សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គម្រោង CAPFish នៃអង្គការ UNIDO ក្រោមការគាំទ្ររបស់សហភាពអឺរ៉ុប បានរៀបចំសិក្ខាសាលាពិគ្រោះយោបល់ ដើម្បីបង្កលទ្ធភាពដល់អ្នកតាក់តែងគោលនយោបាយ គ្រឹះស្ថានសិក្សាស្រាវជ្រាវ និងវិស័យឯកជនធ្វើការរួមគ្នា ដើម្បីដោះស្រាយបញ្ហាឆ្លើយតបនឹងតម្រូវការក្នុងវិស័យជលផល ជាពិសេសការស្រាវជ្រាវ និងនវានុវត្តន៍នៃជលផលក្រោយប្រមូលផល។
តំណាងពីគ្រឹះស្ថានឧត្តមសិក្សានៅកម្ពុជា វិស័យឯកជន រួមនឹងមន្រ្តីពីរដ្ឋបាលជលផល និងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានរួមគ្នាពិភាក្សាអំពីបញ្ហាសំខាន់ៗមួយចំនួនដែលជាមូលដ្ឋានគ្រឹះលើការរៀបចំបង្កើតថ្នាលស្រាវជ្រាវ នវានុវត្តន៍ និងបច្ចេកវិទ្យាអាហារនៅក្នុងសិក្ខាសាលាដែលត្រូវបានរៀបចំក្នុងសប្តាហ៍នេះ។
ការបង្កើតថ្នាលស្រាវជ្រាវ នវានុវត្តន៍ និងបច្ចេកវិទ្យាអាហារនេះជាគំនិតផ្តួចផ្តើមថ្មីមួយទៀត ដែលគម្រោង CAPFish បានរៀបចំឡើង ដើម្បីបង្កលទ្ធភាពដល់អ្នកតាក់តែងគោលនយោបាយ គ្រឹះស្ថានសិក្សាស្រាវជ្រាវ និងវិស័យឯកជនធ្វើការរួមគ្នា ដើម្បីដោះស្រាយបញ្ហា ឆ្លើយតបនឹងតម្រូវការក្នុងវិស័យជលផល ជាពិសេស ការស្រាវជ្រាវ និងនវានុវត្តន៍នៃជលផលក្រោយប្រមូលផល ហើយតាមរយៈថ្នាលបច្ចេកវិទ្យានេះ គម្រោង CAPFish នឹងជំរុញលើកកម្ពស់ការស្រាវជ្រាវ និងនវានុវត្តន៍ សំដៅបង្កើតបច្ចេកវិទ្យាកែច្នៃផលជលផល ដើម្បីបម្រើទីផ្សារក្នុងស្រុក និងនាំចេញ។ លើសពីនេះទៅទៀត ថ្នាលបច្ចេកវិទ្យានេះ នឹងសម្របសម្រួលការអភិវឌ្ឍធនធានមនុស្សនៅកម្ពុជា តាមរយៈការរៀបចំ ឬកែលម្អកម្មវិធីសិក្សាពាក់ព័ន្ធនឹងផលជលផលក្រោយប្រមូលផល ការផ្តល់មូលនិធិសម្រាប់និស្សិតធ្វើកម្មសិក្សា និងអាហារូបករណ៍ថ្នាក់ក្រោយឧត្តមសិក្សាជាដើម។
គំនិតផ្តួចផ្តើមនេះពិតជាមានភាពជាសារវ័ន្ត ឆ្លើយតបយ៉ាងប្រសើរ ទៅនឹងគោលនយោបាយ និងយុទ្ធសាស្ត្រសំខាន់ៗរបស់កម្ពុជា។ ក្នុងចំណោមឯកសារយុទ្ធសាស្ត្រ និងគោលនយោបាយនានា គោលនយោបាយអភិវឌ្ឍន៍ឧស្សាហកម្ម ឆ្នាំ២០១៥-២០២៥ ជាឯកសារដែលមានភាពពាក់ព័ន្ធបំផុត ដោយហេតុថាគោលនយោបាយនេះ បានជំរុញជាយូរមកហើយឱ្យមានពិពិធកម្មខឿនសេដ្ឋកិច្ចជាតិ។ គោលដៅសំខាន់មួយរបស់គោលនយោបាយនេះ គឺការធ្វើពិពិធកម្មការនាំចេញទំនិញ ដោយបង្កើនការនាំចេញផលិតផលមិនមែនវាយនភ័ណ្ឌឱ្យកើនដល់ ១៥% នៃការនាំចេញទាំងអស់នៅឆ្នាំ២០២៥ ខណៈបន្តជំរុញការនាំចេញ ផលិតផលកសិកម្មកែច្នៃរួចរួមទាំងផលិតផលជលផលផងដែរ ឱ្យកើនដល់ ១២% នៃការនាំចេញសរុបនៅឆ្នាំ ២០២៥។
វិស័យជលផលមានសក្តានុពលយ៉ាងធំធេងក្នុងការរួមចំណែកជួយសម្រេចគោលនយោបាយ និងយុទ្ធសាស្ត្រខាងលើ ដោយធនធានជលផលដ៏សំបូរបែប ដែលមានសក្តានុពលខ្ពស់ក្នុងការបង្កើតតម្លៃបន្ថែម។ ទោះយ៉ាងនេះក្តី យើងនៅមិនទាន់បានទាញយកផលចំណេញផ្នែកសេដ្ឋកិច្ចឱ្យអស់សក្តានុពលពីវិស័យនេះនៅឡើយទេ។ តម្លៃបន្ថែមដែលបានពីការកែច្នៃផលជលផលនៅតែមានកម្រិត ហើយផលិតផលកែច្នៃទាំងនេះភាគច្រើន គឺសម្រាប់តែទីផ្សារក្នុងស្រុកជាជាងការនាំចេញ។ ជាទិសដៅបន្ត វិស័យនេះចាំបាច់ត្រូវរៀបចំបង្កើតភាពជាដៃគូរវាងក្រសួងស្ថាប័នពាក់ព័ន្ធ គ្រឹះស្ថានអប់រំជាន់ខ្ពស់ និងវិស័យឯកជនដើម្បីលើកកម្ពស់ការស្រាវជ្រាវ និងនវានុវត្តន៍ សំដៅរួមចំណែកក្នុងការបង្កើតផលិតផល និងបច្ចេកវិទ្យាកែច្នៃថ្មី កាត់បន្ថយថ្លៃដើមផលិតកម្ម និងការបាត់បង់ក្រោយការប្រមូលផល រួមទាំងលើកកម្ពស់ផលិតភាពនៃផលិតកម្ម ។
ឯកឧត្តម ពុំ សុថា ប្រតិភូរាជរដ្ឋាភិបាលទទួលបន្ទុកជាប្រធានរដ្ឋបាលជលផលបានមានប្រសាសន៏ថា ៖
«ឈរលើមូលដ្ឋាននេះ ខ្ញុំមានជំនឿយ៉ាងមុតមាំថា ថ្នាលស្រាវជ្រាវ នវានុវត្តន៍ និងបច្ចេកវិទ្យាអាហារ ដែលយើងរួមគ្នាបង្កើតនាពេលនេះ ពិតជានឹងរួមចំណែកកសាងអនាគតមួយប្រកបដោយភាពជោគជ័យ សម្រាប់វិស័យជលផលជាក់ជាមិនខាន។ នេះគឺជាពេលវេលាដ៏សមស្របបំផុត សម្រាប់យើងប្រកៀកស្មាគ្នា ដើម្បីរៀបចំបង្កើតនូវឯកសារលក្ខន្តិកៈមួយ ដែលជាមូលដ្ឋានគ្រឹះសម្រាប់ថ្នាលស្រាវជ្រាវ នវានុវត្តន៍ និងបច្ចេកវិទ្យាអាហារមួយ ដែលយើងចង់បាន ដើម្បីអនាគតនៃការស្រាវជ្រាវ និងនវានុវត្តន៍ក្នុងវិស័យជលផល»
លោក សុខ ណារិន តំណាងអង្គការ UNIDO ប្រចាំនៅប្រទេសកម្ពុជា បានថ្លែងថា ថ្វីបើថ្នាលដែលកំពុងរៀបចំបង្កើតឡើងនេះស្ថិតនៅក្រោមក្របខណ្ឌគម្រោង CAPFish ក៏ដោយគំនិតផ្តួចផ្តើមនេះគឺជាផ្នែកមួយនៃកម្មវិធីភាពជាដៃគូសម្រាប់ប្រទេសកម្ពុជាដែលជាក្របខណ្ឌមួយត្រូវបានបង្កើតឡើង ដើម្បីលើកកម្ពស់ខ្សែច្រវ៉ាក់ តម្លៃកសិឧស្សាហកម្ម និងពិពិធភាវូបនីយកម្មឧស្សាហកម្ម។ លោកបានថ្លែងបន្តថា ៖
«យើងជឿជាកថាគំនិតផ្តួចផ្តើមនេះនឹងរួមចំណែកកសាងប្រព័ន្ធអេកូឡូស៊ីដែលគាំទ្រដល់ការធ្វើធុរកិច្ច និងបង្កើត បានសហចលនា (Synergy) ជាមួយគម្រោងមួយចំនួនផ្សេងទៀតដែលកំពុងត្រូវបានអនុវត្តដោយអង្គការ UNIDO ជាក់ជាប្រាកដ។ ការអនុវត្តអន្តរាគមន៍ទាំងនេះរួមគ្នាពិតជានឹងរួមចំណែកបង្កើតបានប្រព័ន្ធអេកូឡូស៊ីមួយដែលមានលក្ខណៈអំណោយផលដល់អាជីវកម្ម និងធុរកិច្ចបង្កើតថ្មីយ៉ាងប្រាកដ»
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
លោក Putin ធ្វើទស្សនកិច្ចលើកដំបូងបង្អស់ទៅកាន់ប្រជុំកោះ Kuril តំបន់ជម្លោះដ៏រ៉៉ាំរ៉ៃជាមួយជប៉ុន
ព្រឹត្តិការណ៍, អាជីវកម្មថ្មី និងនវានុវត្ត
• 13/08/2026
ប្រធានាធិបតីរុស្ស៊ី លោក Vladimir Putin បានធ្វើទស្សនកិច្ចជាលើកដំបូងបង្អស់របស់លោកទៅកាន់ប្រជុំកោះ Kuril ក្នុងអំឡុងពេលធ្វើដំណើរទស្សនកិច្ចការងារនៅតំបន់ស៊ីបេរី និងចុងបូព៌ា
អាម៉េរិកបង្ខំក្រុមហ៊ុនអាវុធធំៗ ដាក់ផែនការបង្កើនផលិតកម្មក្នុងរយៈពេល ២១ ថ្ងៃ
ព្រឹត្តិការណ៍, អាជីវកម្មថ្មី និងនវានុវត្ត
• 13/08/2026
ក្រសួងការពារជាតិអាម៉េរិក បានទុកពេលត្រឹម ២១ ថ្ងៃ ឱ្យក្រុមហ៊ុនផលិតអាវុធធំៗ ដាក់ជូនផែនការលម្អិតសម្រាប់ពន្លឿនការផលិតសព្វាវុធសំខាន់ៗ ខណៈស្តុកមីស៊ីលរបស់អាម៉េរិកបានធ្លាក់ចុះយ៉ាងខ្លាំង បន្ទាប់ពីការប្រើប្រាស់សព្វាវុធក្នុងប្រតិបត្តិការយោធានៅមជ្ឈិមបូព៌ានាពេលថ្មីៗនេះ
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content