សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ខេត្តព្រះសីហនុ៖ ប្រជានេសាទសមុទ្រនៅក្នុងខេត្តព្រះសីហនុភាគច្រើន សុទ្ធតែបានបង្ហាញពីជំនឿចិត្តទៅលើឧបករណ៍ឆ្លាតវៃ VMS អាចជួយសង្គ្រោះអាយុជីវិត និងការពារផលប្រយោជន៍ ជាពិសេសបញ្ចៀសនូវរាល់ហានិភ័យដែលអាចកើតមានឡើងនៅពេលចេញនេសាទ។
លោក ឯម ដាំ ជាអ្នកនេសាទលើផ្ទៃសមុទ្រនៅស្រុកស្ទឹងហាវ ខេត្តព្រះសីហនុ ក្នុងកិច្ចសម្ភាសន៍កាលពីថ្ងៃដើមសប្ដាហ៍នេះបានលើកឡើងថា ឧបករណ៍ VMS បានជួយសង្គ្រោះជីវិតពួកគាត់ តាមរយៈសញ្ញាជូនដំណឹងរបស់ឧបករណ៍នេះទៅកាន់សមត្ថកិច្ចដែលអាចធ្វើការអន្តរាគមន៍បានភ្លាមៗ។
លោកបានបន្ថែមថា៖
«ទូកនេសាទរបស់ខ្ញុំ ជួបហានិភ័យលិចចំនួន២ដង តែត្រូវបានក្រុមសមត្ថកិច្ចជួយសង្រ្គោះទាន់ពេលវេលា។ កុំតែបានឧបករណ៍ VMS កុំអីទូករបស់ខ្ញុំត្រូវខាតបង់ធំ ព្រោះទូកនីមួយៗមានតម្លៃថ្លៃណាស់។ ទូកនេសាទមួយអាចមានតម្លៃចាប់ពី១០ម៉ឺនដុល្លារ ដល់៤០ម៉ឺនដុល្លារ តាមប្រភេទទូកចាស់ថ្មី»។
ក្នុងដំណើរទស្សនកិច្ចរបស់អ្នកសារព័ត៌មាននៅខេត្តព្រះសីហនុ រយៈពេល៣ថ្ងៃ ចាប់ពីថ្ងៃទី១៤ ដល់១៦ ខែធ្នូ ឆ្នាំ២០២៥ លោក បួយ រតនា អនុប្រធានរដ្ឋបាលជលផលបានឱ្យដឹងថា៖ ទូកនេសាទសរុប ១ ៥១៥ គ្រឿង នៅតាមបណ្ដាខេត្តជាប់ឆ្នេរសមុទ្រទាំង៤ ត្រូវបានបំពាក់ឧបករណ៍ VMS ។
លោកបានបញ្ជាក់ថា ការបំពាក់ឧបករណ៍ VMS ត្រូវបានអនុវត្តជា ៣ ដំណាក់កាល៖-ដំណាក់កាលទី១ (ឆ្នាំ២០២៣) គឺបំពាក់នាវាខ្នាតមធ្យមនិងខ្នាតធំ ដែលមានប្រវែងពី ១៨ម៉ែត្រឡើង។ ជាលលទ្ធផលបំពាក់បាន ១២៥គ្រឿង ក្នុងនោះខេត្តកោះកុងចំនួន៧៦គ្រឿង និងខេត្តព្រះសីហនុចំនួន៤៩គ្រឿង។ដំណាក់កាលទី២ (ឆ្នាំ២០២៤) គឺបំពាក់គ្រប់នាវានេសាទដែលប្រើឧបករណ៍នេសាទសកម្ម ជាពិសេស អួនអូស។ ជាលទ្ធផលបំពាក់បាន ៨០០គ្រឿង ក្នុងនោះខេត្តព្រះសីហនុចំនួន ៣៣៩គ្រឿង ខេត្តកោះកុងចំនួន ២១០គ្រឿងខេត្តកំពតចំនួន ២០៥គ្រឿង និងខេត្តកែបចំនួន ៤៦គ្រឿង។ដំណាក់កាលទី៣ (ឆ្នាំ២០២៥) គឺបំពាក់រាល់នាវានេសាទដែលប្រើឧបករណ៍នេសាទសកម្ម ដែលនៅសេសសល់ទាំងអស់។ ជាលទ្ធផលបំពាក់បាន ៥៩០គ្រឿង ក្នុងនោះខេត្តព្រះសីហនុចំនួន ៤៣៨គ្រឿង ខេត្តកោះកុង ៥១គ្រឿង ខេត្តកំពតចំនួន ៩៧គ្រឿង និងខេត្តកែបចំនួន ៤គ្រឿង។
លោកជំទាវ អ៊ឹម រចនា អនុរដ្ឋលេខាធិការ ក្រសួងកសិកម្ម រុក្ខាប្រមាញ់និងនេសាទ បានលើកឡើងថា៖ លើសពីឧបករណ៍តាមដានទូកនេសាទ VMS នឹងជួយបង្ការហានិភ័យគ្រោះថ្នាក់ជាយថាហេតុ ចំពោះប្រជានេសាទដែលរស់នៅតាមតំបន់ឆ្នេរ។
លោកជំទាវបានបន្តថា៖ ប្រព័ន្ធ VMS នៅលើនាវា មានសមត្ថភាពត្រួតពិនិត្យពេលវេលាជាក់ស្តែង ជួយទប់ស្កាត់សកម្មភាពនេសាទខុសច្បាប់ និងធានាបាននូវការនេសាទអនុលោមទៅតាមស្តង់ដាអន្តរជាតិ៕
Account
Security
Favourite Content