សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ មនុស្សម្នាក់ៗតែងតែមានក្តីស្រមៃចង់មានលំហូរសាច់ប្រាក់គ្រប់គ្រាន់ក្នុងដៃសម្រាប់ចំណាយលើការរស់នៅប្រចាំថ្ងៃ ប្រចាំខែ និងប្រចាំឆ្នាំជាដើម ប៉ុន្តែវាមិនមែនជារឿងងាយស្រួលនោះទេ លុះត្រាតែមានផែនការហិរញ្ញវត្ថុឱ្យបានត្រឹមត្រូវ និងពិនិត្យមើលសុខភាពហិរញ្ញវត្ថុផ្ទាល់ខ្លួនឱ្យបានទៀងទាត់ ទើបឈានដល់ការសម្រេចក្ដីស្រមៃនេះបាន។
ជាទូទៅតែងតែមានសំនួរលើកឡើងថា តើសុខភាពហិរញ្ញវត្ថុជាអ្វី? សុខភាពហិរញ្ញវត្ថុសំដៅលើស្ថានភាហិរញ្ញវត្ថុផ្ទាល់របស់អ្នក។ បើនិយាយពីសុខភាពហិរញ្ញវត្ថុ គឺត្រូវគិតដល់ពិន្ទុឥណទាន ស្ថានភាពបំណុល ការសន្សំ ការចំណាយចំណូលប្រចាំខែ ផែនការចូលនិវត្តន៍ និងកិច្ចការជាច្រើនទៀត។
សុខភាពហិរញ្ញវត្ថុអាចមានន័យផ្សេងៗសម្រាប់មនុស្សម្នាក់ៗ។ សម្រាប់អ្នកខ្លះ វាមានន័យថា មានលទ្ធភាពចំណាយលើរបស់របរ និងអ្វីៗដែលពួកគេចង់បាន ដូចជា ផ្ទះថ្មី វិស្សមកាលវែង ឬការចាប់ផ្តើមគ្រួសារថ្មីជាដើម។ សម្រាប់អ្នកខ្លះទៀត វាមានន័យថា សន្តិភាពផ្លូវចិត្ត ឬភាពរីករាយដោយមិនបាច់ព្រួយបារម្ភអំពីលុយ។
ទោះបីជាយ៉ាងណាក៏ដោយ សុខភាពហិរញ្ញវត្ថុគួរតែមានការពិនិត្យឱ្យបានទៀងទាត់ ដូចជាសុខភាពផ្លូវកាយ និងផ្លូវចិត្ត ហើយធ្វើការកែតម្រូវតាមការចាំបាច់។ ខាងក្រោមនេះ គឺគន្លឺះមួយចំនួន ដែលជួយធ្វើឱ្យប្រសើរឡើងនូវសុខភាពហិរញ្ញវត្ថុផ្ទាល់ខ្លួន ៖
១- ចាប់ផ្តើមសន្សំ ៖ ការសន្សំពិតជាសំខាន់ណាស់ បើទោះបីជាចាប់ផ្តើមសន្សំ ២, ៣, ឬ ៤ រៀល ក្នុងមួយសប្តាហ៍ក៏ដោយ។ គួរបើកគណនីសន្សំនៅគ្រឹះស្ថានធនាគារ និងហិរញ្ញវត្ថុផ្លូវការ ហើយនៅពេលអ្នកដាក់សន្សំ វាជួយបង្កើនលុយរបស់អ្នកទៀតផង តាមរយៈការទទួលបានការប្រាក់ប្រចាំឆ្នាំពីគ្រឹះធនាគារ និងហិរញ្ញវត្ថុ ដែលអ្នកបានយកលុយទៅសន្សំ។
២- ទូទាត់សងកម្ចី ៖ ប្រសិនបើអ្នកជាប់កម្ចី ត្រូវចាត់វិធានការដើម្បីទូទាត់សងកម្ចីឱ្យបានលឿនតាមដែលអាចធ្វើទៅបាន។ នៅពេលអ្នកទូទាត់កម្ចីរួចរាល់ នោះវានឹងជួយសម្រាលបន្ទុកចំពោះស្ថានភាពហិរញ្ញវត្ថុរបស់អ្នកច្រើន ហើយអ្នកអាចបង្កើនការសន្សំ ដើម្បីសម្រេចបានគោលដៅហិរញ្ញវត្ថុរបស់អ្នក។
៣- ពិនិត្យឱ្យបានជាប់លាប់ជាមួយផែនហិរញ្ញវត្ថុ ៖ អ្នកជោគជ័យក្នុងការរៀបចំផែនការហិរញ្ញវត្ថុ គឺតែងតែដឹងពីចំណាយ និងចំណូលច្បាស់លាស់។ នៅពេលដែលអ្នកដឹងថាតើលុយរបស់ចំណាយលើអ្វីខ្លះ ត្រូវបង្កើតផែនការមួយដើម្បីបន្ថយការចំណាយ ហើយសន្សំកាន់តែច្រើន។ កិច្ចការដែលសំខាន់មួយទៀតនោះគឺ ត្រូវមានបញ្ជីស្នាមឱ្យច្បាស់លាស់ នោះអ្នកនឹងដឹងកាន់តែច្បាស់លំហូរសាច់ប្រាក់របស់អ្នក។
៤- ផែនការសម្រាប់គ្រាអាសន្ន ៖ ត្រូវត្រៀមខ្លួន ពិសេសរៀបចាំកញ្ចប់ថវិកាសម្រាប់បញ្ហាដែលអាចកើតឡើងដោយមិនបានព្រាងទុក។ ធ្វើដូច្នេះ វាអាចជួយបង្កើនសុខភាពហិរញ្ញវត្ថុទូទៅរបស់អ្នក។ មនុស្សចំនួនតែងតែជួបនូវហិរញ្ញវត្ថុ នៅពេលពួកគេមិនបានរៀបចំកញ្ចប់ថវិកាសម្រាប់គ្រាអាន្ន។ អ្នកគួរចំណាយពេលពេលមួយចំនួន ដើម្បីបង្កើតយុទ្ធសាស្រ្ត ដែលនឹងការពារហានីភ័យណាមួយដែលកើតឡើង។
៥- ផែនការចូលនិវត្តន៍ ៖ ជាធម្មតា មនុស្សម្នាក់ៗតែងតែមានផែនការចូលនិវត្តន៍ នៅពេលដែលខ្លួនចាស់ទៅ។ នៅពេលអ្នកចាប់ផ្តើមចេញធ្វើការ ហើយទទួលបានចំណូល អ្នកគួររៀបចំកញ្ចប់ថវិកាមួយសម្រាប់ការចូលនិវត្តន៍។ ការរៀបចំកញ្ចប់ថវិកានេះនឹងធើ្វឱ្យអ្នកមិនមានការព្រួយបារម្ភលើការចំណាយ នៅពេលអ្នកចូលនិវត្តន៍ ព្រោះអ្នកមានកញ្ចប់ថវិកាផ្ទាល់ខ្លួន ដែលអាចរ៉ាប់រងលើការទូទាត់ចំណាយផ្សេងៗបានដោយខ្លួនឯង៕
Account
Security
Favourite Content