សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី Vietnam Plus បានរាយការណ៍ថា ក្រុមហ៊ុនផលិតរថយន្តវៀតណាម VinFast បានត្រៀមបង្ហាញម៉ូតូអគ្គិសនីស៊េរីថ្មីដែលអាចប្តូរអាគុយបានជាលើកដំបូង ដែលមានឈ្មោះថា Evo Max នៅក្នុងអំឡុងខែតុលាខាងមុខនេះ និងមានតម្លៃប្រហែល ២០ លានដុង ឬប្រមាណ ៧៥៩ដុល្លារ ក្នុងមួយគ្រឿង ។
ការបង្ហាញផលិតផលថ្មីនេះ គឺជាការចាប់ផ្តើមនូវសង្វាក់ផលិតកម្មថ្មីដែលអាចផ្លាស់ប្តូរថ្មបានរបស់ VinFast ដោយដាក់បញ្ចូលទៅក្នុងម៉ូដែលម៉ូតូ Feliz Max, Verox Max, និង Drift Max ផងដែរ ជាមួយនឹងគម្រោងដាក់ឱ្យប្រើប្រាស់នៅចុងឆ្នាំនេះ ដើម្បីបំពេញតម្រូវការរបស់អតិថិជន។ VinFast បានអះអាងសារជាថ្មីនូវការប្តេជ្ញាចិត្តរបស់ខ្លួនក្នុងការជួយដល់អ្នកប្រើប្រាស់ក្នុងការផ្លាស់ប្តូរពីយានជំនិះប្រើសាំងទៅជាថាមពលអគ្គិសនីវិញ ជាមួយនឹងការបង្កើតស្ថានីយ៍ផ្លាស់ប្តូរអាគុយចំនួន ១៥០ ០០០ កន្លែងនៅទូទាំងប្រទេសវៀតណាម ក្នុងរយៈពេល ៣ ឆ្នាំខាងមុខ។ ក្រុមហ៊ុនក៏មានគម្រោងដំឡើងស្ថានីយរហូតដល់ចំនួន ៥០ ០០០ កន្លែងនៅចុងឆ្នាំ២០២៥ ឆ្នាំនេះ។
គួរឲ្យបញ្ជាក់ដែរថា ម៉ូដែលថ្មីដែលអាចផ្លាស់ប្តូរអាគុយបានត្រូវបានរចនាឡើងជាមួយនឹងកន្លែងផ្ទុកអាគុយចំនួនពីរ ដែលអាចផ្តល់ភាពងាយស្រួលដល់អ្នកប្រើប្រាស់ក្នុងការដំឡើង និងការដូរអាគុយនៅតាមស្ថានីយ៍សាធារណៈ ឬយានដ្ឋានផ្សេងៗ។ ថ្មអាគុយនីមួយៗមានសមត្ថភាព ១,៥ kWh ដែលអនុញ្ញាតឱ្យជិះបានចម្ងាយអតិបរមា ៨៥ គីឡូម៉ែត្រ។ សម្រាប់អាគុយ អ្នកប្រើប្រាស់ត្រូវចំណាយ ២ សែនដុង (៧,៦០ ដុល្លារ) ។ ប្រសិនបើអ្នកប្រើប្រាស់មិនចង់ដូរអាគុយថ្មីទេ ពួកគេអាចសាកថ្មនៅផ្ទះបាន៕
Account
Security
Favourite Content