សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ថ្មីៗនេះ មានដំណឹងគួរឲ្យភ្ញាក់ផ្អើលមួយដែលជឿជាក់ថា មេដឹកនាំរុស្ស៊ី លោកប្រធានាធិបតី Vladimir Putin នឹងត្រូវបំពេញទស្សនកិច្ចជាផ្លូវរដ្ឋទៅកាន់ប្រទេសវៀតណាម ខណៈដែលពិភពលោកកំពុងរង់ចាំមើលថា តើព្រឹត្តិការណ៍នេះនឹងធ្វើឲ្យមានប្រតិកម្មពីសំណាក់បណ្តាប្រទេសនៅលោកខាងលិចកម្រិតណា ជាពិសេសនោះគឺមហាអំណាចអាមេរិកតែម្តង។
ដំណើរទស្សនៈកិច្ចរបស់មេដឹកនាំរុស្ស៊ីរូបនេះបានធ្វើឡើងនៅក្រោយដែលកិច្ចប្រជុំគ្នាដើម្បីស្វែងរកសន្តិភាពនៅអ៊ុយក្រែនទើបតែត្រូវបានបញ្ចប់ទៅនៅក្នុងប្រទេសស្វីសកាលពីសប្តាហ៍មុន ដោយវៀតណាមបានធ្វើពហិកាមិនចូលរួមជំនួបដ៏សំខាន់នេះ ប៉ុន្តែបែរជាបានបញ្ជូនអនុរដ្ឋមន្ត្រីការបរទេសទៅចូលរួមកិច្ចប្រជុំ BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុនដូចគ្នានេះទៅវិញ។
តាមផែនការ មេដឹកនាំរុស្ស៊ី លោក Putin នឹងត្រូវធ្វើដំណើរមកដល់ទីក្រុងហាណូយសម្រាប់ទស្សនកិច្ចរយៈពេល២ថ្ងៃនៅសប្តាហ៍នេះ ពោលគឺថ្ងៃពុធ និងថ្ងៃព្រហស្បតិ៍។ លោកនឹងត្រូវជួបជាមួយប្រធានាធិបតីវៀតណាម លោក To Lam និងមេដឹកនាំនយោបាយវៀតណាមជាច្រើនរូបផ្សេងទៀត។
ក្រោយទទួលបានព័ត៌មាននេះ សហរដ្ឋអាមេរិកដែលទើបតែបានបង្កើនទំនាក់ទំនងកាន់តែជិតស្និទ្ធមួយកម្រិតទៀតជាមួយនឹងរដ្ឋាភិបាលវៀតណាមកាលពីឆ្នាំទៅបានចេញមកសំដែងភាពមិនពេញចិត្តខ្លាំង ខណៈដែលអាមេរិកក៏កំពុងនាំមុខគេជាដៃគូពាណិជ្ជកម្មធំជាងគេបំផុតមួយរបស់ប្រទេសវៀតណាម។
អ្នកនាំពាក្យរបស់អគ្គរដ្ឋទូតអាមេរិកប្រចាំនៅក្នុងទីក្រុងហាណូយបានថ្លែងប្រាប់ក្រុមអ្នកកាសែតរ៉យទ័រចំពោះសំណួរដែលចោទថា តើវានឹងអាចផ្តល់ផលប៉ះពាល់ចំពោះទំនាក៉ទំនងទ្វេភាគី ឬយ់ាងណាថា? មន្ត្រីទូតរូបនេះបានបញ្ជាក់ថា ៖ មិនគួរមានប្រទេសណាមួយដែលអាចអនុញ្ញាតឲ្យ លោក Putin ប្រើប្រាស់ធ្វើជាវេទិកាដើម្បីផ្សព្វផ្សាយអំពីសកម្មភាពឃោរឃៅរបស់រុស្ស៊ីចំពោះប្រទេសអ៊ុយក្រែននោះឡើយ។ លោកបន្តថា ប្រសិនបើគាត់អាចធ្វើដំណើរបានដោយសេរីបែបនេះបាន វាមានន័យថា រុស្ស៊ី អាចប្រមាថមើលងាយយ៉ាងខ្លាំងចំពោះគោលការណ៍ច្បាប់អន្តរជាតិ។
មកដល់ពេលនេះ ក្រសួងការបរទេសវៀតណាមមិនទាន់បានធ្វើការឆ្លើយតបណាមួយចំពោះការសាកសួរពីសំណាក់ក្រុមអ្នកកាសែតនៅឡើយទេ ហើយសូម្បីតែសហភាពអឺរ៉ុបដែលជាដៃគូពាណិជ្ជកម្មធំបំផុតមួយទៀតរបស់វៀតណាមក៏មិនទាន់ធ្វើការលើកឡើងណាមួយអំពីដំណើរទស្សនកិច្ចនេះដែរ។ យ៉ាងណាក្តី សហភាពអឺរ៉ុបកាលពីខែមុនធ្លាប់បានបង្ហាញភាពមិនពេញចិត្តចំពោះវៀតណាមម្តងហើយចំពោះការពន្យាពេលក្នុងការជួបប្រជុំជាមួយនឹងតំណាងអឺរ៉ុបដើម្បីពិភាក្សាលើទណ្ឌកម្មប្រឆាំងនឹងប្រទេសរុស្ស៊ី។
រំលឹកដែរថា តុលាការឧក្រិដ្ឋកម្មអន្តរជាតិ ICC បានចេញសាលដីកាក្នុងការតាមចាប់ខ្លួនមេដឹកនាំ រុស្ស៊ី លោក Putin តាំងតែពីឆ្នាំ២០២៣ ពីបទឧក្រិដ្ឋកម្មសង្គ្រាមនៅលើទឹកដីអ៊ុយក្រែន ប៉ុន្តែបច្ចុប្បន្ន វៀតណាមក្តី អាមេរិកក្តី និងរុស្សីក្តី គឺមិនមែនជាប្រទេសសមាជិករបស់តុលាការ ICC នោះទេ៕
Account
Security
Favourite Content