សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពី ABC News បានរាយការណ៍ថា ប្រាក់ចំណេញរបស់ក្រុមហ៊ុន Toyota បានធ្លាក់ចុះ ៨,១ ភាគរយ ដោយសារកង្វះខាតបន្ទះឈីប និងការឡើងថ្លៃនៃវត្ថុធាតុដើមដែលប៉ះពាល់ដល់ឧស្សាហកម្មរថយន្ត ក៏ដូចជាក្រុមហ៊ុនផលិតរថយន្តកំពូលរបស់ជប៉ុនមួយនេះផងដែរ។
ប្រាក់ចំណេញពីខែតុលាដល់ខែធ្នូរបស់ក្រុមហ៊ុន Toyota Motor Corp. មានចំនួនសរុប ៧២៧.៩ ពាន់លានយ៉េន (៥,៦ ពាន់លានដុល្លារ) ដែលធ្លាក់ចុះពី ៧៩១.៧ ពាន់លានយ៉េន បើធៀបនឹងកាលពីឆ្នាំ ២០២១។ ក្រុមហ៊ុនបាននិយាយថា ខ្លួនកំពុងប្រឹងប្រែងអស់ពីសមត្ថភាពក្នុងការស្វែងរកអ្នកផ្គត់ផ្គង់បន្ទះឈីបផ្សេងទៀត ដើម្បីបន្តការផលិតតាមតម្រូវការ ដោយសារការឡើងថ្លៃនៃសម្ភារៈ និងថាមពលបានកាត់បន្ថយប្រាក់ចំណេញរបស់ក្រុមហ៊ុន។
Toyota បានរក្សាការព្យាករណ៍ការលក់រថយន្តជាសាកលរបស់ខ្លួនត្រឹមខែមីនានេះត្រឹម ១០,៤ លានគ្រឿង។ ក្រុមហ៊ុននេះរំពឹងថានឹងលក់រថយន្ត Toyota និង Lexus កាន់តែច្រើននៅក្នុងប្រទេសជប៉ុន ប៉ុន្តែការលក់មានចំនួនតិចនៅសហរដ្ឋអាមេរិក និងតំបន់អាស៊ី។ ប្រាក់ចំណូលប្រតិបត្តិការរបស់ខ្លួននៅក្នុងប្រទេសជប៉ុនរងការប៉ះពាល់ពីការប្រែប្រួលរូបិយប័ណ្ណនាពេលថ្មីៗនេះដោយសារប្រាក់យ៉េនជប៉ុនបានធ្លាក់ចុះ និង ធ្វើឲ្យប៉ះពាល់ដល់ប្រាក់ចំណេញរបស់ខ្លួននៅសហរដ្ឋអាមេរិក និងអឺរ៉ុបផងដែរ។
លោក Akio Toyoda ដែលជាចៅប្រុសរបស់ស្ថាបនិកក្រុមហ៊ុន គ្រោងនឹងលាលែងពីតំណែងជានាយកប្រតិបត្តិរបស់ក្រុមហ៊ុន Toyota ខណៈដែលនៅបន្តធ្វើជាប្រធានដើម្បីការផ្លាស់ប្តូរក្នុងគោលបំណងជំរុញការប្រើប្រាស់យានយន្តអគ្គិសនី។ ស្របពេលនេះដែរ នាយកប្រតិបត្តិថ្មីលោក Koji Sato នឹងដឹកនាំការផ្លាស់ប្តូររបស់ Toyota ទៅកាន់រថយន្តបែបបៃតង រួមទាំងរថយន្តដើរដោយថាមពលអគ្គិសនី និងអ៊ីដ្រូសែន។
ក្រុមហ៊ុនផលិតរថយន្តផ្សេងៗទៀតដូចជា Camry sedan រថយន្ត Prius hybrid និង Lexus កំពុងប្រឈមមុខនឹងបញ្ហាជាច្រើន រួមទាំងការកើនឡើងអត្រាការប្រាក់ អតិផរណា អត្រាប្តូរប្រាក់ និងភាពមិនប្រាកដប្រជាផ្នែកនយោបាយជុំវិញពិភពលោកផងដែរ។ ឧស្សាហកម្មរថយន្តសកលត្រូវបានរងផលប៉ះពាល់មួយរយៈ ដោយសារការប៉ះទង្គិចនៃសង្វាក់ផ្គត់ផ្គង់ និង ការរំខានពីការរាតត្បាត៕
Account
Security
Favourite Content