សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ លោកអ្នកប្រហែលជាធ្លាប់បានឃើញ និងបានស្គាល់រួចមកហើយនូវអក្សរបួនតួ VISA លើកាតធនាគាររបស់លោកអ្នកដែលនៅពេលបច្ចុប្បន្ន។ នៅពេលលោកអ្នកទំនិញ ឬបង់ទូរទាត់ប្រាក់តាមប្រព័ន្ធអេឡិចត្រូនិក មិនថាការឆូតកាត ឬការបំពេញព័ត៌មានធនាគារ ដើម្បីបង់ប្រាក់អនឡាញ ប្រតិបត្តិការទាំងនេះជាធម្មតាគឺមិនប្រព្រឹត្តទៅតាមប្រព័ន្ធធនាគារតែម្យ៉ាងនោះទេ ពោលគឺត្រូវមានប្រព័ន្ធ VISA ចូលរួមទើបដំណើរការនោះប្រព្រឹត្តទៅបាន។
VISA មិនមែនជាផ្នែកមួយស្ថិតនៅក្រោមធនាគារនោះទេ។ ធនាគារទិញសេវាកម្មរបស់ VISA ដើម្បីបម្រើដល់អតិថិជនខ្លួន។ VISA Inc. គឺជាសាជីវកម្មសេវាហិរញ្ញវត្ថុពហុជាតិ ដែលមានទីស្នាក់ការកណ្តាលនៅទីក្រុង Foster រដ្ឋកាលីហ្វ័រញ៉ា សហរដ្ឋអាមេរិក។ VISA ជួយសម្រួលដល់ការផ្ទេរប្រាក់តាមអេឡិចត្រូនិកនៅទូទាំងពិភពលោក តាមរយៈប័ណ្ណឥណទានម៉ាក VISA ប័ណ្ណឥណពន្ធ និងប័ណ្ណបង់ប្រាក់ជាមុន។
បន្ថែមពីនេះ VISA មិនមែនជាអ្នកចេញប័ណ្ណឥណទាន ឬឥណពន្ធនោះទេ ប៉ុន្តែស្ថាប័នហិរញ្ញវត្ថុដូចជាធនាគារជាដើម ដែលជាអតិថិជនរបស់ VISA ទើបជាអ្នកចេញប័ណ្ណដល់អ្នកប្រើប្រាស់ និងអាជីវកម្ម។ VISA រកប្រាក់ចំណេញដោយការលក់សេវាកម្មក្នុងនាមជាឈ្មួញកណ្តាលរវាងស្ថាប័នហិរញ្ញវត្ថុ និងពាណិជ្ជករ។ ចំណុចពិសេសមួយគឺក្រុមហ៊ុន VISA មិនទទួលបានប្រាក់ចំណេញពីការប្រាក់ដែលគិតលើការទូទាត់តាមកាត VISA នោះទេ ដែលការប្រាក់នោះត្រូវបានគិតដោយស្ថាប័នហិរញ្ញវត្ថុដែលចេញប័ណ្ណនោះ។
គំរូអាជីវកម្មរបស់ VISA ត្រូវបានគេស្គាល់ថាជាគំរូភាគីទាំង ៤ ។ នៅពេលអ្នកប្រើកាត VISA ដើម្បីធ្វើការទិញទំនិញដោយប្រើ VISA កាត មានភាគីចំនួន៤ ដែលពាក់ព័ន្ធ រួមមានអតិថិជនធ្វើការទិញ ធនាគារដែលទុកលុយអតិថិជន អាជីវករលក់ផលិតផល និង VISA ដែលធ្វើការជាឈ្មួញកណ្តាលដែលភ្ជាប់ភាគីទាំង៣ ជាមួយគ្នា។ នៅពេលអ្នកចាយប្រាក់ ១០០ដុល្លារតាម VISA កាត នោះក្រុមហ៊ុន VISA នឹងរកប្រាក់បាន ២៥សេន នេះបើយោងតាមអ្នកស្រី Lisa Ellis អ្នកវិភាគជាន់ខ្ពស់នៅ MoffetNathason LLC ចេញផ្សាយដោយ CNBC។
យោងតាមរបាយការណ៍ហិរញ្ញវត្ថុនៃ VISA Inc. បានឲ្យដឹងថា ប្រាក់ចំណូលសរុបប្រចាំឆ្នាំ២០២០ នៃ VISA មានទំហំប្រមាណ 21.8 ពាន់លានដុល្លារអាមេរិក ។ ចំណូលរបស់ក្រុមហ៊ុន VISA ត្រូវបានបែងចែកជា៤ផ្នែកធំៗ រួមមានចំណូលពីដំណើរការទិន្នន័យ ចំណូលសេវាកម្ម ចំណូលពីប្រតិបត្តិការអន្តរជាតិ និងចំណូលផ្សេងៗ។ ចំណូលពីដំណើរការទិន្នន័យ សំដៅលើចំណូលពីការបញ្ជូន គ្រប់គ្រង រក្សាទុក និងផ្ទៀងផ្ទាត់ទិន្នន័យ ដែលមានទំហំធំជាងគេគឺស្មើនឹង ៤០%នៃចំណូលសរុប។ ចំណូលសេវាកម្មគឺជាចំណូលដែល VISA គិតថ្លៃពីស្ថាប័នហិរញ្ញវត្ថុដែលចេញប័ណ្ណឥណទាន ឬឥណពន្ធដែលដំណើរការលើបណ្តាញ VISA ឲ្យអតិថិជនប្រើប្រាស់។
ចំណូលសេវាកម្មនេះមានទំហំស្មើនឹង ៣៥%នៃចំណូលសរុប។ ចំណូលពីប្រតិបត្តិការអន្តរជាតិ ជាចំណូលពីប្រតិបត្តិការទូរទាត់ប្រាក់ឆ្លងប្រទេស ដែលចំណូលនេះមានទំហំប្រមាណ ១៩%នៃចំណូលសរុប។ ក្រៅពីចំណូលធំៗទាំង ៣ VISA មានប្រភេទចំណូលតូចៗផ្សេងទៀត ដែលត្រូវបានចាត់់ទុកជាចំណូលផ្សេងៗ មានទំហំប្រមាណ ៥%នៃចំណូលសរុប។ នេះបើយោងតាមគេហទំព័រ Investopedia៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រសួងរៀបចំដែនដី កំពុងអនុវត្តយ៉ាងខ្ជាប់ខ្ជួននូវសមរភូមិទៅតាមផែនទីឯកភាពការងាររបស់ខ្លួន ដើម្បីបន្តមរតកសុខសន្តិភាព
Top News, ព្រឹត្តិការណ៍, អចលនទ្រព្យ
• 27/10/2026
ភ្នំពេញ ៖ ក្រសួងរៀបចំដែនដី នគរូបនីយកម្ម និងសំណង់ បាននិងកំពុងអនុវត្តយ៉ាងខ្ជាប់ខ្ជួននូវសមរភូមិទៅតាមផែនទីឯកភាពការងាររបស់ខ្លួន ដើម្បីបន្តមរតកសុខសន្តិភាពក្នុងក្របខណ្ឌក្រសួង និងធ្វើឱ្យមរតកនេះចាក់គ្រឹះក្នុងសង្គមកម្ពុជា ដោយបម្រើឧត្តមប្រយោជន៍ជាតិ និងប្រជាជន ស្របទៅតាមការវិវត្តនៃរចនាសម្ព័ន្ធសេដ្ឋកិច្ច និងសង្គម។ សូមគូសបញ្ជាក់ថា សមរភូមិទាំង៧ របស់ក្រសួងរៀបចំដែនដី នគរូបនីយកម្ម និងសំណង់ រួមមាន៖ ១. ការរៀបចំផ្ទះសំបែងឱ្យរៀបរយ៖
ហៃណាន ជំរុញការបង្កាត់ពូជស្រូវឆ្លាតវៃ ដោយប្រើបច្ចេកវិទ្យាហ្សែន និងស្វ័យប្រវត្តិកម្ម
ព្រឹត្តិការណ៍, អាជីវកម្មថ្មី និងនវានុវត្ត
• 27/10/2026
បច្ចេកវិទ្យាតម្រៀបហ្សែនកម្រិតខ្ពស់ ការវិភាគម៉ូលេគុលក្នុងជាលិកា និងប្រព័ន្ធស្វ័យប្រវត្តិកម្មក្នុងមន្ទីរពិសោធន៍ កំពុងដើរតួនាទីសំខាន់ក្នុងការជំរុញការស្រាវជ្រាវស្រូវ និងការបង្កាត់ពូជឆ្លាតវៃនៅទីក្រុងវិទ្យាសាស្ត្រ និងបច្ចេកវិទ្យា សានយ៉ា ខេត្តហៃណាន ដោយមានការគាំទ្រពីឧបករណ៍បច្ចេកវិទ្យារបស់ក្រុមហ៊ុន MGI Tech
អាម៉េរិកបារម្ភ ចិនបង្កើត «កងនាវាស្រមោល» បង្កប់តាមនាវាស៊ីវិលខ្នាតធំ សម្រាប់ផែនការលុកលុយកោះតៃវ៉ាន់
ព្រឹត្តិការណ៍, អាជីវកម្មថ្មី និងនវានុវត្ត
• 27/10/2026
របាយការណ៍សម្ងាត់របស់ទីភ្នាក់ងារស៊ើបការណ៍សម្ងាត់ការពារជាតិអាម៉េរិក និងរូបភាពផ្កាយរណបដែលត្រូវបានបង្ហាញនាពេលថ្មីៗនេះ បានបង្កើនការព្រួយបារម្ភអំពីការពង្រីកកងនាវាស៊ីវិលរបស់ចិន និងលទ្ធភាពដែលនាវាទាំងនេះអាចត្រូវបានប្រើប្រាស់សម្រាប់ប្រតិបត្តិការយោធា ក្នុងករណីមានជម្លោះជុំវិញកោះតៃវ៉ាន់
ហៃណាន ពង្រីកមូលដ្ឋានអប់រំអន្តរជាតិ ខណៈតំបន់លីងសួយ លីអា ទាក់ទាញគ្រូ និងនិស្សិតជាង ១ ម៉ឺននាក់
ព្រឹត្តិការណ៍, អាជីវកម្មថ្មី និងនវានុវត្ត
• 27/10/2026
តំបន់សាកល្បងនវានុវត្តន៍ការអប់រំអន្តរជាតិ លីងសួយ លីអា (Lingshui Li’an International Education Innovation Pilot Zone) នៅខេត្តហៃណាន ប្រទេសចិន បានទាក់ទាញលោកគ្រូ អ្នកគ្រូ និងនិស្សិតសរុបជាង ១ ម៉ឺននាក់ ខណៈតំបន់នេះកំពុងពង្រីកកិច្ចសហប្រតិបត្តិការជាមួយសាកលវិទ្យាល័យល្បីៗចំនួន ៣០ ទាំងក្នុង និងក្រៅប្រទេស ដើម្បីគាំទ្រដល់ការអភិវឌ្ឍកំពង់ផែពាណិជ្ជកម្មសេរីហៃណាន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content