សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សៀវភៅណែនាំស្តីពី “ការធ្វើអាជីវកម្មនៅកម្ពុជាឆ្នាំ ២០២៣-២០២៤” ជាភាសាបារាំង (Guide “Entreprendre au Cambodge 2023-2024” ) ត្រូវបានសម្ពោធជាផ្លូវការនៅសណ្ឋាគារ រ៉ាហ្វល ឡឺរ៉ូយ៉ាល់ កាលពីថ្ងៃទី២៧ ខែកញ្ញា ឆ្នាំ២០២៣។ សៀវភៅនេះផ្ដល់ជូនដោយមិនគិតថ្លៃ និងត្រូវបានបោះពុម្ពផ្សាយរៀងរាល់ពីរឆ្នាំម្តង ក្នុងនាមជាឧបករណ៍ដ៏សំខានមួយសម្រាប់សហគ្រិនបារាំងដែលមានបំណងចង់ជោគជ័យនៅក្នុងសេដ្ឋកិច្ចដែលកំពុងរីកចម្រើនរបស់កម្ពុជា។
លោក កែប៊ីន – សូរស្មី ប្រធានសភាពាណិជ្ជកម្ម និងឧស្សាហកម្មបារាំង-កម្ពុជា បានមានប្រសាសន៍ថា ការបោះពុម្ពផ្សាយលើកទី២ នៃសៀវភៅណែនាំស្តីពី ការធ្វើអាជីវកម្មនៅកម្ពុជា នេះ ធ្វើឡើងក្នុងពេលដ៏សំខាន់សម្រាប់កម្ពុជា ខណៈពេលដែលមានការប្រកាសឱ្យប្រើប្រាស់ច្បាប់ថ្មីស្តីពីការវិនិយោគ។ ការធ្វើអាជីវកម្មនៅកម្ពុជា នៅតែមានភាពងាយស្រួលជាងប្រទេសដទៃទៀតនៅក្នុងតំបន់ ប៉ុន្តែនៅតែចាំបាច់ត្រូវជូនដំណឹងឱ្យបានសមស្របដល់អ្នកដែលទើបមកដល់ ក៏ដូចជាអ្នកដែលមានវត្តមានរួចហើយអំពីឱកាស និងភាពជាក់លាក់នៃទីផ្សារកម្ពុជា ក៏ដូចជាចំណុចដែលត្រូវពិចារណាដោយប្រុងប្រយ័ត្នចំពោះរាល់ការវិនិយោគ។
ការបោះពុម្ពផ្សាយថ្មីនេះ ត្រូវបានសម្របសម្រួលដោយសភាពាណិជ្ជកម្ម និងឧស្សាហកម្មបារាំង-កម្ពុជា ដោយផ្តល់នូវការវិភាគដែលមានបច្ចុប្បន្នភាពអំពីវិស័យសេដ្ឋកិច្ចគន្លឹះរបស់ប្រទេស និងឱកាសដែលវិស័យទាំងនោះផ្តល់ជូន។ សៀវភៅណែនាំនេះត្រូវបានបែងចែកជាច្រើនផ្នែកចាប់ផ្តើមដោយបទបង្ហាញទូទៅអំពីកម្ពុជា ដែលជួយឱ្យអ្នកអានទទួលបានការយល់ដឹងស៊ីជម្រៅអំពីបរិបទសេដ្ឋកិច្ច និងវប្បធម៌របស់កម្ពុជា។ សៀវភៅណែនាំនេះក៏ផ្ដល់នូវដំបូន្មានសំខាន់ៗដើម្បីឈ្វេងយល់អំពីបរិយាកាសធុរកិច្ចកម្ពុជា និងចាប់យកឱកាសផ្នែកពាណិជ្ជកម្មដែលកំពុងតែរីកចម្រើនឡើងផងដែរ។
យ៉ាងណាមិញ សភាពាណិជ្ជកម្ម និងឧស្សាហកម្មបារាំង-កម្ពុជា ក៏បានថ្លែងអំណរគុណដល់ការិយាល័យមេធាវី សុក ស៊ីផាន់ណា និងសហការីដែលបានចូលរួមចំណែជំពូកស្ដីពីក្របខណ្ឌច្បាប់ ដោយផ្ដល់នូវទស្សនៈផ្នែកបច្ចេកទេសសំខាន់ៗអំពីប្រធានបទ ដូចជាច្បាប់ស្តីពីសារពើពន្ធ ច្បាប់ស្តីពីការងារ និងបទប្បញ្ញត្តិស្តីពីដីធ្លី និងបច្ចេកទេសសំខាន់ៗអំពីប្រធានបទ ដូចជាច្បាប់ស្តីពីសារពើពន្ធ ច្បាប់ស្តីពីការងារ និងបទប្បញ្ញត្តិស្តីពីដីធ្លី និងអចលនទ្រព្យ ការរួមចំណែកពីក្រុមហ៊ុន បូឡូរ៉េ ឡូជីស្ទីក ក្រុមហ៊ុនអាកាសយានដ្ឋានកម្ពុជា ក្រុមហ៊ុន Clevereen – ក្រុមហ៊ុន East-West Seed និងឱសថស្ថានយូខ្មែរ ក៏បាននាំយកជំនាញដោយធានាបាននូវភាពជាក់លាក់ និងគុណភាពផងដែរ។
លើសពីនេះ សៀវភៅណែនាំនេះ បានគូសបញ្ជាក់ពីជំហររបស់កម្ពុជាផ្នែកពាណិជ្ជកម្មអន្តរជាតិ និងវិស័យនានា ដែលផ្តល់ឱកាសដល់ធុរកិច្ចបារាំងរាប់ចាប់ពីវិស័យកសិកម្ម រហូតដល់ទេសចរណ៍។ សៀវភៅណែនាំនេះក៏ផ្តល់ដំបូន្មានដ៏មានតម្លៃសម្រាប់អ្នកដែលចង់ឈ្វេងយល់ដោយខ្លួនឯងអំពីបរិយាកាសអាជីវកម្មនៅក្នុងព្រះរាជាណាចក្រកម្ពុជា រាប់ចាប់ពីការកំណត់តម្រូវការ រហូតដល់ការទំនាក់ទំនងជាមួយអតិថិជន។
គួរបញ្ជាក់ថា សភាពាណិជ្ជកម្ម និងឧស្សាហកម្មបារាំង-កម្ពុជា ត្រូវបានបង្កើតឡើងក្នុងឆ្នាំ១៩៩៨ មានបេសកកម្មធ្វើជាតំណាងសហគ្រិនបារាំងនៅកម្ពុជា និងលើកកម្ពស់ការផ្លាស់ប្តូរសេដ្ឋកិច្ចរវាងបារាំង និងកម្ពុជា ដោយ មានសមាជិកសកម្មជាង ១៧៥ ក្រុមហ៊ុន សភាពាណិជ្ជកម្មនិងឧស្សាហកម្មបារាំង-កម្ពុជាដើរតួនាទីយ៉ាងសំខាន់ក្នុងការបង្កើតទំនាក់ទំនងផ្នែកពាណិជ្ជកម្មទ្វេភាគី និងការការពារផលប្រយោជន៍របស់សហគ្រិនបារាំងនៅកម្ពុជា៕ អត្ថបទដោយ ៖ ញ៉ែម សុផល
Account
Security
Favourite Content