សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រដ្ឋាភិបាលជប៉ុន តាមរយៈឯកអគ្គរាជទូតជប៉ុនប្រចាំកម្ពុជាបានបញ្ជាក់ថា ភាគីជប៉ុន នឹងជួយជំរុញកំពង់ផែក្រុងព្រះសីហនុឱ្យក្លាយទៅជាកំពង់ផែស្នូលរបស់ព្រះរាជាណាចក្រកម្ពុជា ដើម្បីគាំទ្រ និងបង្កើនកំណើនសេដ្ឋកិច្ចកម្ពុជាឲ្យកាន់តែល្អប្រសើរ។
លោក MIKAMI Masahiro ឯកអគ្គរាជទូតជប៉ុនប្រចាំកម្ពុជា នៅក្នុងឱកាសទទួលបានការអនុញ្ញាតចូកជួបសម្ដែងការគួរសម និងពិភាក្សាការងារជាមួយ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នាព្រឹកថ្ងៃទី២៨ ខែធ្នូ ឆ្នាំ២០២១ បានលើកឡើងថា រដ្ឋាភិបាលជប៉ុននឹងព្យាយាមធ្វើយ៉ាងណាអាចជំរុញកំពង់ផែក្រុងព្រះសីហនុឱ្យទៅជាកំពង់ផែស្នូលរបស់ព្រះរាជាណាចក្រកម្ពុជា។
លោកបានលើកឡើងទៀតថា នៅឆ្នាំ២០២២ គឺជាខួប៣០ នៃ PKO (peace keeping operation) ហើយជប៉ុនត្រៀមបញ្ជូននូវនាវាស្វ័យការពារជើងទឹកមកចូលចតនៅកម្ពុជា។ ទន្ទឹមនេះ ក៏គ្រោងនឹងអញ្ជើញឯកឧត្ដម ហ៊ុន ម៉ាណែត ដើម្បីនឹងទៅបំពេញទស្សនកិច្ចនៅផ្លូវការនៅប្រទេសជប៉ុនផងដែរ។
ឯកឧត្ដម អ៊ាង សុផល្លែត ជំនួយការផ្ទាល់សម្ដេចតេជោ ហ៊ុន សែន បានឱ្យដឹងថា ឯកអគ្គរាជរដ្ឋទូតជប៉ុនបានគោរពរាយការណ៍ជូនសម្ដេចតេជោ អំពីលទ្ធផលនៃកិច្ចសហប្រតិបត្តិការរវាងកម្ពុជា និងជប៉ុន ដែលក្នុងនោះ រួមមាន វិស័យសុខាភិបាល ដែលជប៉ុនបានផ្ដល់វ៉ាក់សាំងអាស្ត្រាហ្សេនីកា ចំនួន៣០ម៉ឺនដូសមកដល់កម្ពុជា ហើយនឹងត្រៀមផ្ដល់នូវជំនួយមកដល់កម្ពុជា ដែលនឹងត្រូវចុះហត្ថលេខានាពេលខាងមុខនេះ។
ក្នុងឱកាសនោះ សម្ដេចតេជោ ហ៊ុន សែន ក៏បានថ្លែងអំណរគុណចំពោះរដ្ឋាភិបាល និងប្រជាជនជប៉ុន ដែលបានជួយដល់កម្ពុជាក្នុងការផ្ដល់នូវវ៉ាក់សាំង ក៏ដូចជាជំនួយដទៃទៀត មានជាបរិក្ខារជាដើម ដើម្បីជួយដល់កម្ពុជាក្នុងការទប់ស្កាត់ និងប្រយុទ្ធប្រឆាំងនិងការរាតត្បាតនៃជំងឺកូវីដ-១៩។ ជាមួយគ្នានេះ សម្ដេចតេជោក៏បានថ្លែងអំណរគុណចំពោះជប៉ុនក្នុងការផ្ដល់ជារថយន្ត សម្ភារ និងកិច្ចសហប្រតិបត្តិការ ក៏ដូចជាការគាំទ្រ ដើម្បីធ្វើយ៉ាងណាឱ្យកម្ពុជាទទួលបានជោគជ័យក្នុងការដឹកនាំជាប្រធានអាស៊ាននាពេលខាងមុខ។
សម្ដេចតេជោ ហ៊ុន សែន ក៏បានថ្លែងអំណរគុណចំពោះការអញ្ជើញឯកឧត្ដម ហ៊ុន ម៉ាណែត ទៅបំពេញទស្សនកិច្ចផ្លូវការនៅប្រទេសជប៉ុន និងការចូលចតនាវាស្វ័យការពារជើងទឹកនៅកម្ពុជានិងចំពោះបំណងមក វិនិយោគរបស់ក្រុមហ៊ុនផលិតថាមពលអគ្គិសនី ក៏ដូចជាការគាំទ្រកំពង់ផែក្រុងព្រះសីហនុ ឱ្យទៅជាកំពង់ផែស្នូលនោះ សម្ដេចតេជោបានស្វាគមន៍ និងស្នើឱ្យបន្តធ្វើការជាមួយនឹងស្ថាប័នពាក់ព័ន្ធតទៅទៀត។
ចំពោះកិច្ចសហប្រតិបត្តិការក្នុងតំបន់ ជាពិសេសកិច្ចសហប្រតិបត្តិការលើវិស័យអាស៊ាន និងវិនិយោគ ឯកឧត្ដមឯកអគ្គរាជទូតបានជម្រាបជូនសម្ដេចតេជោថា មានក្រុមហ៊ុនរបស់ជប៉ុនមួយចំនួន កំពុងតែស្នើសុំបង្កើតរោងចក្រផលិតថាមពលអគ្គិសនី ដោយឧស្ម័នធម្មជាតិ និងពន្លឺព្រះអាទិត្យនៅកម្ពុជា។
សូមបញ្ជាក់ថាក្រុមហ៊ុនសាងសង់កំពង់ផែនេះ នឹងត្រូវចំណាយពេលជិត១ឆ្នាំ ហើយគ្រោងនឹងចាប់ផ្តើមសាងសង់កំពង់ផែទឹកជ្រៅដំណាក់កាលទី១នៅពាក់កណ្តាលឆ្នាំ២០២១ ហើយនឹងបញ្ចប់នៅឆ្នាំ២០២៤»។ សម្រាប់ការសាងសង់កំពង់ផែទឹកជ្រៅជម្រៅ ១៤,៥ម៉ែត្រដំណាក់កាលទី១ នឹងត្រូវចំណាយថវិកាប្រមាណជាង ២០០លានដុល្លារ និងការកសាងក្នុងដំណាក់កាលទី២ និងទី៣ ចំណាយប្រមាណ ៥០០លានដុល្លារអាមេរិក៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រយៈពេល ៣ឆ្នាំ កម្ពុជាទទួលបានគម្រោងវិនិយោគសរុបចំនួនជាង ១៤៩០គម្រោង ក្នុងទំហំទុនវិនិយោគជិត ២៦ពាន់លានដុល្លារ
Top News, ព្រឹត្តិការណ៍, សេដ្ឋកិច្ច
• 21/08/2026
ចាប់តាំងពីការកកើតរាជរដ្ឋាភិបាលក្នុងអាណត្តិទី៧ រហូតដល់ដំណាច់ខែកក្កដា ឆ្នាំ២០២៦ ក្រុមប្រឹក្សាអភិវឌ្ឍន៍កម្ពុជាទទួលបានគម្រោងវិនិយោគចុះបញ្ជីសរុបចំនួន ១ ៤៩៣គម្រោង ជាមួយនឹងដើមទុនសរុបចំនួនជិត ២៦ពាន់លានដុល្លារអាម៉េរិក
៣ឆ្នាំ នៃអាណត្តិសម្ដេចធិបតី យុវជនក្រក្រី និងប្រជាពលរដ្ឋជិត ៥០ម៉ឺននាក់ មានជំនាញជាក់លាក់ ជាគន្លឹះទទួលបានការងារសមរម្យ
Top News, ព្រឹត្តិការណ៍, សេដ្ឋកិច្ច
• 21/08/2026
រយៈពេល ៣ឆ្នាំ នៃអាណត្តិសម្ដេចធិបតី យុវជនក្រក្រី និងប្រជាពលរដ្ឋជិត ៥០ម៉ឺននាក់ មានជំនាញជាក់លាក់ ជាគន្លឹះទទួលបានការងារសមរម្យ បង្កើនប្រាក់ចំណូល
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content