើកឡើងអំពីជើងហោះហើរត្រង់លើកដំបូងនៃយន្ដហោះធន់ធំប្រភេទប៊ូអ៉ីងពីទីក្រុងស៊ីដនី ប្រទេសអូស្ត្រាលី មកកាន់កម្ពុជាកាលពីពេលថ្មីៗកន្លងទៅនេះ។ 

ក្នុងនាមជាមគ្គុទ្ទេសក៍ទេសចរណ៍មួយរូប លោកយល់ថា ជើងហោះហើរត្រង់មកកាន់កម្ពុជា​ ដោយមិនមានចុះចតនៅប្រទេសក្នុងតំបន់សិននោះជារឿងល្អ។ ល្អត្រង់ថា ការចុះចតនៅប្រទេសផ្សេង ស្មើទៅនឹងការចាយវាយទៅលើសេវាកម្មស្រុកគេអស់មួយចំនួនមុនចូលមកកម្ពុជា។ រីឯការហោះហើរត្រង់នេះ មានន័យថាភ្ញៀវទេសចរមានកញ្ចប់ថវិកាក្នុងការចាយវាយ និងទិញ​សេវាកម្មក្នុងស្រុកបានកាន់តែច្រើន។

ស្លៀកសម្លៀកបំពាក់មគ្គុទ្ទេសក៍ទេសចរណ៍ ដោយមានអាវពណ៍គគី និងមានបង់កក្រមាផងនោះ លោក ហ៊ីន ចិន្ដា បានរៀបរាប់ថា៖

«រាជរដ្ឋាភិបាលគ្រោងនឹងបង្កើតកន្លែងច្រើនមែនទែន ពាក់ព័ន្ធ​នឹងវិស័យទេសចរណ៍នេះ ដោយធ្វើម៉េចឱ្យទេសចរស្នាក់នៅប្រទេសយើងឱ្យបានយូរថ្ងៃ។ ធម្មតា បើគេស្នាក់នៅយូរថ្ងៃ ក៏មានន័យថា គេចាយលុយហើយ យ៉ាងហោចណាស់ក៏យើងបានចំណូលចូល​ទៅសហគមន៍ និងប្រជាពលរដ្ឋដែលរស់នៅក្នុងតំបន់ជាដើម»។

យ៉ាងណាមិញ ក្រៅតែពីការជំរុញបង្កើតគោលដៅទេសចរណ៍បន្ថែម ក៏ដូចជាគោលនយោបាយ លើកស្ទួយវិស័យទេសចរណ៍នានារបស់រដ្ឋាភិបាលហើយ អ្នកពាក់ព័ន្ធ ជាពិសេសសេវាករ​ក៏មានចំណែកចូលរួមធំផងដែរ។

ទាក់ទងនឹងចំណុចនេះ លោកបានបន្តពន្យល់ថា៖

« យើងមានចរឹករួសរាយរាក់ទាក់តាំងតែពីដើម ដែលយើងផ្ដល់ការរួសរាយរាក់ទាក់នោះឱ្យទៅភ្ញៀវស្មើៗគ្នា ហើយនេះជាអំណោយផលមួយ ប៉ុន្តែយើងក៏មិនត្រូវភ្លេចពីគុណភាពនៃសេវាកម្មដែលយើងផ្ដល់ទៅឱ្យភ្ញៀវ ព្រោះនេះជាភាពទាក់ទាញដ៏សំខាន់មួយ»។

ដើរនៅក្នុងបរិវេនប្រាសាទបណ្ដើរ លោកបន្តរៀបរាប់បណ្ដើរថា សម្រាប់បច្ចុប្បន្នគុណភាពនៃសេវាកម្មក៏ស្ថិតក្នុងកម្រិតមួយដែលអាចទទួលយកបានរួចហើយ ក៏ប៉ុន្តែសាវាករត្រូវការការពង្រឹងបន្តទៀត ដើម្បីអាចប្រកួតប្រជែងជាមួយទីផ្សារទេសចរណ៍នៃប្រទេសជិតខាង។

ឈររៀបរាប់ដោយទឹកមុខញញឹម លោកមានជំនឿថា កម្ពុជាមានសក្កានុពលជាច្រើនដែលអាចទាក់ចិត្តអ្នកទេសចរបាន ប៉ុន្តែអ្វីដែលត្រូវធ្វើចំពោះមុខគឺត្រូវពង្រឹងគុណភាពសេវាកម្ម និងបង្កើនការផ្សព្វផ្សាយឱ្យបានកាន់តែច្រើនថែមទៀត៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ