សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ សហរដ្ឋអាម៉េរិកបានប្រកាសកិច្ចព្រមព្រៀងជាមួយចក្រភពអង់គ្លេសសម្រាប់ការមិនយកពន្ធលើផលិតផលឱសថ និងបច្ចេកវិទ្យាផ្នែកវេជ្ជសាស្ត្រ ។នេះបើយោងតាមការររាយការណ៍ពី CNA ។
ផ្អែកលើកិច្ចព្រមព្រៀងមួយនេះ ចក្រភពអង់គ្លេសបានបង្កើនថវិកាសេវាសុខភាពជាតិ (NHS) ពី ០,៣% ទៅ ០,៦% សម្រាប់បង្កើនការចំណាយលើការទិញថ្នាំពេទ្យពីអាម៉េរិក។ នៅក្រោមកិច្ចព្រមព្រៀងនេះ ចក្រភពអង់គ្លេសនឹងបង្កើនតម្លៃសុទ្ធ ២៥% សម្រាប់ទិញឱសថពីអាម៉េរិក ជាថ្នូរនឹងការនាំចេញឱសថ និង បច្ចេកវិទ្យាផ្នែកវេជ្ជសាស្ត្រផលិតរបស់ខ្លួនទៅកាន់អាម៉េរិកវិញដោយគ្មានពន្ធ។
អ្នកតំណាងពាណិជ្ជកម្មអាមេរិក (USTR) លោក Jamieson Greer បាននិយាយនៅក្នុងសេចក្តីថ្លែងការណ៍មួយថា “សហរដ្ឋអាម៉េរិក និងចក្រភពអង់គ្លេសប្រកាសអំពីលទ្ធផលដែលបានចរចាជាមួយគ្នាសម្រាប់ឱសថ ក្នុងគោលបំណងជួយជំរុញការវិនិយោគ និងការច្នៃប្រឌិតនៅក្នុងប្រទេសទាំងពីរ។”
គួរបញ្ជាក់ដែរថា ប្រធានាធិបតីអាម៉េរិកលោក Donald Trump បានជំរុញឱ្យចក្រភពអង់គ្លេស និងបណ្តាប្រទេសអឺរ៉ុបផ្សេងទៀតជាពិសេសប្រទេសអ្នកមានឲ្យបង្កើនការចំណាយប្រាក់សម្រាប់ទិញថ្នាំពេទ្យអាម៉េរិក ដែលជាផ្នែកមួយនៃការជំរុញឱ្យតម្លៃថ្នាំពេទ្យរបស់ខ្លួន។
កិច្ចព្រមព្រៀងនេះកើតឡើងបន្ទាប់ពីលោក Donald Trump គំរាមដំឡើងពន្ធលើការនាំចូលថ្នាំពេទ្យពីចក្រភពអង់គ្លេសដល់ទៅ ១០០% ខណៈដែលអាម៉េរិក គឺជាគោលដៅនាំចេញថ្នាំពេទ្យដ៏ធំបំផុតមួយរបស់ចក្រភពអង់គ្លេស។
ទន្ទឹមនឹងនេះ មានប្រភពពីរដែលដឹងពីកិច្ចព្រមព្រៀងនេះ បង្ហើបថា វាពាក់ព័ន្ធនឹងការផ្លាស់ប្តូរដ៏សំខាន់នៅក្នុងក្របខ័ណ្ឌវាយតម្លៃរបស់ NICE ដែលជាស្ថាប័នរដ្ឋាភិបាលរបស់ចក្រភពអង់គ្លេស មានតួនាទីកំណត់ថាតើថ្នាំពេទ្យថ្មីមានតម្លៃប្រសិទ្ធភាពសម្រាប់ NHS ដែរឬទេ? NICE គណនាការចំណាយប្រចាំឆ្នាំអតិបរមា ៣០ ០០០ ផោន (៣៩ ៧៨៩ ដុល្លារអាម៉េរិក) ដែលមានន័យថា ប្រសិនបើការចំណាយលើសពីកម្រិតនេះ ពួកគេនឹងមិនផ្តល់ថវិកាសម្រាប់ NHS នោះទេ។ លើសពីនេះ ឧស្សាហកម្មឱសថបានរិះគន់ការព្រមព្រៀងរបស់អង់គ្លេសជាមួយនឹងអាម៉េរិក ខណៈដែលក្រុមហ៊ុនធំៗមួយចំនួនបានលុបចោល ឬផ្អាកការវិនិយោគក្នុងប្រទេសមួយនេះរួមមាន ក្រុមហ៊ុន AstraZeneca ដែលជាក្រុមហ៊ុនឱសថធំជាងគេនៅក្នុងផ្សារហ៊ុនទីក្រុងឡុងដ៍។ មិនត្រឹមតែប៉ុណ្ណោះ វាបង្កជាជម្លោះរវាងវិស័យសុខាភិបាល និងរដ្ឋាភិបាលពាក់ព័ន្ធនឹងការដំឡើងថ្លៃទិញថ្នំាពេទ្យពីអាម៉េរិកដោយតម្លៃស្ម័គ្រចិត្ត៕
Account
Security
Favourite Content